February

Open Now

Now Closed

SET DINNER:法式龍蝦湯(+$20)，龍蝦味濃郁，煲得夠入味，而且仲食到一條條龍蝦肉絲。金槍魚伴芒果柚子沙律，有特色並且少見既菜式，味道主要帶甜苦酸，芒果和柚子都呈粒狀，加上金槍魚圍邊沾滿左芝麻粒，食落有口感層次。牛油果芝士蟹餅，外層炸粉酥脆，內裏軟綿綿兼啖啖肉既蟹肉絲，配埋煙煙韌韌既芝士，非常滿足。香煎西班牙黑毛豬鞍扒($388)，份量超巨，厚度比蕃茄仔更厚，相信一個人應該食唔晒，目測係九成熟或以上，但肉質一d都唔“鞋”，而且有肉汁，醬汁係黑椒汁好惹味。卡邦尼意大利粉($178)，醬汁最出色，芝士和奶油味好濃，每條意粉掛滿醬汁，中間仲有蛋黃可以攪拌，令意粉更滑溜，煙肉和火腿絲可以增加咬口口感。青檸梳打($38)，味道偏向酸味較重，飲完令食慾更開胃，加上食左咁多肉類可以清一清口裏既油膩感。Triple Berry Yogurt($68)，味道清甜，依家夏天飲返杯冰凍飲品，簡直透心涼。

餐廳環境充滿異國風情，燈光有情調昏暗浪漫，座位寬闊舒適，很適合拍拖約會/聚會，好像可以包場～另收+1 服務費Set dinner 最抵食，有湯+沙律+主食#法式龍蝦湯 +$20濃郁海鮮湯龍蝦味，不會結撻撻。脆脆的蒜蓉多士好吸湯。#松露野菌忌廉湯濃郁的黑松露香味，而且啖啖都有菇碎。#芝士蟹肉 沙律熱騰騰脆卜卜的吉列蟹餅蟹味濃郁，蟹肉碎加厚實拉絲芝士味道很夾，不會太咸，配甜甜的芥末沙律醬～好吃#煙三文魚沙律 🥗有蝴蝶🦋伴碟很少女心，黃金芝麻醬配煙三文魚和生菜🥬#香煎帶子配松露野菌忌廉扁意粉 #🍝 $208三粒大大粒鮮甜肉嫩彈牙的帶子，啖啖足料菇菌，軟硬適中的意粉，整體味道偏向清淡～#美國頂級西冷 $2688-9成熟西冷牛味濃肉質厚實有咬口，有薯蓉、蕃茄、黑醋沙律等伴碟服務質素：7/10環境舒適度：8/10ᶘ ᵒᴥᵒᶅ個人口味評分：7/10

夜晚同男朋友食飯，我地叫左兩個set dinner。前菜芝士流心蟹肉配芥末沙律醬擺盤好精緻，蟹餅包住流心芝士好好食。挪威煙三文魚凱撒沙律煙三文魚有豐富油脂感，沙律亦新鮮。湯法式龍蝦湯要加$20，呢個湯好飲。松露野菌忌廉湯比較稠身，味道濃郁。主菜香煎帶子配松露野菌忌廉扁意粉帶子大大粒又軟嫩，忌廉亦好濃稠。香煎美國頂級西冷好大塊，有紫薯蓉、沙律、番茄伴碟。甜品係Tiramisu。飲品叫左Smoothies: February同Mango Freeze，賣相吸引，味道稍甜。

想望吓血月，點知俾觀塘嘅高樓大廈限制咗大胃嘅眼界唯有死心，點知走入呢間餐廳就有得睇月蝕直播呢間情調夠晒異國風情，喺咁嘅環境下賞月另有一番風味飲住好特別嘅smoothie，雖然佢叫二月，味道就同今個月好match，好熱帶嘅感覺呢度嘅湯亦好高汁，松露湯嘅texture充滿菇粒，而且非常濃厚松露香龍蝦湯仲濃味，飲一啖好似有隻龍蝦喺把口度游水咁，香到不能呼吸沙律配上鮮味三文魚，加咗幾多沙律醬，食齋唔會齋蟹肉薯餅切開就好似出奇蛋咁，芝士拉晒絲，蟹肉亦係餅斷絲連，食落更唔使講，蟹香四溢主角之一比目魚，煎得香滑無骨，唔嚼好啲真係會直接瀡落喉嚨，連塊皮都好滑，冇個位係嚡口黑毛豬鞍超級厚肉，但奇嫩無比，肥瘦均勻，用刀輕易切割，咬落肉汁豐富，加埋蘋果蓉真係冇得彈

燈光昏暗有情調，裝潢佈置挺有特色，用了充滿神秘色彩的彩繪玻璃吊燈，帶有異國風情。法式龍蝦湯 (+$20)上桌時飄來陣陣龍蝦香氣；龍蝦湯呈橘紅色 ，很稠 身，入口順滑，味道濃郁。芝士流心蟹肉配芥末沙津醬金黃香脆，切開後可見到內裡的芝士呈半溶狀態，從心溢出。還可拉出一絲絲芝士 ，視覺效果一流。咬下去一香脆一軟滑，鬆軟而不散，口感豐富。香煎帶子配松露野菌忌廉扁意粉帶子外層煎至金黃香脆，入口鮮嫩，爽脆又有彈性，非常鮮味。意粉有咬口，掛滿醬汁，入口帶黑松露的幽香。Febrauary粉嫩色的smoothie給人甜美的印象，入口桃味及橙味濃郁，帶有春日氣息，清涼感十足、十分消暑降溫。檸檬撻味道酸酸甜甜，一股清幽芳香的檸檬味湧入味蕾，口感清新。