泰聚 (Closed)

依間泰國菜係天水圍西鐵站下面，本身係一幢三層村屋改裝而成嘅泰國菜餐廳，感覺都幾特別！因為餐廳周圍嘅環境都無高樓大廈，所以感覺好舒適🏡**********<泰式豬頸肉撈檬> $48一上枱個下覺得個賣相同平時唔太一樣，個底有好多檬粉，中間放左豬頸肉，最面就有大量嘅生菜絲、青瓜絲、蘿蔔絲同埋炸蒜！個汁同平時越式撈檬唔一樣，依個真係偏泰式，似平時用黎沾泰式生蝦個種味道😂**********<泰式炒金邊粉> $49依個炒金邊粉都好足料，有蝦、豆乾絲、蛋絲、芽菜，炒得濕度適中，味道甜甜酸醒好開胃，午餐黎講份量都好足夠🦐

其實新界都有好多好野食嫁,有一間泰國野我覺得幾值得推介俾大家,係正西鐵站對面,夠曬方便👍🏿而且場地夠大,坐得又舒服,啱曬一大班人黎食🥳金柚子蝦球沙律🦐🥗($98)份量十足,而且真材實料👍🏿大蝦食落啖啖肉而且夠鮮味,再加埋大大舊既柚子肉同埋個辣辣地醬,成個沙律感覺好清新😌甜甜辣辣,好滋味泰式炒金邊炒🔥🍜(~$50)金邊炒粉我相信每一個人都食過,而呢間就炒得比較濕身,啱曬我既口味😌而且材料都好豐富絕對唔會失場醃酸辣去骨鳳爪🐔🥗($68）食泰國菜又點少得呢個沙律呀🤩本身都已經好鐘意食鳳爪同雞腳呢兩樣食物,仲要係去埋骨既就更加喜愛😍軟軟既皮再加脆脆地既腳筋,好正,而且個沙律汁夠辣,好惹味,必點泰式炒貴刁🔥🍜(～$50)呢個貴刁好似唔係四圍都食到,麵身好闊,食落好有口感,再加埋蛋同少量配菜一齊炒好夠鑊氣🔥而且食落唔油膩炭燒豬頸肉🔥🐷($88)豬頸肉相信唔少人都鐘意食,餐廳將豬頸肉切片上碟,雖然切左片但係都食到豬頸肉既皮燒到有少少脆脆地😏再加埋個醬汁,好惹味,絕對會一舊接一舊🤩菠蘿雞肉炒飯🍍🍚(~$50)菠蘿炒飯不嬲都冇得輸,不過個人覺得飯濕左炒炒,唔夠乾身,除此之外味道剛剛好,菠蘿同雞肉既份量都

元旦日同老公近近地揾間泰國嘢食⋯離天水圍西鐵站5分鐘，環境不錯，好有泰國感覺。有室內同室外。食物份量大，而且價銭相宜。服務不錯,有問必答，値得再試。叫得太多食唔到，最後都要打包回家。

第一次帶埋bb食泰國菜。首先讚一讚泰聚可以電話預約，同提供媽媽們最關注最中意既ikea bb凳。我地兩大1b去，bb食自攜食物。覺得泰聚既食物好大份，結果我地係食唔曬要打包。我地叫左6樣野加兩支啤酒，$6xx埋單～冬蔭公湯唔錯，幾香，酸味足夠但唔會好辣，唔係好食到辣既人飲都冇問題。泰式蝦醬炒通菜好大碟！老公表示好好食，唔會太咸焗蒜蓉包又香又脆，推介。我地叫左細既泰式小食拼盤，點知好大份，一共5種唔同食物！醃肉碎生菜包就偏辣，我地揀左豬肉，應該係炒豬肉碎期間已經加左辣椒粒，所以就算冇食到一條條嘅辣椒仍然食到辣味，我自己唔算好食得辣，所以食唔曬呢碟。而泰式炒金邊粉就中規中矩，打包左番屋企第二日先食。環境唔錯，乾淨企理。食飯當日晚上天氣得十一度，知道我地有bb同行，安排左室外較暖既近牆位置比我地，加上食物熱辣辣，係餐廳就盤戶外都暖番曬

出遊南生圍，發現不少回歸候鳥的蹤影，香港是牠們南下的中轉站。捕捉了一些雀鳥的美麗形態後，便驅車來泰聚，食泰菜不一定去九龍城，這𥚃的都做得不錯！天氣轉涼了，坐在露天雅座，非常舒服！明爐檸檬蒸烏頭，泰式的香料放滿魚旁，邊食邊烘烤著，烏頭魚肉開始時肉質嫰滑，慢慢魚肉的味道就變得濃烈，魚湯酸香微辣，充滿魚的鮮甜美味，好和味！泰式炒金邊粉，酸酸甜甜的，開胃好味！泰式千層糕，充滿椰香和斑蘭的香味，煙煙韌韌，甜而不膩，味蕾滿足！