泰嘟嘟

Open Now

Now Closed

平日比較少黎大角咀，唔知呢間鋪係唔係日常都多人。今次黎食我足足等左20分鐘入得！↘招牌焗黃咖喱麵包軟殼蟹 $168軟殼蟹好香脆，麵包略嫌有啲硬，但沾咖哩汁仲易入口。其實食完呢個已經六成飽。↘泰式肉碎生菜包 $88調味比較薄，可以濃味啲同加辣！泰式飛天炒通菜 $58呢個有好多蒜，夠香同惹味！紅豆冰 $26雖然個杯唔係靚靚打卡杯，睇落仲好細杯，但紅豆好夠淋，好味。不過如果唔食紅豆齋飲呢，就會覺得有啲淡啦。芒果芝士沙冰 $32呢杯睇落靚啲，芒果味都夠。

環境裝修充滿泰國風味🇨🇷卡位模仿篤篤車設計有特色🛺牆上掛滿球衣及泰拳服飾🥊最意外係突然有隻雀仔飛入黎🤣估唔到連牠都想一齊食泰國菜🤭餐廳主打經典泰國菜我哋三個人叫左泰嘟嘟四人套餐包括有5款菜式及半價加飲品🤤泰式明爐花甲鍋🍲有8大隻花甲脹卜卜又鮮甜，最緊要係無沙😂，鍋裡放左大量香料及菇類，湯底酸酸辣辣好開胃，底部仲有粉絲吸收湯汁精華🤤炭燒豬頸肉🐷用小炭爐載着豬頸肉保持溫度🌡️，約有10件微焦香口的豬頸肉肥瘦適中，肉質軟淋，蘸上酸辣汁增添風味，食到最後豬頸肉仲係微暖招牌焗黃咖哩麵包軟殼蟹🍞🦀賣相好吸睛🤩黃咖喱香濃唔辣食落甜甜地，麵包質地軟熟又厚身，軟殼蟹炸至金黃色，淋上咖喱汁仍然保持微微香脆，食完好滿足泰式菠蘿海鮮炒飯🍍🦐🦑🦪🍛海鮮有蝦🦐，青口🦪，魷魚🦑，其他配料有大量菠蘿🍍，腰果，肉鬆，三色雜豆，提子乾🍇等好足料💯，炒飯粒粒分明，口感十足泰式肉碎生菜包🥬肉碎加入好多香料調味，食落香辣惹味🌶️，配埋生菜🥬包住肉碎一齊食好爽脆火龍果芝士沙冰🍹見到呢杯沙冰幾特別就叫來試試，用新鮮火龍果榨成，再加上表面芝士奶蓋鹹香味，甜度適中，食完辣野飲番啖好爽😍龍眼冰🍹約有5-6粒龍眼肉，清甜又解渴熱柚子蜜🍵味道正

成日都聽好多人講呢間又抵食又好食，不過喺大角咀有啲偏一直都未嚟試，呢晚終於食到，由於我哋5個人所以等咗大半個鐘先有位，坐4人卡位，有少少逼。餐廳入面座位都係比較逼，而且晚飯時間滿座。套餐最抵食，我哋5個人食6人餐，$628，除番開每人都只係百幾蚊，可以揀8個菜式，除番開每個菜式都唔洗$100，超抵。差唔多平時必食嘅泰國嘢都有得揀，魚、蝦餅、生菜包、生蝦刺身、金邊粉、煲等等都有，而且每碟都份量夠，唔係細細碟。叫套餐仲可以$78加個冬蔭功湯，不過我哋冇加。1. 泰式肉碎生菜包肉碎睇落唔係好多咁，但絕對夠6人食，好多香料幾香，菜都好爽口。2. 招牌焗黃咖哩麵包軟殼蟹咖哩好香好好味，軟殼蟹仲有啲脆，麵包點咖哩汁食好正，不過咖哩汁唔夠多，唔夠點成個包。3. 泰式經典明爐烏頭估唔到都有咁大條，魚肉幾嫩滑，個汁酸酸地幾好食，入面仲有粉絲4. 炭燒豬頸肉好得意估唔到真係有個爐仔燒住，好香好好食，可惜少咗啲5. 泰式明爐花甲鍋下面幾多粉絲好食夠味，蜆都唔錯6. 月亮蝦餅月亮蝦餅同平時食開嘅蝦餅唔同，冇炸得咁勁，不過呢個都好脆，同埋入面嘅蝦肉都好香7. 鮮蝦炒金邊粉都好大碟，個味酸酸地幾好食，亦唔係太濕8

