貓抓烤肉

Open Now

Now Closed

十二點到場得一個侍應,有訂位佢完全唔睇唔理,叫我哋隨便坐就可以! 去到中途因為冇待應嘅關係,煎盆變燶我哋用蔬菜同埋個鉗開始剷走烤盤個底嘅燒焦物,四眼大媽見到突然間發癲,拎住個新嘅烤盤過嚟鬧我哋,唔可以咁樣做會整花個盤,乜乜乜乜乜乜鬧咗一兩分鐘,你哋可以叫我幫手換,我話問題係搵唔到你!態度惡劣!左右台都望下發生咩事,換完之後大媽離開!隔咗半個鐘大媽推啲甜品出嚟,突然間食咗藥又變返正常,仲要態度好好添,週圍話唔好意思喎因為布甸做得好差z唔成形我哋畀其他甜品你哋o唔ok?咁就冇辦法啦當然ok!除咗無啦啦畀大媽鬧呢個因素,整間餐廳環境清潔食物全部都唔錯,希望貴公司睇到呢段評論,可以教下阿大媽,如果係黑口黑面都算啦,幾耐未試過去街食嘢畀人鬧,係鬧呀!撇除大媽呢個因素,呢間餐廳絕對值得再去!

之前食過午市set餐覺得性價比都唔錯👍🏻所以就同老公過去食，食完好耐未試過咁飽！兩個人叫咗二人餐，但如果你係細胃代表，千祈唔好亂叫！因為太飽啦！入到去晚市人流唔算太多，所以有人幫我地燒野食。真係冇燒過肥牛所以有個人幫吓手都幾好👍🏻 最好食係所有有泡椒調味嘅肉！ 佢啲雞肉係好滑好嫩但如果你都幾驚辣就唔好亂試，都真係幾辣吓我地有將其中一個飯轉咗做紫菜飯（好似牛角飯）同埋其中一個甜品轉做佢地特色貓貓甜品！佢唔係剩係得個樣，仲要好打卡able 又好食食物： 4.5/5 整潔：4/5服務：4/5份量：5/5性價比：4.5/5泡椒肥牛add-on dessert 貓抓全明星

經openrice訂枱，去到即刻有得入座👍🏻環境乾淨寬敞，周圍充滿住不同嘅喵喵裝飾🐱食物質素好得😋食得辣嘅真心推薦泡椒肥牛我地食完一碟唔夠喉要再encore🤣貓草茶雖然個名有啲伏，但事實又幾好飲甜品都有貓掌，勁可愛😍服務真係要一讚朋友好滿意今餐生日飯話受寵若驚到好似去左海底撈咁🤭但價錢抵一截，仲有支香檳俾我地慶祝生日🍾就連小朋友都有小禮物🥰唔記得問係咪生日提早訂枱就有得送定點🤔Anyway大心細路都好滿意一定會再唻

貓爪全明星拼盤七件$308包括蒜香豬五花，現拌牛肉，秘製牛五花，雪花牛肉，貓爪藤椒雞，藤椒牛舌，炭燒黑豬梅花肉全部都好惹味好好食，同埋$308咁大盆，咁多款式我覺得都幾抵食洋蔥牛小粒$92好香口，好似鐵板牛柳粒咁樣份量都多👍🏽泡椒肥牛$88藤椒味好出，同埋$88都好大碟，抵食！👍🏽烤茄子$39都幾辣下貓草茶$28*2奇異果椰果冰食烤肉再飲啲杯酸酸甜甜好清爽焦糖布丁$26算係幾正宗幾好食嘅焦糖布甸，上邊個貓爪布丁好得意黑貓雪花冰$42個雪花冰，係椰子味嘅幾特別上面有啲oreo粉整得好靚頂頂個貓手掌好可愛下邊有紅豆同埋涼粉，紅豆涼粉冰好好食，推薦👍🏽