泰金國

Open Now

Now Closed

講起九龍城泰國菜，一定會諗起泰金國，人氣爆棚到好似無時無刻都排緊隊😂我同朋友六點半左右到，等咗十分鐘就有位🤩❣️泰式生蝦生蝦好新鮮好厚肉，肉質結實。配埋蒜片同泰式辣汁一齊食，非常開胃。蝦頭做裝飾賣相好靚。❣️燒豬頸肉豬頸肉厚實爽脆，口感好好。點埋泰式辣汁非常惹味。辣汁都幾辣，食唔到辣既朋友要注意啦。❣️燒牛肉每一檯都會點既馳名神級燒牛肉，我地叫咗五成熟🤩肉味好香好濃，帶少少肥既部分更加好食！醬汁鹹酸口，點嚟食更開胃。非常推薦，願意為佢再排隊🥹❣️泰式咖哩炒蟹見網上冇乜人推薦，冇抱好大期望，但真係有驚喜‼️咖哩有椰香味，裡面有好多舊蟹，大大件仲要爆多膏！蟹膏撈埋咖哩一齊食，勁滿足🥰推薦叫埋蒜蓉包點咖哩食，重口味邪惡之選🥳❣️皮蛋炸蝦餅❣️泰式肉碎生菜包呢兩樣相對普通，正正常常。❣️椰汁沙冰大大杯，椰香味十足。記得快啲飲，融得好快會滴到成檯都係😂

九龍城最出名嘅泰國餐廳就係呢間泰金國，雖然餐廳入面嘅環境比較逼，但次次嚟到都一定係大排長龍！今次就同一班朋友嚟到呢到叫多啲野食大家Share，咁就可以試多啲唔同嘅野食啦～泰式木瓜沙律💰HK$68木瓜切到一絲一絲，酸酸甜甜，好開胃～泰式生蝦💰HK$108生蝦彈牙爽口，非常新鮮，襯埋個泰式酸辣汁，夠哂正宗～泰式肉碎生菜包💰HK$88肉碎食得出係用咗好多香料去煮，再加埋爽脆嘅生菜夾住一齊食，正呀～泰式拼盤💰HK$148拼盤好豐盛，有4種小食，包括蝦餅、魚餅、炸雞卷、皮蛋炸撒，其中蝦餅最好味，口感夠彈牙～燒牛肉💰HK$88呢到嘅招牌菜之一，我地叫咗7成熟，外層燒到焦焦地，入面嘅肉仲係粉嫩嫩，食落口係好濃嘅牛肉味，好juicy，點埋啲秘製酸辣汁更惹味～泰式冬蔭功💰HK$138好足料，大蝦都有幾隻，味道偏酸～馬拉盞炒通菜💰HK$78通菜質地爽脆，炒得都幾有鑊氣，辣辣地好惹味～泰式炒金邊粉(蝦)💰HK$78材料都好足，夠鑊氣～

燒牛肉推到口臭，今次推真點食到口臭嘅蒜蓉包同生菜包啦🤭！・・・・・・・・・・・・・・・・・・・・🍞 蒜蓉包 6件 HK$28 👍・味道：重蒜味但個包又唔會油，愛口臭嘅肚波大喜。・口感：睇住佢係爐上面燒，外皮微脆但麵包軟熟！🍜 泰式乾炒海鮮河 HK$88・味道：真係乾炒，食哂碟底冇乜油！蝦同鮮魷都新鮮係少咗啲。・口感：河粉令身。海鮮新鮮彈口，菜心鮮甜。🥬 馬拉盞炒通菜 HK$78 👍・味道：食得出鑊氣！醬汁亦足，比起出面嘅醬冇咁重味，通菜冇苦澀或泥味～・口感：鑊氣十足，通菜莖爽脆。🇹🇭 泰式酸辣鳳爪 HK$88・味道：酸辣度調得好好，開胃。・口感：好爽好脆XD本波唔食鳳爪，輕嚐一下only～🥦 泰式肉碎生菜包 HK$88 👍・味道：偏辣少咸非常好，因為市面有啲好咸好油～個辣係食完先有個後勁攻返上嚟！・口感：肥瘦均稱，生菜爽甜，肉碎有脆口微生但唔澀嘅洋蔥吊味，好食。🍲 泰式冬蔭功 (細) HK$98・味道：唔係扮哂嘢蕃茄湯，係真點冬蔭功XD聽到隔離枱望咗好耐又話好足料，內有兩大邊開邊虎蝦同秀珍菇。・口感：酸辣度夠～🥩 燒牛肉 5成熟 HK$88 👍・味道：今次真係5成熟喇，不過外皮冇上次燒

