荳子 (德福廣場1期)

Open Now

Now Closed

Beans 係唯一一間我會定期幫襯嘅Cafe, 佢既食物同飲品質素都保持到高水準，每次都令人滿意。今次嗌咗個新菜式「黑蒜．磯燒鮑魚．蜆肉白酒意粉」，佢屬於一種偏向乾炒嘅意粉，黑蒜白酒嘅醬汁有少少甜甜地，食嘅時候唔會覺得好油膩，反而有啲清新嘅感覺，同海鮮鮑魚蜆肉好夾。絕對可以試吓！🫶🏻另外嗌咗「蟹膏甲羅燒黃金蟹肉意大利粉🦀」，呢個意粉已經數唔到order幾多次🙈每次同唔同朋友都會想嗌依款一齊share。蟹肉蟹膏嘅鮮味令到成個意粉都好香。我哋仲跟餐加咗個黑松露薯條（$28），份量好多好抵食，粗身薯條真係好正🤤今次第一次叫佢嘅甜品「Green Tea Waffles🍵」，除咗主角窩夫🧇，佢仲有好多配料例如紅豆麻薯、綠茶雪糕等等，好豐富👍🏻餐飲我哋叫咗「法式焦糖燉蛋拿鐵」同埋「伯爵茶拿鐵」，兩杯都相當好飲☕️

荃灣人氣Cafe Beans一直人氣旺盛，分店愈開愈多，終於開到九龍灣，每逢經過都看到絡繹不絕的人潮在店外排隊。環境寛敞，設計開揚，落地玻璃設計透入溫和的天然光，感覺悠閒舒適。千島醬蟹棒蟹子帆立貝薄餅薄餅賣相不錯，芝士拉絲效果強勁，視覺效果一流，令人垂涎三尺！餅底厚薄適中，酥香可口、芝士份量多，芝味十足，但可惜千島醬略嫌不夠。法式焦糖燉蛋拿鐵鬆軟奶泡上有層薄薄的脆皮焦糖，入口充滿焦糖香，口感豐富且有層次感。Cheese芝士蛋糕造型跟卡通的芝士一樣，既可愛又趣緻！外表像真度高，就連芝士上的小圓洞也傳神模仿，賣相吸引。入口帶有濃郁的芝士味，口感軟滑，甜而不膩。