泰邊爐 (Closed)

冬天+星期五，食個火鍋火題是必需的吧？旺角瓊華、兆萬日式放題好多，今次屋企人建議試下新野，唔食魚生食泰式火鍋。好變「泰」，雖然我一早訂左位，但都要等1個幾鐘先入到座。見到咁多人，真心打算走，好在個員工好有耐性又有禮貌（抵讚！），餐廳又識做派下罐裝飲品。佢有4、5款湯底揀，有冬陰公雞煲、椰子雞煲、青咖哩雞煲同common 的蕃茄豬骨。我就叫左個椰子雞，滋潤啲同出面食比較貴。真心好食，好香濃的椰子味，不是「求其」的湯底！啲雞都好有肉味，嫩的。另外可以加泰式香料，自便落。食完雞煲，佢會上個「套餐」，即只會提供一次的火料配料，例如有靚啲嘅肥牛、手打丸等等。推介的是個生菜包，酸酸地好食。不過套餐送的豬頸肉、排骨就無人食，有啲浪費。如果一早知有咁多豬肉，或者我會叫佢唔好上。至於無限添的火鍋料配，就正正常常，應有盡有（肥牛、蝦、菜都有...）。我就點左啲特別啲嘅泰式丸同麵。我好鐘意個泰國寬河粉，熟左會卷埋，好得意。最最最開心的，是食泰式甜品。佢話是泰國直送，可能啦，但真是好食的，唔似是放題會提供的甜品質素。至於飲品，都正正常常，有汽水有啤酒。但建議可以提供啲熟飲，我朋友唔飲冷飲的，所以佢成晚無飲過野

天氣持續寒冷，足足凍了差不多兩星期，前幾天還發出霜寒警告，真係凍得我騰騰震，騰到入...心呀！繼上星期一人的溫暖，台式火鍋雖令我很滿足，但兩人總比一人好，所以趁今日又低至八度便約拍檔去溫暖一下。一人就台式火鍋，兩人吃什麼火鍋？友人建議泰式火鍋，咁有特式，真係未吃過，當然有興趣。一出升降機門便看到一個大型的紫燈光店名招牌, 好搶眼! 門口亦掛上不少賀年飾物, 已為新年作好準備, 很有氣氛。餐廳正正方方的格局, 中間一排是自助區。一邊設有多張四至六人圓枱, 另一邊則有兩三排長高枱, 亦有多張普通座的四人枱。 地方雖不算很大, 但枱與枱之間都有一定距離, 坐得舒舒, 而出入自助區的通道都幾闊落, 環境不錯。每枱均放了一台電磁爐、火鍋餐具、一碟酸酸辣辣的泰式醬汁和一疊下單紙。細閱下單紙, 只有一張, 前後兩版, 清晰簡單。晚巿設兩個收費, 均是任飲任食2小時, 分別有正價$198/位, 另有7:30pm前離座或9:00pm後入座$178位。******************************在湯底和火鍋配料上枱之際, 先走到自助區取些食品醫醫肚。自助區有火鍋醬料、凍食和熱葷, 款式不算