Grill ขนทอง (駱克駅)

Open Now

Now Closed

每次路過呢間串燒店個陣，見到佢地排列出嚟既各種串燒就覺得好吸引好想食🤤終於有機會嚟試下啦💜泰式串燒雞、豬、牛配炒飯($69)雖然落單之後好快就嚟到，但無論串燒定係炒飯都仲冒住白煙熱辣辣㗎，而且仲好香添😍先試下炒飯，雖然顏色好深睇落調味好似好重手咁，但一啲都唔會太濃或太鹹，仲粒粒分明，只係估唔到原來個炒飯係有啲辣，唔食得辣既朋友仔要注意啦❗至於串燒方面，每一串都好惹味亦燒得啱啱好，個人覺得以好味程度排行既話係：豬>牛>雞。隨餐仲會提供一小兜沙嗲醬，入面有好多花生粒，將串燒配埋個醬一齊食味道就更有層次👍🏻總括嚟講呢個lunch set相當抵食，比平民價錢就可以食到唔同款既串燒，仲包餐飲，質素亦唔錯，絕對會再嚟食lunch💕

每次經過grill都會被烤香味吸引，佢地d串燒實在燒到好香🔥！最近發現原來佢地有lunch set 的，可以有飯又有得食串燒，而且價錢合理。餐廳內好colorful好多畫，坐得都舒服。🌟泰式串燒雞肉配炒飯- 個人覺得點呢款最開心，因為可以一次過食到豬、雞、牛串燒，每串都好香口😋飯惹味濃香🌟去骨泰國海南雞飯- 海南雞飯全去骨, 連雞翼都去埋骨，正！旁邊的飯好夠「薑」味，水準不錯。另外還點了幾款串燒，可以慢慢食傾下計。特別喜歡白鱔，烤得香口之餘肉質夠juicy！魷魚都好香口惹味。下次再來食其他串燒😆🔥

之前經過cwb呢間專門食串燒的店鋪，以為只有外賣一直無入去，最近先發現原來他們是有堂食的！堂食以高抬為主，都幾多位，又發現一個cwb食嘢好去處！😝食lunch set只需ard $70，價錢都合理，而且水準都不錯！🍢來到這裡當然要食串燒，食過泰式串燒雞、豬、牛配炒飯後，發現呢到嘅串燒真係好得！每款都grill得好香，esp雞肉grill過後仍然keep到軟嫩texture😋另外飯加上唔同配料，格外惹味香口去骨泰國海南雞飯的飯才是重點，飯內薑味好重，有點像在某些酒店吃到的香味薑飯，而且難得的是不油膩。旁邊的雞肉都嫩滑+香。🍢點了幾款小食，泰式青咖哩大魚蛋係最最impressive的！底下的青咖哩好香，是少有地會吃過不停的。味道甜甜地，好香椰香味，配上少少辣，一吃難忘🥘冬陰功湯酸甜味道做得好balance，唔會係死落辣果d、入面仲好足料，有鮮蝦+菇！點了幾款串燒同樣出色，好香烤香味，特別喜歡菠蘿，外皮是脆香的，入面香甜。另外魷魚鬚香得來配了酸+惹味辣，幾特別。下次再來食grill嘢！