高興+ (Closed)

平時間唔中都會來，貪佢食品款式多，有港式有西式，總有一樣啱口味。而且裝修光猛，地方夠闊落，坐得舒服Comfort food之選，蕃茄湯味濃，而且入面有好多蔬菜同菇，夠晒健康。烏冬好滑，豬扒就一般啦。奶茶偏多奶，入口很滑。呢個pancake質感好特別，有啲似蛋糕。唔係空氣感的梳乎厘pancake，但又唔會太實，香蕉配上朱古力醬，味道不錯。這裡的沙嗲牛肉同茶記有少少唔同，偏重花生醬味。吃上去似花生醬撈牛肉，但餡料夠多，而且是烘底，是一份足料的三文治。全日早餐就不過不失，正常發揮，配料尚算豐富。咖啡的拉花也很精美，如果可以轉脫脂奶/植物奶就更好了。

母親節前夕，陪媽媽到北角，逛街市，沿春秧街、馬寶道淘寶，天氣熱，戴着口罩，難受！得找個地方歇歇！在琴行街發現高興+，我收藏了快１年，但不知道具體位置的餐廳，果斷 walk in。安排了沙發位，坐得舒服，加分！午餐吃得飽，不餓，旨在歇息一下，簡單的點了：#牛油果多士，我們很喜歡吃牛油果，就點了這個，多士烘得脆卜卜，塗上牛油果蓉，再加隻太陽蛋，賣相吸引，味道好！推薦！#薄荷青檸梳打，酷暑天，喝這個消暑，讚！#熱檸檬茶，媽媽不喝冷飲，點了檸檬茶，她說味道不錯！我會再來，下次會試 All day breakfast。

我們常光顧的。今天點了Open rice外賣自取, 其一是 "蕃茄蝦乾蝦肉扁意粉", 發覺是辣的。查看餐牌圖片有標示一隻辣椒, 可是外賣選單沒顯示。可否在外賣選單註明"辣"呢? ??

星期六同屋企人係高興食早餐當慶祝父親節，早餐選擇多，有出前一丁通粉三文治All day breakfast。份量夠，價錢平，性價比高。味道不過不失。1. 沙嗲牛肉通粉2. 雞排All day breakfast3. 餐蛋治4. 榛子咖啡唯一要彈嘅係冷氣唔夠，愈食愈熱，餐廳都知道依個問題，現場有好多手提風扇拎黎用。雖然都係熱，但起碼有少少風無咁焗。

呢兩年都間唔中有食呢間野 由一開頭覺得抵食，質素又唔差，當時仲係我的飯堂，到而家實在不了❌最近呢幾個月分別試過早餐，午餐，下午茶，實在好差，主要係食物質素每況越下👎🏻今天叫了下午茶餐外賣，迷你芝士焗豬扒意粉$43+迷你芝士焗瑞士肉丸通心粉$43 （外賣每個份加$1）迷你芝士焗豬扒意粉：份量唔算迷你，都夠食，但質素好差豬扒又鞋又非常韌明明係焗，但唔知點解好多水 迷你芝士焗瑞士肉丸通心粉：淡而無味，又係出好多水 結論： d 好評係之前儲落的，而家真係好難食☹️唔會再比機會佢了

高興我在北角附近工作，經常周圍去尋找優質早餐。琴行街有間樓底很高，很舒適的餐廳。健康番茄濃湯牛肉通粉即煎鮮牛肉，有少少筋。茄湯不錯，和通粉很夾。即煎荷包蛋，夠新鮮，不會太燶，優質早餐。

難得母親節可以一家人外出晚飯，揀咗呢間西餐比屋企人試吓，唔洗成日節日慶祝都食中餐。我哋揀咗4人餐開心食，睇咗大餐牌覺得呢個餐幾抵食，選擇困難嘅我嘅又唔洗點揀食咩，十分好餐湯中規中矩，沙律好大碟好好味，牛扒五成熟啱啱好，保持到肉汁唔鞋口，豬扒同意大利海鮮飯都幾好味，黑松露雜菌意大利粉就有啲漏，食淨咗少少，唯獨是甜品差啲，係現成嘅布甸，無咩驚喜啦。之前未曾食過呢間，難得味道又幾好，媽媽都好滿意，而且安排我哋坐嘅位置為都好舒適，店員又好有禮貌會再嚟幫襯！

9 0 後 的 味 蕾早餐想食得chill啲 · 又貪心想有茶仔既價錢 · 呢間餐廳幫到你 · 以我食過超過30次高興既早餐經驗話你知 · 你食完一定會番轉頭再食簡而精既飯後評價（5分為滿分）食物質素 ： （4分）餐廳環境 ： （5分）侍應服務 ： （5分）價錢 ： （5分）CP值：茶餐廳價錢·但環境chill·野食幾好味詳盡評價高興係我番工食早餐必選之地 原因有以下幾點：1. 早餐價錢好抵 $30 - 45 · 自己睇下餐牌 · 最正係咩 · 就係佢包個杯野飲 · 並非茶仔普通野 · 而係大大枝玻璃樽維他奶 · 加$9仲可以有手調咖啡 · 你話去邊搵到？2. 誠意推介蕃茄牛肉通 / 招牌煎豬扒餐佢個蕃茄湯好濃 · 牛肉好新鮮 · 通心粉仲要唔係林啤啤個種 · 一碗食完飽到喊而佢個煎豬扒係我食足一年都未厭 · 兩塊豬扒勁juicy · 仲要軟棉棉 · $37要試下 ·其他茶仔搵唔到 ·蛋可以選擇炒蛋3. 唔好睇我成日講到好似一間茶仔 · 間餐廳好chill • 裝修係行少少西式風格 · 加上流行廣東歌 · 呢個早餐係買享受4. 員工好nice · 可能我已經係熟客仔 ·所以入親去好有

