媽咪隨意屋 (Closed)

經過元州商場很多次，直至現在我才知道原來商場的這個位置是有餐廳的，有快餐店、有這間泰國菜。到達時剛好下午茶時間，價錢經濟。即使是下午茶，餐牌的選擇也很多。而午市的價錢就會貴少少，主食為要所以沒有下午茶那樣多選擇。如長者來食下午茶，可以更優惠的價錢品嚐，十分抵食！我選了豬肉的濃湯船麵($36)。除了豬肉，還可以選擇牛肉、肉丸等配料。見到餐牌上寫著需要額外加$8跟配以上材料，我就詢問了店員基本的船麵是否沒有包含這些食材，但原來麵食本身已提供了基本的配料，例如我選擇了豬肉則會有基本的豬肉份量，如覺得不夠或者雙拼就可以加錢跟配。湯底顏色頗深，味道同樣足夠又不太鹹，作為湯底配著金邊粉食幾有泰國風味。本以為碗不大又是下午茶份量或許僅僅夠食，但原來金邊粉的份量都幾多，只是略為煮得淋和如圖那樣會出現斷段的情況，影響口感。船麵本身的配料很豐富，例如有椰菜、芽菜、炸豬皮、白蘿蔔、通菜等，而白蘿蔔煮得很淋，完全吸收了湯底的，幾美味。選配了豬類船麵，很驚訝地餐廳十分大方地加入了不少的豬肉片，有豬味質地不會硬；旁邊也包括了兩粒豬肉丸，細細粒但味道濃郁，跟在泰國食到的相似，應該是泰國進口的貨，有泰國的感覺大概$4

尋日同事話呢間嘅泰式串燒幾好味，所以今日就落黎買，入到去想叫份午市套裝（本人返夜班通常都遲食飯），大概17:50分左右就去到櫃檯度，可以話係完全冇人打算理我，見到所有侍應都係度同一位外賣員嘈緊交，八卦聽咗一陣發現大概就係嘅外賣員係度等咗好耐，呢間野嘅廚房都唔比佢嘢咁。過咗一陣我眼見所有侍應都係度處理緊外賣員單嘢🫠我企係櫃檯度好似隱形人咁比人忽視，我都開始懷疑自己究竟係咪企錯位，忍不住問行過嘅侍應：「其實外賣究竟係咪係呢度落單架？」個侍應叫我等。終於有人打算幫我落單了，我就同收銀度講我想要午市套餐，點知收銀嗰個人都係唔放過嗰個外賣員，我講到一半佢又返去同外賣員嘈交😹等到佢哋返黎之後，我終於講完我想講嘅嗰句嘢，點知收銀同我講：「唔好意思呀，而家係18:02分，我哋午市套餐淨係著到六點鐘咋！」我真係多謝晒你呀，我喺度企咗10分鐘係咪真係冇人見到我架🫠不過其實唔緊要嘅，我就要咗份一人餐（如圖），返到屋企打開真係o曬嘴份慢燒豬頸肉拼雞肉一睇就知係事前整定，因為個豬頸肉根本就唔係熱嘅🫠個雞肉都係肉眼可見的乾柴，舊雞真係極品，咬咗一啖真係懷疑人生😹豬頸肉都係普通地差，可能因為擺咗一陣的緣故呢，塊豬頸

看著餐牌，點了二人餐，都幾抵食，味道也不錯，令人滿足的泰國菜。燒豬頸肉很香，醬汁絕配。湯材料多樣，有不同菜，夠健康。🍛🍛🍛🍛🍛🍛🍛🍛🍛🍛🍛黃咖哩濃濃的咖喱，質感濃厚，咖喱加左椰漿令其變得香而不辣。價錢是公道的街坊價。餐廳位置方便，食物又多選擇，二人餐也很飽肚，仲可以加配特飲。🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛🍛

💫媽咪隨意屋（元州商場地下G01號鋪）經過見到menu嘅選擇都係想食嘅嘢🤣，價錢ok，馬上試一試！💫冬陰功湯粉 $58✨味道偏酸✨算幾足料湯粉整體ok啦，不過不失。但杯凍檸茶就唔係幾好，唔知點解有啲怪味😮‍💨💫蠔仔肉碎泡飯 $58✨啲蠔好鮮味，湯都好食呢碗係男朋友嘅所以我淨係偷咗幾啖黎試😮‍💨個泡飯好好食，出乎意料！👻總結：分量算多，本來冇抱好大期望，但整體都唔錯！係杯凍檸茶差啲😮‍💨

