喜來稀肉 (金巴利道)

Open Now

Now Closed

禽晚煲完韓劇同老婆又黎歎燒肉、食水冷麵。呢度格局好地道韓國風味，唔算貴，所以間唔中我都黎幫襯。一開始店員倒嘅蛋漿好快已經熟左，泡菜蛋好香蛋味又飽肚。食燒肉配搭嘅蒜片同生菜，喺自助區任攞，想夾幾多都得最正。每次一再encore嘅梗係秘製醃過嘅喜來烤肉，醃過嘅肉淋又甜，烤起嘅肉軟嫩肉香。禽晚睇韓劇見主角食五花肉已經流口水，所以今晚我都order返碟辣醬五花肉，烤香嘅油脂好彈牙，肉質都寧舍juicy，自取區有任攞前菜、生菜，夾埋一齊食仲好食。

最近迷上《犬系戀人》就想 try try 嗰種放工去食韓燒嘅風味，於是去咗金巴利道呢條韓國街搵食！🤭「喜來稀肉」由門面到樓梯裝修，到煙囪式嘅燒肉爐配銀色圓枱，真係好似去咗韓國街頭咁！我哋被安排到坐喺中間嘅銀色圓枱，雖然枱面唔算大，但枱與枱之間空間感十足，兩個人坐唔會太逼。如果多人，會有啲長枱，唔啲就啱晒一大班朋友聚會！食物方面，除咗燒肉，仲有大醬湯、水冷麵、人參雞、石鍋拌飯及海鮮蔥餅等傳統經典料理，不過作為食肉獸嘅我，重點梗係食燒肉啦！而自助區有無限量嘅泡菜、醃蘿蔔、生菜、銀菜供應，仲有爐邊蛋可以自己任加，咁就算只叫肉都唔怕齋。😋由菜夾住燒肉食，爽脆感配埋肉嘅惹味，唔止膩，口感仲豐富好多！爐邊蛋有明太籽同芝士兩款，又滑又香，韓燒必備呢！喜來烤肉 $158烤肉捲成花形，配埋有印咗「喜來稀肉」韓文嘅菇，擺盤幾靚！肉都幾多片，厚薄適中，燒幾秒即熟，有咬口但唔鞋口，而且醃咗甜甜哋嘅燒肉汁，好入味！牛五花 $158睇韓劇啲人慶祝就會去食五花肉，咁一定要叫啦！牛五花肥瘦相隔，油脂豐富，肉質鮮嫩多汁，入口油香十足！牛舌 $158薄切牛舌爽身有口感，燒肉汁都醃得好入味，而且份量都幾多，好滿足！藍莓梳打

一向鍾意呢度氣氛好價錢公道，生菜同前菜自助形式，仲好企理。前菜好正！泡菜、青瓜同蘿蔔任食，味道唔係超辣，適中爽口。大醬湯裡面有蝦有肉有大量洋蔥、金菇，味道同日式味噌有d相似，但味道再濃郁d。一定要叫配飯拌食，一羹飯一羹湯就好正。燒肉方面必定order嘅係秘製醃過嘅喜來烤肉同口感實在d嘅牛護心肉，喜來烤肉醃汁比較香甜，烤起嘅肉軟嫩肉香。牛護心肉纖維較多同埋牛味幾重，自取區有任攞生菜，夾埋一齊食仲好食。

久違地來一次韓式燒肉，同朋友把杯暢談，一邊烤肉一邊吃泡菜，發現地方好闊落，枱同枱間寛闊，抽風好好，唔會一頭油煙。韓式配菜採用自取模式，泡菜，醃蘿蔔，沙律菜，包菜，醬汁等都係自助嘅，唔使假手於人，源源不絕，想要即有。爐邊蛋分芝士蛋同泡菜蛋2邊口味。招牌喜來稀肉係選用牛板腱位置，加上甜醬油醃製，再卷成花，上枱特別搶眼，肉質鬆軟，牛味出，帶醬油香甜，配上泡菜包菜特別滋味。韓式豬皮係我去喜來稀肉必點菜式，醃製過嘅豬皮，烤到香香脆脆，口感Q彈，帶醬油香甜，點上黃豆粉更添香氣。韓燒怎麼能缺五花腩！慢烤烤出油脂，變成金黃色香脆烤豬腩片，配上一點粗鹽麻油，真係回味無窮呀！食完熱辣辣烤肉必須來一碗爽彈嘅水冷麵，麵質爽滑彈牙，清爽湯底配上雞蛋同青瓜，所有熱氣即時降溫，連湯都飲埋無得剩。由初開幕大排長龍開始，咁多年食過咁多次仍然保持到水準，難得難得。