食呢間真係預左要排隊，即使８點幾都見到門口長長人龍，同埋佢九點半就會截單，人龍都會一定時間就截，有啲比較出名既野食都好快賣哂，當日就食唔到生蝦同埋芒果糯米飯。但真係排隊都覺得值得，真心好食，絕對會再返黎食！ 泰式燒牛肉沙律 $98★★★★☆燒牛肉建議大家叫五成熟，黎到剛剛好。同埋記得趁熱食，仲加滋味！食落個牛好香口帶有燒嘅風味，食落帶有硬勁，越咬個牛肉就越多汁越香，佢牛肉跟一個辣醬汁，超級惹味同辣口，比起平時泰式醬再多啲野同埋個味道豐富好多，但只可以每次點少少，唔會蓋過味道之餘又香，但唔好太多因為真係幾辣。呢個菜式其他地方冇呢個水準，必試！馬拉盞炒通菜 $78★★★★☆呢一碟份量滿滿，通菜同馬拉盞真係無敵呢個組合。馬拉盞有XO醬嘅或香、風味，但再比起本身更多左鮮味，搭埋爽脆嘅通菜同小小蝦米，口感、味道一流。絕對餸飯！真係食極都仲有，抵食。泰式冬蔭公 (細)$88★★★★☆冬蔭公超級香濃，飲落似汁多個湯，料又足，差唔多料仲多過湯。味道好濃郁，個酸辣味好突出，香料味重。有1隻半海蝦，中間開邊，蝦頭身身有膏好肥美，肉質結實唔會霉。又有一啲秀珍菇，滑溜又索湯。叫細份都夠三個人分，大概每人分到1

推薦： 🍉🍉🍉🍉🍉 (5/5)   味道： 🍉🍉🍉🍉🍉 (5/5)   價錢： 🍉🍉🍉🍉🍉 (5/5)   打卡： 🍉🍉 (2/5)   位置： 🍉🍉 (2/5)   回訪： 🍉🍉🍉🍉 (4/5)  泰式酸辣鳳爪 $88 🍉🍉🍉選擇分汁係一個好明智嘅決定，因為啲醬汁實在係太辣😂食第一隻個時唔知咁辣，浸到成隻都係汁，飲咗成杯水都仲係覺得好辣🔥 佢係泰國香料個種辣到覺得痛嘅感覺，如果唔太食得辣嘅話記得叫分汁😂蒜蓉包 $28 🍉🍉🍉🍉🍉烤到舖面嘅蒜蓉牛油乾乾哋，但係又未乾到塊包都無哂水份，啱啱好😍 外脆內軟，如果再多啲蒜蓉就好啦😍泰式肉碎生菜包 $88 🍉🍉🍉🍉肉碎嘅調味充滿泰式風味，肉料微辣，肥肉/脂肪偏多，唔知點解咁多汁，有一半嘅肉碎都浸喺汁入面，包生菜個陣要超小心，如果唔係就會滴哂出嚟🙈第一碟跟肉料上嘅菜完全唔夠食，肉碎仲有一半碟菜已經所剩無幾，要多碟菜要另加$10燒牛肉 (7成) $88 🍉🍉🍉🍉🍉基本上每枱都會叫一碟嘅招牌菜，係窗外會望到牛肉係會先係氣炸爐整完之後再放上爐燒，肉質唔算優質，唔係入口即融，甚至有啲位會有少少韌，不過燒得好有火候，另上嘅醬汁酸酸辣辣，辣度比鳳爪個汁無咁辣

🥢泰式肉碎生菜包（$88）辣辣地好過癮，肉碎份量多，生菜都包唔晒！🥢泰式燒雞翼（$18/串）正常水準，雞皮燒到燶燶地，泰式燒烤風味，唔洗特別叫🤣🥢燒牛肉（$88）今次燒得耐咗，雖然有香味但韌到似橡筋，好睇手神，不過配嗰個汁都唔錯🥢泰式炸蝦餅（$78）#ʟɪᴍ’s ᴘɪᴄᴋ ♡一碟有8件，每件都大大舊，蝦肉爽實，配埋個酸辣醬一流，必點！🥢泰式椰汁雞湯（細$83）#ᴊᴀsᴏɴ’s ᴘɪᴄᴋ ♡椰香味十足！雞件份量多又夠滑，兩個人叫個細嘅啱啱好！值得一試👅🥢蝦醬炒飯（$78）有驚喜！炒飯鑊氣十足，仲有粒粒充滿咸香嘅小蝦米，配埋臘腸同肉鬆，口感豐富！仲要份量十足，4-5 人食都冇問題！🧊椰青（$42）—————————————-總括嚟講，搬咗去侯皇道新鋪之後，環境闊落咗，坐得舒服咗！食物質素唔錯，份量夠大價錢中肯，每樣都即叫即做，夠晒新鮮！不過建議大家晚市可以早啲去食，今日我地未夠7點可以唔洗排隊直入，坐低一陣門口已經有幾枱排隊！重點：份量大，2個人嚟食可以唔食叫咁多！！