不可以用一間肚餓進去吃飽出來的快餐店比較，食物從下單到取走是合理等待時間，除了食物美味之外，可以見到每位店員都是用心去做。其中炸蝦餅好味，黃咖喱虎蝦足料而且蝦也大隻，泰式炒金邊粉炒乾身好味，椒鹽茄子釀蝦膠味道很夾。

今晚17/7，星期六，7:41pm,惠顧外賣自取。買左4份一人前套餐，賣完飛後。其實都預咗週末及假期唔會咁快有得攞。都已經周圍兜左陣，大約20分鐘回來等……之後眼見佢哋運作大致混亂。講真……基本上做唔切就唔好接外賣平台單。次次都好似優先俾平台單先,俾南亞外賣員追兩追就俾佢先，基本上如果好似我咁戇居外賣自取就等最後，足足等左45分鐘。我嗰4個餐就整啲唔整啲，其實攞到返屋企都凍晒，油飯就變晒白飯，講真，唔會有下次

//< 媽咪隨意屋 >呢間餐廳小編經過好幾次覺得配搭多多，有時都幾多人食架～食過完全返唔到轉頭，不斷去試吓唔同嘅嘢😁因為每次都有驚喜覺得好好食😎😎————————————- 隨意一人前套餐 $88 -前菜- 沙爹兩串（牛、豬）好想講呢個嘅沙嗲串燒真係好好食！個汁好香，而且熱辣辣燒完肉質又好，特別係個豬🐷真係好好食🤭🤩主菜-泰式煎蠔餅一上枱已經覺得好靚好吸引～超多大粒蠔仔，而且充滿蛋香！😍食落去好香脆唔會太油膩，推介！飯小編揀咗油飯，充滿油香🥰蠔餅份量超大，小編食唔晒！————————————- 蠔仔肉碎泡飯 $58 -呢個同樣好好味呀！😍非常非常鮮甜！！！裏面有好多配料，包括有菜脯、紫菜、肉碎、蠔仔、蔬菜等～ 真係鮮甜無比！呢個同樣超級大碗😁————————————- 慢燒豬頸肉撈公仔麵 $68 -呢度嘅豬頸肉好好食，雖然唔係好口，但係唔韌而且香口～😇相對上冇上面嗰兩樣份量咁大！公仔麵唔會糊身，不過小編覺得略鹹～ 整體不錯好惹味🥰————————————- 凍檸茶 +$3-冇記錯好似係少少泰式茶底，夠凍都唔錯😃————————————評分：8.5/10地址：長沙灣元州商

建議如做唔切就不要接其他平台的單，以免要客人等完又等後都仲要說還有食品未做，要退錢給我，還說平台的預約時間是不準確的，因為平台自己計算，不是他們發的，我用平台叫餐用平台付款，但叫我不根據平台的取餐時間，這真不知是什麼道理。事緣經平台下單，平台時10分鐘後取，我15分鐘到達，到左後問前台問廚屋，廚房竟然說一個餐都未做，要等多10分鍾，10分鍾過後前台再問廚屋，廚房還說有一個餐完全未做，只做起兩個餐，最後由落餐起計35分鍾，3樣食物只得2樣食物拎走，要退錢給我。

今日去咗元州商場買嘢，順便係果頭穩嘢食！見到呢間“媽咪隨意屋”，個名好warm！d嘢睇落幾特別！於是買來試下！1.豬肉船粉，口感煙韌，肉夠薄爽！唔錯！仲試咗燒虎蝦🦐同燒全翼！泰國椰青好好飲，青甜厚肉！

一家人選擇左呢間餐廳外賣自取，首先要讚的是餐廳好準時，在預約好的時間先已準備所有食物並且包好。👍🏻食物方面我地係散叫的，其實佢有3-4人超級抵食，不過家人唔想食白飯😂所以無叫到。- 烏頭米粉生菜包 非常有驚喜😋烏頭原條厚肉，燒得好香，配蒜香米粉同生菜。- 咖哩軟殼蟹配蒜蓉包 咖哩整得非常好 仲好夠份量 而軟殼蟹就麻麻地，好碎，扣左d分。- 椰青海鮮湯 100分 好香好清但仍然非常有泰國風味😋 d煲左椰肉超好食 份量又多 值得叫！- 炒金邊粉 同樣都係好夠份量 炒得乾身 好味😍- 串燒同埋燒牛肉沙律就一般質素 唔係非常出色* 總結黎講呢餐係好食得黎有驚喜，價錢亦好合理，圖片中的份量一家四口（成人）食已經好夠...😁

