鐘路雞林辣炖雞湯元祖

Open Now

Now Closed

因為少食辣，平時甚少食韓國菜，今次同朋友試吓香港甚少見嘅韓式辣炖雞湯，居然有驚喜首先每枱必定order 招牌菜炖雞湯，我哋三個人有兩個食辣所以我都即管試吓，好在叫左少辣最後我都接受到，因為真係冶味好多我哋叫咗一個中鍋，份量很夠，雞很多肉嫩有鮮味，一啲都唔鞋泡菜煎餅好食。好想試埋其他口味如海鮮，但我哋太少人怕食唔晒唯有下次再試，煎餃子有驚喜好好食呢炒韓式粉絲一般，甜品韓式糖餅其實即係紅豆煎餅，味道有啲似上海菜嘅豆沙鍋餅，但好好食一啲都唔油，為呢餐劃上完美句號其實香港真係有好多美食，希望多啲人支持本地歺廳，令小店都有經營空間喇

以我所知係韓國當地，弘大附近小區望遠市場，呢間韓式辣雞店「鐘路雞林辣炖雞湯元祖」非常著名，有別於平時食開既烤雞店，有別一番風味，而且CP值高，價錢抵食份量又多，鍾意飲酒又可以碰一碰杯，簡單就是美。👇🏻📌人 氣 招 牌 -▪️ 辣 炖 雞 湯 - $328/2人份▫️ 一定係先黎個招牌菜「辣炖雞湯」，佢地有辣有唔辣，但食過就知一定要嗌辣，辣湯係惹味好多，一大鍋裡面包左年糕、大蒜、大蔥、全隻雞、薯仔，而泡菜、芽菜就另上。Staff建議先食幾舊年糕先，食落幾有咬口，而佢地既雞係斬件上，吸收哂湯汁同蔥蒜係相當濃香入味，肉質又夠嫩滑，份量絕對夠哂兩個人，相當滿足。▪️ 芝 士 炒 飯 - $50▫️ 食到最後，會用返果鍋雞湯再炒返個飯，佢有炒飯同埋呢個「芝士炒飯」揀，我就加左芝士啦，食落有d似韓式紫菜飯團果種，飯粒軟糯，仲帶d芝士，好食。▪️ 泡 菜 煎 餅 - $70▪️ 韓 式 糖 餅 - $50/2pcs▫️ 另外嗌左兩款小食，呢個「泡菜煎餅」外層帶少少微焦，咬落脆身，味道濃香；而「韓式糖餅」裡面紅糖夾心甜而不膩，餅皮煙煙韌韌，幾有咬口，唔錯。

👍🏻韓國辣燉雞湯 $290/2人份新開冇耐嘅韓國餐廳，由正宗韓國人主理，當日lunch去到見到唔少韓國人嚟幫襯😯招牌主打韓國正宗辣燉雞湯，見隔離幾枱韓國人都係嗌呢個，另外有專為香港人而設唔辣版本食法都幾講究，上枱時燉雞已經煮熟，再放爐上滾熱滾起時先夾少少蒜蓉放入秘製醬汁度，再攪勻剩餘嘅大量蒜蓉溶入湯中🤪湯底蒜味非常濃郁，同時亦食到辣椒味，但辣度較溫和唔刺激，係香港人都接受到嘅程度😙食開辣人士甚至可能覺得唔夠辣，但整體調味係好食的，個湯都可以飲埋，唔會太鹹太濃味好口渴建議可以先試吓本身嘅辣味，覺得唔夠辣先叫店員加辣椒粉都得-除咗雞肉外，配料仲有年糕、薯仔、蔥段等老闆娘教路依次序先食年糕、雞肉，薯仔最後滾到入晒味先食😛雞皮比較腍身，雞肉就唔算好嫩滑，始終一路滾住雞肉醃料調味唔算好重，跟個人口味可以點蒜蓉醬汁，鹹中帶酸，或者連住湯一齊食又得😜年糕同薯仔就正常發揮二人份量嘅雞件都幾多，胸背髀翼所有部位都有，大大舊唔會斬到太碎，都幾厚肉二至三人食都OK，可以嗌下其他配料或者小食另外我地加咗個韓式拉麵+$30，雖然只係公仔麵好似有啲唔抵咁但放入去又的確超級夾，勁索湯好正🥹！不過要注意雞湯滾起會非常