今次lunch去咗依間餐廳食。環境很不錯。行懷舊風。叫咗個雞扒煙肉蒜茸汁飯。個汁唔係太重蒜茸味。唔會太咸都可以。雞扒大大塊啖啖肉。皮都煎到脆卜卜。味道普普通通啦。反而煙肉個味又幾好喎。煙肉最怕死咸。佢又唔會。好香口。蔬菜嗰啲唔講啦。無人想知啲菜正唔正。飲品竟然有懷舊樽裝維他奶。真係唔係度度有。雖然Mingorr係屬於盒裝維他奶年代。但都有種莫名嘅懷念。仲可以揀熱。養生一族啱晒。總結食物質素一般茶餐廳水準啦。同埋都略貴。係有懷舊嘢飲同裝修加分啦。

路過成日見到尼個餐廳既裝修好特別，好有懷舊冰室風格，又有啲舊式理髮店既元素睇佢餐牌啲食物價錢唔貴，於是趁午餐時間黎試下韓式泡菜雞肉烏冬鍋。 7/10第一口已經覺得好辣！泡菜份量唔多，湯底咁濃而且咁重既辣味應該係出自啲韓式辣醬咁樣做既缺點係會令湯底味道太重（鹹同辣），但冇左泡菜既酸辣清爽既感覺。雞肉係好食既，幾滑同預先煎過，烏冬口感亦唔錯。澳洲肉眼扒配黑椒汁意粉。 7.5/10可以用午餐既價錢食到一整塊肉眼扒，真係幾抵，而且煎得唔錯，五成熟既扒切開後係真係有一半粉紅色😻唔會過熟！而且肉汁都鎖得住美中不足係意粉冇味，唔太融和到啲黑椒汁╮(╯▽╰)╭雞中翼配忌廉牛油果醬。 7.5/10雞翼唔點啲醬食就同普通水牛雞翼差唔多，都係有啲辣，但配左牛油果醬一齊食就好fresh,又解辣

間中我都會去這間cafe。喜歡這裡的食物、飲品和環境。今天一早去吃早餐。炸魚柳、多士、雞蛋和焗豆。炸魚柳和多士都脆。其實原本想加錢轉matcha latte，不過原來早上餐單沒有這轉法，所以最後轉了rose latte。之前都試過rose latte，保持水準，不太甜，咖啡味濃。

今日去咗高興食下午茶，今次係第三次幫襯，不過第一次寫食評。今日我都係叫咗蒜香煙肉炒意粉，不過今次飲蜜桃冰茶，我老公就叫左鮮茄焗豬扒飯 & 凍檸茶少甜。先講個蒜香煙肉炒意粉，今次一d蒜味都無，食到尾聲個底仲有一大劈水，好明顯個意粉炒之前”鯨”水”鯨”得唔夠乾，不過好在夠熱。到個蜜桃冰茶，我冇嗌少甜，但係個甜味其實係少甜，不過OK啊，勝在唔係太甜。個鮮茄焗豬扒飯，原全食唔到焗嘅感覺，個飯又唔係炒底，芝士又唔夠，豬扒又硬，跟本同焗飯係二回事。個凍檸茶少甜，原全無味，茶底好混濁，一d茶味都無。係坐得舒服，感覺都幾好，不過食物一般啦。未去過的話都可一試。

之前食過觀塘嗰間Cafe，又平又好食，好family style，適合一大班人去食，於是就試吓北角呢間。北角呢間嘅裝修就靚啲，用電影為主題，比較多係二至四個人去食，當然佢都有大枱。比較surprise係落單要用英文，不過對住Menu就唔係好難嘅。餐湯係忌廉蘑菇湯，食到一粒粒嘅蘑菇粒，算幾有誠意。諗住健康啲，又見佢幾特別，就叫咗桂圓紅棗功夫紅茶。睇落去幾靚嘅，不過可能飲開紅棗桂圓都係甜甜地，功夫紅茶既甘味都幾重，會蓋過咗紅棗桂圓嘅甜味，係幾特別，不過我比較prefer兩樣嘢分開，一係功夫紅茶，一係紅棗桂圓茶。見到佢個沙律，有啲嚇親，因為份量真係好大。佢係豆腐加雜菜配日式芝麻汁，味道都算清淡。但係食完呢個都有少少飽。比較推薦呢個蕃茄菠菜芝士雲吞，味道同份量都剛剛好。同樣見到都係會嚇親嘅係烤雞。淨係個烤雞都好夠食，仲要加埋下面有好多薯條。隻烤雞好多汁，幾好味。食到呢度已經想叫救命，因為真係好飽。本身都唔想食個甜品，驚會好膩。但食咗一啖又幾好食，一邊熱一邊凍，亦都唔算太甜，平凡嘅外表有驚喜。飽到咩咁，都係$308，十分滿足。其中一樣唔好嘅就係牆同埋隔板，都冇仔細抹乾淨，見到有好多汁飛濺嘅痕跡，

看到這家店名整個人都會「高興」起來吧，是一家港式的西餐店，點了飲料，沙拉和主食，飲料蘇打水和milkshake都很好，主食我點了蛤仔番茄意面，酸甜味適中，雞肉沙拉口感豐富種類繁多，環境也不錯推薦附近的

高興係星期六既時間可以坐到窗口位😝高興星期六既午市套餐都好抵食！泡菜雞肉烏冬- 食辣嘅我覺得好惹味 好好食好滿足 份量唔細呢Oreo milkshake - 比我想像中好飲 朱古力味濃啲～Shrimp Carbonara - 意粉既質地整得剛好汁都好夠～味道幾好幾值得再來惠顧呢！