好野當然食過翻尋味，點都要黎執多劑 ﹗長期排隊等位，晚上六半未到再次呆坐。拿住張號碼籌十足等睇醫生一樣，前面仲有12 個呢！人氣高企，慕名而來！感覺良好，非常韓風！眼見眾多韓妹食家，還有韓國少男少女侍應，個個青春活潑有衝勁，食都食得特別有精神。正門雖小，話晒有間房仔讓食客坐下等位，而且上到大廳非常寬敝，真的意想不到。空間感極大，檯椅密度不高，走廊開揚，坐得舒服空氣流通。終於都食到喜來稀肉，堅係非一般韓牛，韓風凜凜好味道，百吃不厭。真露原味，閒時飲真怒，溝女唔會燥！泰菜飲泰啤，中菜飲茅台，日菜飲殺茄，西菜飲紅酒，韓菜當然飲真露啦。大豆芽清湯，我經常懷疑是否用來洗手，不是飲用的。味道淡如清水，微弱咸味，基本上沒有味道。難得跟肥美拉娜小姐共餐，大家食多兩舊不要客氣。泡菜，飛機貨韓國直送？似乎真的特別鮮甜爽嫩多汁喎，醃味別具一格。大豆芽，跟沙律機乎一樣，撈個汁不用煮即食得，竟然爽甜多汁沒半點腥味，連食唔到芽菜的我都食唔停口，開胃小菜。生洋蔥圈，調過味的，淨食麻麻地，等一下炒炒去連烤肉夾生菜包食就會無得頂喇。濕潤的洋蔥圈耐心地炒到焦香軟綿，搭上烤肉生菜包絕配對無敵，食到一絲不漏。泡菜湯，厚厚香辣

今次終於dig起心肝去排隊等，點知好好彩只係等咗3張枱，就有位喇 (可能係因為平日加上嗰陣只係六點幾) ！食韓國嘢最正就係韓國前菜，呢到有泡菜、新鮮洋蔥同芽菜。另外，有人會幫你用鐵板外圍嘅位置“燒”蛋，有泡菜同原味兩款。我就鐘意泡菜味多啲，香口啲吖嘛。大家記住留意火喉，時間一耐就會老㗎啦!嚟到呢到梗係要嗌喜來稀肉，薄薄一塊，卷到好似朵花咁，賣相就好吸引啦。食落又真係幾正，肉質又嫩又多汁，包埋生菜，一個字: 掂! 不過大家要注意唔好燒太耐，因為好薄好易熟，燒一分鐘okay㗎啦，如果唔係會燒晒啲肉汁。人哋話喜來稀肉嘅護心肉都一定要試，有辣有唔辣。護心肉原來係豬橫膈膜同豬肝之間嘅肉，每隻豬得200至300克，非常矜貴。我哋就梗係揀辣味啦，不過其實都唔係好辣，燒起嚟就好香!! 入口有啲豬肝味，脂肪唔多。相比起喜來稀肉，護心肉比較較厚身，食落較爽口。講真，第一次食呢個部位，幾特別。另外，我哋叫咗牛五花，又係薄薄一塊，輕輕一烤就根本已經熟晒，肉質幼嫩，加埋啲脂肪，好香好惹味。豬皮，車仔麵就食得多，乜原來可以韓燒嘅咩? 豬皮本身就已經熟，所以燒一陣就得。不過我覺得食落有啲硬，有幾舊仲勁難先咬得開，唔

每季來一次喜來稀肉久不久想吃韓燒就會去金巴利道，韓國餐廳愈開愈多，炸雞好啤酒好燒雞也好，對燒肉之熱情還是無法取代的😌在熱熱鬧鬧的餐廳裏，和炭星人慢慢燒肉，包著菜一口一塊肉，實在是太寫意的事情(=´∀｀)人(´∀｀=)我們每次想吃韓燒，都會來喜來稀肉，貪其價錢便宜，一人最低消費一碟肉，但重點是前菜和爐邊蛋都任食！是非常重要的一點呢，因為叫一碗白飯（$12)，拌上配菜，其實就是韓國拌飯了！省下幾十元買一個韓式拌飯(婆仔出動)XD星期日晚，八點多來到，兩個人也等了大半小時才入座呢，掀開座椅，把隨身物品扔進去，便準備好大口大口地吃肉了😎😎我們一坐下，前菜四碟(生菜泡菜芽菜洋蔥），還有爐邊蛋(原味+泡菜味)都馬上上場，前菜已經佔了桌子一半，多叫幾碟肉也怕沒有位子放呢🙈前菜：醃洋蔥真的好好吃呢！🌸🌸🌸酸酸甜甜，很開胃泡菜比較大塊，以生菜包著吃有點不方便。味道偏淡，可能是醃不久就要捧給客人吃的緣故～豆芽拌菜，完全靠上面的辣醬調味，有一定辣度，大家要自己調整份量啦！肉還未上場已經忍不住先吃生菜包菜(?)😂😂😂加一片生蒜已經很有味道，辣勁嗆勁都齊了～店內主打：護心肉 ⭐️⭐️⭐️⭐️⭐️每隻肥豬只有200g 護心