真的有意外驚喜 虎蝦好大隻 夠紥實 海南雞好滑 咖喱軟殼蟹啲汁好香好濃 雜錦拼盤好足料 雞翼好食 泰粉湯底好有喺泰國食嗰啲feel 凍檸茶 荔枝梳打都有香口嘅感覺 美中不足係油飯唔夠香唔夠黃 男女收銀都很友善 外賣自取九折下值得支持

一入到餐廳嗰種感覺，好舒服，好似返咗屋企咁，見到大梳化， 猛烈嘅陽光， 陽光輕輕地射到去食物之間，畀人感覺悠閒寫意， 餐廳人流量多 ，停留時間短， 所以等位好快就有得。 餐廳晚市菜式會更多加工技巧嘅菜式，聽講有咖哩蟹， 好想試下。平時都煮開複雜菜式嘅佢哋難怪下午茶餐時間， 難怪食物上枱速度咁快。多瑙河特飲(藍色) 6hkd菠蘿特飲(黃色) 兩杯飲品嘅味道差唔多， 菠蘿蔔有冇比較重菠蘿香味， 位置太陽夠光猛，所以今次飲品冰塊分量剛剛好， 飲到底剛剛好溶曬。牛肉冬陰功金邊粉船粉 54hkd唔太鹹，味道適中，酸辣程度可口，好掛住曼谷既味道。有肉丸、牛肉滑嫩，船粉無浸淋，成個配搭恰到好處， 冬陰功粉麵已經非常夠味所以都冇再用調味料調配

最先上枱係菠蘿特飲(黃色) 6hkd夠凍，多冰，好甜的話最好自己MIX下個底的菠蘿糖漿，不好甜食，可以將飲管抽起係上方飲，而不用MIX 起蒜蓉包 22hkd 4片硬身法包口感，夠熱，勁多牛油蒜香，脆口，配搭凍飲，或咖啡汁食，一流享受。泰式咖哩牛腩飯 52hkd咖哩味重，甜甜地，大概等左5分鐘已經食得，唔好睇少呢到既爸爸級媽咪，真係手腳快，態度 誠懇殷勤細心，外表打扮得體，做野快，餐廳內食物好有質素，唔會Hea，牛腩品質okay好食，紅椒青椒洋蔥薯仔夠爽口 ，精華係太陽蛋，蛋白邊焦黃，蛋黃心剛剛好好，流心狀態，下午餐時段52蚊免加一，抵食。

今日同朋友行開深水埗，行到差唔多5點幾，見攰攰地，又有d肚餓，就係長沙灣元洲商場呢間媽咪隨意屋落腳食d野。呢度雖然唔大，但勝在環境又靚又舒適，望到都想入去坐下食下野。位置闊落，乾淨企理我同朋友就簡左個靠窗邊既位置坐，周圍都係落地玻璃，光線好充足!念好食咩，就出去叫野食。我叫左個海鮮船粉，賣相唔錯，味道都好香，材料重要好豐富添啊！有魷魚，帶子，青口，大蝦，船粉用既係泰式金邊粉，好吸引，湯底味道濃郁，有泰式風味!重叫左呢個椒鹽一口豆腐，好香，好脆。可以夾埋呢個濃味芝士粉一齊食，別有一番風味!

今日同朋友嚟到長沙灣呢邊行街， 順便食埋晚飯 ，好近站嘅元州商場，入面有好多選擇，最後決定咗食媽咪隨意屋， 因為畀佢嘅餐廳設計吸引咗！設計好靚，坐得好舒服， 又闊落，好寫意！我點咗一個泰式金邊粉，賣相好靚，紅紅橙橙，綠綠地嘅裝飾，成個感覺好fresh， 有三隻大蝦球同埋豆腐 ，仲有少少花生碎同埋青檸 ，可以加青檸汁落去金邊粉，增加多少少酸味 ，更加好味 ！金邊粉味道啱啱好， 口感柔軟 ，大蝦都好新鮮， 花生碎又脆 ，相當唔錯！仲點咗個一口椒鹽豆腐， 全部都大大粒一碟滿， 炸得金黃色，好靚！一口咬落去脆卜卜嘅表皮包住軟滑嘅豆腐，仲有淡淡嘅鹽味！ 覺得唔夠味可以自己去加各式嘅調味粉！其實佢有好多唔同口味嘅粉， 有中式孜然粉 ，濃味芝士粉 ，惹味香辣粉， 日式海苔粉，同埋船麵專用嘅辣粉， 每一種都好吸引！ 可以加入去椒鹽豆腐度！最鍾意嘅係濃味芝士粉， 同椒鹽豆腐好夾！