媽咪隨意屋 (Closed)

今日星期日嚟到長沙灣，下午茶時間去咗元州商場裏面搵嘢食商場側門入口見到這一間感覺比較新潮嘅食店，見到餐牌上有唔同嘅泰國菜式食，仲有都幾吸引嘅下午茶餐，決定入去試吓餐廳感覺舒適，位置處於天窗之下，有自然嘅光線帶入來，感覺悠閒佢哋喺快餐店形式，先點餐付款，然後搵位坐低，最後店員會送上點餐。店員好友善，好樂意介紹佢哋店好味嘅嘢食我哋點左兩個下午茶餐船麵材料都幾豐富，我哋揀咗豬肉，另外仲有丸、蘿蔔、芽菜、雜菜、芫荽等等。湯底加麵線配合埋材料都幾好味串燒燒得好香，配合埋泰式辣醬同埋沙嗲好好味 下午茶餐配埋飲品，一杯我哋叫咗熱柚子蜜，都幾香甜。另一杯我哋叫咗泰式奶茶我地點左少甜，茶味好香濃，我覺得好飲過去泰國飲嘅，哈哈下次嚟到要試吓佢哋嘅海南雞同埋其他款式嘅串燒先，都好吸引

今日係元州商場，經過媽咪隨意屋見到個店員好熱情咁介紹餐單，所以就試下啦! 🤣因為阿妹唔係好肚餓，所以我地就嗌左鮮肉船粉（牛）套餐配泰式凍奶茶、沙爹串燒雞、雞軟骨同菠蘿蝶豆花。鮮肉船粉（牛）好足料！除左有牛肉片之外，仲有好彈牙嘅肉丸同炸豬皮最正嘅就係面頭有唔少九層塔！（個人超鍾意食九層塔😍）啲粉嘅份量都唔少，唔會食幾啖就無曬粉。我亦好鍾意粉嘅質地，啱啱好，有咬口。而湯嘅味道就似越南湯河，所以鍾意食越南粉嘅一定會覺得唔錯。泰式奶茶係店員推介。一開始有啲驚會好甜，但飲落完全唔係平時泰式奶茶嗰隻死甜。好正！🤩如果想挑戰泰式奶茶，又唔鍾意飲咁甜，絕對可以一試。雞軟骨份量超多！不停食都仲有咁。炸得好脆，又唔會淨係食到層炸粉，好有咬口！大推！！！⭐️⭐️⭐️⭐️⭐️沙爹串燒雞肉製超滑！聽老闆娘介紹試下唔點汁食， 啲雞肉都好夠味。咁當然鍾意濃味啲，點汁食就仲惹味。菠蘿蝶豆花個漸層好靚，岩曬打卡。（老闆娘話絕無色素添加，所以可以放心飲）飲落好清爽，似檸檬梳打，有菠蘿粒就更添口感，夏天就最啱飲。😋仲有就係依間店嘅食物係唔落味精，所以唔會有食完好口渴嘅問題。下次再經過一定會試埋熱門嘅海南雞飯！

🌻LUNCH SET泰式咖喱飯糰牛腩 配菠蘿碟豆花 $66🌻咖喱飯有得揀青咖喱或普通咖喱，我就揀咗青咖喱因為貪佢椰汁味夠重。呢間嘅青咖喱汁會比較咸，所以配飯食就啱啱好。牛肉份量都正常，有齊平時青咖喱會有既餸，滿意！ 🌻菠蘿碟豆花 （跟餐加$8轉泰式飲品）🌻 跟餐有個飲泰式飲品，因為店員強烈推介，所以就試左個菠蘿碟豆花。一開始會好驚伏，因為賣相睇落得個甜字，但係有驚喜！一飲落係成口既菠蘿配有氣梳打 店員話其實呢個係一個泰式涼茶，好適合女仔飲。成杯飲品係 冇添加劑 冇色素 全天然超健康！所以我一定會推介你哋去試呢杯飲品 真係好特別！🌻LUNCH SET鮮牛肉船粉 $49＋$8（泰式飲品）🌻朋友就叫左個牛肉船粉，我就試左幾啖。湯底飲落似越南河粉既湯底，好正！牛肉船粉既意思係有唔同牛既部位，食落口感幾得意，會推介大家試！🌻泰式奶茶（跟餐加$8轉泰式飲品）🌻 另外，店員亦推介我朋友飲泰式奶茶。呢杯泰式奶茶好香 而且比較甜 所以適合比較鍾意飲甜野嘅你因為唔夠喉 所以我同朋友仲叫多兩個小食 希望冇因為我哋驚人既胃口嚇襯 🌻雞軟骨 $39🌻份量好多 好經濟 強推!🌻沙爹雞串 $17🌻雞肉好軟熟 有發