Vivienne Westwood Café (Fashion Walk)

Open Now

Now Closed

地鐵公佈八點關門，即帶挈埋XO仔收早，有得約會甜心兒去銅鑼灣行街街兼撐枱腳。女友忙於購物時，竟然俾小肥發現商場內嘅「Vivienne Westwood Café」晚上七點前有歡樂時光優惠，眼見只剩一個鐘，兩口子迅即入去搵位啦！咖啡室為時裝品牌所開設，候座區展出嘅相信係品牌嘅飾物及擺設。店子樓底唔高，但勝在用餐大堂開揚通爽，中央嘅八人長枱有射燈照明，感覺猶如置身於時裝展般，潮味十足。隱蔽於最後方仲有間復古啲嘅洋畫廂房。兩口子被安排入座最靚嘅窗口位。為珍惜餘下嘅歡樂優惠，埋位第一時間當然係要叫酒飲，不過飲咗幾多就唔公開啦，俾大家發揮吓想像空間嘛。小店餐牌共有四頁之多，食物及飲品各有兩頁。點好菜，哥哥仔即送上適用嘅餐具及紙巾，全部都印有品牌嘅土星標誌，製作相當認真。蒜味炸雞粒（$78）：炸雞粒小食大大碟，份量一啲都唔野少，每粒更加係金黃鮮美，外表絕對吸睛！炸雞粒不單有樣睇，入口熱辣香脆，一啲都唔油膩，雞肉軟嫩且毫不乾嚡，塗上自家秘醬則更為惹味，實屬送酒佳品也！烤大啡菇松露意粉（$168）：意大利粉主菜輕盈健美，頂面隻烤大啡菇香潤軟腍，意粉麵條煙韌彈牙，簡單混入雜菌、香草、香蒜、松露醬作調味，

估計大家總會有一兩件名牌在手，對某某牌子會情有獨鍾，而我.....不是追名牌之人，但也有心頭好，而今晚所去的餐廳就是我喜歡的品牌之一。餐廳的裝潢跟其產品的設計一樣高貴優雅，仔細看看四周，有英式的油畫牆紙、一排排英式茶罐、英式的茶具、自家品牌的產品等等，而最特別就是那個13小時的童話式時鐘，裝潢富心思。內裏地方不大，正中設有一張大長枱，如皇室的餐桌會議般，旁邊還有數張二人枱，走入一點也有一排英式梳化座配四人枱。******************************翻閱menu，設計簡約清晰，有前菜、主菜、飲品和甜品。******************************先在五款前菜中揀了一客焗香脆蝦多士 Prawn Toast ($78)，它是非一般的蝦多士，以烤焗取代油炸，岩晒我這個怕熱氣怕油膩的人。厚厚的多士面舖滿爽彈的蝦仁粒，多士就香脆可口，伴上千島醬，配搭美味。旁邊還配些新鮮清爽的沙律菜，更加吸引。******************************輪到主菜，我跟老爸吃飯多數是一個「鮮」字，即是有魚有羊。香煎鱸魚配檸檬牛油汁 Grilled Sea Bass