山旮旯 (Closed)

🌟一聽個名就知係本土野既啦，主打港式味！無論店面裝修，直至啤酒都係選取本土既手工啤。最岩同朋友聚會打下卡，飲下酒啤啤佢！🥩食肉瘦 $198 😋一碟有齊西冷牛扒、羊架、牛舌同同豬頸肉。質素唔錯錯，牛扒夠軟、羊架夠羶、牛舌同豬頸肉調味都好夠，重點係！肉質處理得好好唔會有韌到食唔到既情況。🍤泰式拼盤 $158😋相比上一碟呢碟拼盤略為遜色左啲。味道不過不失啦，但略嫌有啲乾，不過空口食或者送酒都係一個好選擇嚟嘅。🧆香酥雞軟骨 配蜜糖芥茉醬 $68😋相比起泰國拼盤我覺得呢個味道比較出色，炸到好香口而且調味都好夠！唔點醬都覺得好好食，但係若果食得飽飽地點個芥末醬就開胃啲。🍕日清芥末煙三文魚薄餅 $148😋薄餅底係薄底，我本身比較鍾意食薄底薄餅香香脆脆嘅邊，而佢都做到呢個效果，配料就比較清新。味道因人而異，如果以主食來講佢其實唔係好滿足。整體：🌟🌟🌟/5

今日禮拜六又同我嘅另一半和我們的宝貝去食飯行街街。 成日經過呢間鋪我都唔識得讀舖頭名係乜東東， 淨係知道佢係帆船酒店範圍嘅餐廳， 經常排長龍。一袋坐低覺得啲裝修好新潮，富有香港風情。因為肚仔餓所以叫了， 幾多嘢食。泰式拼盤泰式飛天通菜黑松露筍配意大利飯.,肉類 雜扒 大拼盤日清芥末煙三文魚薄餅泰式飛天通菜 一來到香氣撲鼻， 太肚餓冇影相已經不停夾入口。 好好食。黑松露筍配意大利飯一樣!一來到香氣撲鼻!鐵黑松露味飛入鼻，忍唔住，已經畢咗入口! 泣帶子煎得啱啱好!好甜 !食咗一輪先醒起要影相所以將相應有冇咁好睇。泰式拼盤因為先前2嗰太好食!所以充滿希望。 點知 非常失望.... 裏面啲肉炸得好乾, 味精美極重 完全覺得同快餐店嗰啲差唔多.肉類 雜扒 大拼盤同泰式拼盤一樣，失望.... 啲肉炸過龍, 味精美極重 完全覺得同快餐店一樣。日清芥末煙三文魚薄餅餅底太乾， 上面片三文魚 勉強可以， 但係佢 配片橙真係麻麻地。 好怪!因為 之前嗰兩味肉太過熱氣, 太硬喇.所以要飲番杯啤酒， 服務員介紹我飲， 香港本地啤酒獅子山下，顏色好深色。 飲落口好劫， 覺得酒精同味道重， 完全唔覺得係手打啤酒好怪

懲罰原因: 參與罷市店名係好多識講唔識寫既「山卡啦」正字。雖然個名叫山旮旯，但其實響銅鑼灣近新伊館，唔算好辟但又的確遠離左人群。店內有五隻大字霓虹燈「跑馬射蚊鬚」，好舊式香港俚語，意思係難度非常高。另外牆上還有香港街道油畫，感覺好本土。（不過成晚都播緊國語歌XD）獅子山下 $78（Happy Hour價）呢杯啤酒個名已經充滿香港情懷。果味濃郁易入口好檸夠薑 $88係杯Cocktail，有威士忌，青檸，薑，橙汁，Bitter。好似離開悉尼之後無飲過Bitter，加埋薑味幾特別，好飲喎！前菜小食點了泰式拼盤 $158，有炸豬頸肉條，蝦餅，串燒，炸雞翼（依喜愛序排）炸豬頸肉條乾脆可口，蝦餅厚肉，雞牛豬串燒無乜特別但沙爹醬好食，雞翼有點乾身。另外點了網民推介香脆椒鹽魷魚 $68堅無介紹錯。酥脆彈牙，唔會厚粉或者無肉食！讚！德國烤焗脆皮豬手 $188好大份，塊皮好脆，但有少少硬，肉身唔會好韌，配個蜜糖芥末醬好好味。

🎐今日又約埋四眼妹同基路妹食個飯聚個頭。👩‍👧‍👧📌妹子們就熊妹返工地方，選了近跑馬地與銅鑼灣之間的「啡酒」-咖啡店酒吧餐廳《山旮旯》。📌7點半🕢來到都幾爆🈵，有留座位，好彩熊妹一早訂左位，walkin🚶🏻‍♂️就要慢慢等喇。📌主要都係西餐小食沙律，特別在有泰式菜式同串燒🍢，一於樣樣試下。📌仲有多款特式甜品🍮同手工啤酒🍻，呢個年代要係食肆林立中突圍而出，真係少啲心思都唔得。牛油果沙律配烤雞，$98📌一人點一樣，熊妹就必揀沙律，仲要有熊妹恩物牛油果🥑同烤雞，岩哂🤗。沙律其實係凱撒沙律，咸咸的凱撒沙律醬配上芝士碎片同粒粒麵包糠。烤雞都有一大塊切成4-5件，雞肉嫩滑好惹味。牛油果一啲都唔吝嗇，有半個切片上，不過唔算太熟有點生，未算太香。泰式拼盤，$158📌四眼妹就揀左泰式拼盤，岩哂多人開心share 喇。豬，牛，雞串燒各一，仲有三件炸雞翼，三件蝦餅同一堆炸豬頸肉，岩哂我們仨人份量。炸物串燒香口野味道一定唔差，比較驚喜係豬頸肉，卜卜脆彈牙又有肉味，都預左肥膩啲。12吋BBQ醬燒豬仔骨配薯條，$148📌最後到基路妹揀左個主食，燒豬仔骨。嘩，幾大份喎，12吋長，bbq醬燒得好惹味，肥肉位唔多，肉質入