屯馬通車之後成日都想去九龍城食下泰國野解下旅行癮🤪 朋友試過呢間話推薦🤔 裡面唔少人而且座位比較迫 坐板凳唔算特別舒服 而去無位擺野😅 味道惹味既同時唔會好港式👍🏻 啱曬我呢D鍾意地道泰口味既人🇹🇭如果怕重口味既朋友仔就要留意一下啦🤗⭐️ 泰式肉碎生菜包 🥙肉碎份量好豐富🐷泰式香葉同紫洋蔥既調味令口味變得Exotic🧅香口度比辣度高🧄加上生菜包住同青檸汁既點綴🍋 意外地不會太油膩⭐️ 燒牛肉 🥩 遠處都聞到燒過的一陣陣焦香🔥火候十足而裡面唔會太熟😚 可惜有幾塊牛肉偏乾唔夠Juicy🥲⭐️ 泰式冬陰功湯 🥘望到面頭好多辣椒油以為好辣🌶但係撈勻左發覺湯底偏酸🍊好重香茅味 貼近泰國口味又開胃啖湯都落足料食到大蝦🦐有驚喜‼️⭐️ 泰式燒雞翼 🐔見到門口嘅炭爐即叫即燒好吸引🤤飽滿嘅雞翼充滿蜜糖香🍯仲要唔乾添

九龍城出名食泰國菜，又黃又好食嘅真係「泰金國」🇹🇭💛！2年前有住九龍城嘅朋友帶過我去舊鋪食，依加佢哋已經由只坐到2-3枱嘅舊鋪，搬咗去依加坐到10幾枱嘅新鋪～朋友話泰金國平時夜晚都好多人，佢哋試過18:30去食都要排大半個鐘先有位，相信依加屯馬線通車之後一定更加多人😫 不過我呢次去嘅時候係星期日下午12:30，我哋食到差唔多14:30先走，食完都未見有人龍，可能大家可以考慮下晝去碰下運氣🤤•🥢 燒牛肉 $88一上枱就聞到勁香🤤食落都好有焦香，牛肉肥瘦適中，無乜筋👍🏼加埋微辣嘅泰式酸辣汁，真係超級惹味！•🥢 泰式冬蔭功湯 (細) $98呢個冬蔭功湯唔算好辣，味道比較酸，但係係番茄嘅酸，聞落同飲落好香，好清新開胃🤤而且個湯都好足料，有菇、3隻大頭蝦同埋好多茄蓉～蝦爽口彈牙嘅，仲有蝦膏😋呢個冬蔭功嘅香茅味唔算好濃，個人嚟講幾啱口味～•🥢 泰式蝦膏炒飯 $78一上枱就聞到好香蝦膏味，食落好有鑊氣，而且蝦膏味都真係幾濃郁🤤 啲飯炒得好乾身，粒粒分明～入面有好多蝦仁、蝦米、番茄同埋洋蔥粒，啲蝦米令到個飯更加香口，有多一重口感😋 而啲洋蔥雖然咬落比較爽，但都唔會話有生洋蔥嗰種辛辣味～•🥢 泰式肉碎生

最近九龍城交通方便咗好多，今次就入去食佢最出名嘅泰菜😆我哋揀咗呢一間泰金國，六點鬆啲去到已經要排隊喇，都等咗差唔多九個字先入到去😢餐廳入面都算大，我哋坐最近水吧嘅位置，都算闊落👍🏻食泰菜我必叫嘅就係泰式肉碎生菜包 ($88)，生菜大約有八塊左右，啲肉碎嘅調味係偏酸辣少少，比平時食嘅都算幾辣，而且佢唔算炒得好乾身，所以食嘅時候都會有少少滴汁🤣整體我就覺得一般～之後叫咗個泰式招牌咖哩炒青口 ($158)，加埋個蒜蓉包 ($28)可以點埋啲汁食🤣我覺得個咖哩賣相就麻麻地，好似啲油同汁分離咗咁，不過味道係正常，唔算辣，都幾香嘅😋另外想讚係睇唔出佢有十隻都幾大嘅青口，算係幾抵食！反而蒜蓉包幾有驚喜，好香脆，仲有六塊添，配埋啲汁好好食🤤嚟泰金國嘅最大原因係想試吓好多人推介嘅燒牛肉 ($88)🥩個賣相真係好唔錯，肉質唔會燒到柴皮咁，而且牛肉味都濃，燒烤呢個烹調方式令佢多咗一份香氣，仲有個汁係酸酸辣辣咁，同牛肉好夾，好食好食！我哋每人都叫咗杯嘢飲 ($35)，菠蘿沙冰冇咩特別，青檸沙冰相當酸🤣食完成餐飯，杯沙冰仲有一半杯係冰嘅狀態，真係好夠凍，夏天飲係好爽😆依家交通方便咗都可以入嚟試吓嘅！