經歷過去年情人節捱「貴價超hea懲人節套餐」的慘痛經歷，決意今年要來個大平反：提早慶祝加揀選沒有「情人節套餐限定」的食肆。本身已鍾情於香口燒烤，再加上去年年尾的一趟韓國之旅，令愛吃「香口野」的我更不能抗拒韓式燒肉。大約17:30到達，雖然避過「等位時段」，但都難以避免燒肉時間限於一個半小時內，幸好店員都友善地講解。被店員安排到圓枱進膳，枱凳跟韓國街頭燒肉店的大致相似。 烤爐旁邊有兩個坑，一邊放上泡菜再倒入蛋漿，另一邊是純蛋漿，烤一會就變成香口蛋餅。 稀有的護心肉是豬橫膈膜與肝之間的肌肉筋，被店方視為招牌的護心肉有別於一般豬肉，並無多餘油份所以口感實在而帶嚼勁。如愛吃「啖啖肉」的則可嚐嚐，但個人還是比較喜歡吃到滿後油香的烤肉。 牛五花是店方另一推介食品，亦是我此行要大大讚的。見到紅白相間就證明五花肉與其脂肪比例十分均勻，驟眼看來好似打邊爐的雪花肥牛；加上店方的秘製醬汁（可能用雪梨汁醃製），為牛五花加上清甜味。烤肉時，將蔥絲放上鐵板上烤一烤，再以生菜包住牛五花及蔥絲一同吃。讚！ 店方體貼地替客人預先把豬片剪開，一碟150g的豬皮約有八塊。豬皮本身比較淡口，將口感彈牙的豬皮烤好後，沾上黃豆粉

是晚約咗6時去與朋友一起食韓燒，更可以體驗正宗的韓式燒烤。「喜來稀肉」是我們今天試食的地方，位於尖沙咀金巴利道，這裡附近也聚集不少韓國食肆。一樓連地鋪是餐廳位置，不過用餐位置在一樓，我們正在行上梯級時，已不少店員企在梯間用韓語跟我們打招呼，這裡大部份的員工及老板都是韓國人，幸好老板及有些少部份的員工都懂廣東話，都可以容易溝通。由店員引領入座，，當燒烤食物時油煙好完全由抽氣爐吸走，令到環境都無油煙，空氣都比較清新一些。而且店內都用了易潔的燒烤爐，使用時不用加油又不會黏底，真是非常方便嗰鐵板又好快燒熱。 座椅可以打開，可放衣服及手袋在椅裡，可以不用俾油煙弄髒衣物，真是非常細心有趣。 其後店員已好有效率地奉上餐牌、三款醬汁及倒茶，更在爐上加了一些蛋汁，讓個蛋烤熟後可以舀來食。一邊是原味非辣，另一邊的蛋汁加了一些泡菜，最後兩個蛋的旁邊放了一些garlic，可以當配料進食。三款醬汁方面分別是麻油加上鹽、甜酸汁及豆瓣醬。打開個menu，店內供應的主菜除了牛肉及豬肉，更供應炒年糕、拌飯及蔥餅......個爐點著後，店員馬上準備了一些配料上枱，包括洋蔥、泡菜、生菜、辣味的大豆芽及秘製醬汁。配料方面

尖沙咀金巴利道除婚紗店舖多外，韓式食肆也有不少。今次途經金巴利道，選擇了在開業不久的喜來稀肉用餐。餐廳正門在地面，步上一條樓梯便抵用餐區。店內陳設帶點原始粗獷味，清水泥石牆配上木枱，又有用磚牆砌成的用餐區。餐桌放置密度理想，但因餐椅無椅背，舒適度差了一點。店內的服務生很多也似韓國人，感覺更地道，不過有時也弄不清用什麼語言來溝通，基本上都自動轉上明珠台對答。一如其他韓國餐館，首先奉上的是泡菜小吃。這兒的泡菜醃得幾入味及爽脆，辣度算上中等，有一定刺激性。另一前菜涼拌辣大豆芽，同樣以清爽口感行先，不過辣度方面比泡菜少一兩級，並帶點酸味，多吃一點亦無防。吃過辛辣泡菜，可來一碗白蘿蔔肉碎湯清清味蕾。清湯食材味道簡單，主要靠白蘿蔔薄片引出淡淡清甜味道。在正式開始燒烤前，店員先在鐵板周邊凹槽位置注入蛋漿。一條凹槽注入純蛋漿，另一條注入泡菜蛋漿，最後一條放入蒜粒。蛋漿有兩用途，其一在未煮熟前可供烤肉蘸上，為烤肉增加滑溜口感，其二在蛋漿差不多煮熟的時候，可用匙羹盛起品嚐。要吃韓式風味，當然要試泡菜蛋漿那邊。烤肉款式皆試了店方推介，首先是護心肉。根據店方介紹，護心肉位於豬橫隔膜與肝之間的肌肉肉筋，因油份少