放工搭同事順風車, 建議一齊食餐Dinner先返屋企。記起上年去過大角咀一間泰菜餐廳, 味道唔錯, 但唔近地鐵, 所以一直未有機會encore。今日有車, 終於有機會再品嚐。餐廳內裝修色調很colorful, 雖然面積不大, 但地方企理乾淨, 而且食物款式選擇多, 一般泰菜餐廳提供嘅呢度都有。 其中見到呢個套餐menu, 極之抵食。二人套餐 (自選三款)泰式肉碎生菜包: 濕炒肉碎有穫氣, 夾集泰式香料同埋洋蔥碎等…Order時店員貼心提示呢款係好辣, 問我地洗唔洗少辣, 果然少辣對平時唔太食得辣嘅朋友都未必入到口。但個人覺得辣得黎香口惹味, 清新生菜包住食, 稍為平衡一點辣度。去骨海南雞(半隻): 海南雞雞皮鮮黃, 肉質嫩滑, 配上辣辣地嘅海南雞醬食, 味道唔錯。招牌焗黃咖哩麵包軟殼蟹: 麵包裝住約三隻軟殼蟹, 加咗大量香甜黃咖哩, 咖哩香味濃郁, 酥脆軟殼蟹同埋麵包索咗些少偏杰嘅黃咖哩汁, 味道唔會寡, 而且份量夠飽肚。另外, 我地仲單點咗一個小食,泰式酸辣鳳爪沙律: 份量多, 無骨鳳爪有軟筋連帶, 夾集莞茜、茜芹絲, 同埋酸辣泰式汁醬, 酸酸辣辣好開胃。

明天開始又無得晚市堂食，所以決定同家人出去食晚餐，然後第一時間就諗起泰嘟嘟了!我地一行三人點了一份四人套餐($398)，可以點五款主食，每位都可以半價叫一杯飲品。由於全家都好愛好芒果，所以我地三個都叫左芒果芝士沙冰。喺芒果沙冰上面放上邪惡既芝士，仲配有大大粒既芒果肉，雖然果肉唔係十分甜(季節關係)，但仍然係好好飲，口感豐富。先黎一個小食:月亮蝦餅Pizza咁大片既蝦餅，再配上泰式甜酸醬，絕對係必試之選。再黎一個開胃菜: 泰式肉碎生菜包叫左小辣版既泰式肉碎生菜包，肉碎好香好開胃但生菜略嫌唔夠新鮮，美中不足。之後就係主食:招牌黃咖喱麵包軟殼蟹炸得香脆既軟殼蟹，配上沾滿黃咖喱的金磚，味道唔錯。再黎第二個主食:泰式經典明爐烏頭如果喜歡食魚既人，呢條烏頭就一定要試。魚身軟滑，加上冬蔭功湯底既幫助，令到烏頭味道更加昇華。最後當然要食返D蔬菜:豬頸肉啫啫通菜煲啫啫夠曬香，味道唔錯。最後埋單都係約$500，無論質同量都屬於中上，係大角咀少有的

泰嘟嘟係一間裝修幾有泰國feel嘅餐廳，因為餐廳嘅燈光好似泰國夜市咁色彩繽紛，牆上面仲有啲塗鴉，最特別嘅係仲有3個用咗泰國篤篤車(tuktuk🛺)做主題嘅卡位，真係非常之有特色～其實我同同事間中lunch都會食呢間嘅外賣，lunch都算幾好食又抵食，我哋經常食佢嘅冬蔭功湯/喇沙湯金邊粉，同埋泰式蝦醬炒飯～ 呢次就專登同朋友嚟試下堂食～當晚我哋2個人食，又無book位，就無緣坐到🛺卡位喇～ 佢哋嘅上菜速度超快，不過張枱有啲窄，加上我哋叫咗2人餐+個冬蔭海鮮湯，加埋係4樣食物+2杯飲品，所以張枱真係有啲迫，幾乎擺唔落呀🙈 同埋佢哋晚市都一樣好多人，用餐有限時90分鐘。•📸 二人餐 (包括3款自選菜式+2杯熱飲) $238🥢 泰式菠蘿海鮮炒飯呢個菠蘿炒飯無裝返落個菠蘿殼到，只係有個1/4菠蘿殼喺旁邊做裝飾🤣炒飯炒得幾乾身，做到粒粒分明又唔會好油👍🏼海鮮方面都係急凍海鮮，有蜆肉、蝦、青口、魷魚等，正正常常嘅；飯粒帶少少咖喱味，但炒得唔係好夠鑊氣，而且啲海鮮配料炒得唔入味，整體一般～•🥢 招牌黃咖喱麵包軟殼蟹呢個一上枱就好香噴噴好吸引🤩 麵包磚新鮮烘起，淋上金黃嘅咖喱都仲有脆卜卜嘅感覺！😋黃咖喱

同朋友不約而同都話好想食泰國野。上網見到呢間新開既店個名好得意〰️泰嘟嘟〰️諧音篤篤，就黎潮聖下☻一入黎見到有三架嘟嘟車設計既座位，好有心思。環境舒服。店員好熱情介紹菜式​招牌焗黃咖哩麵包軟殼蟹​黃咖哩好重椰香味，麵包索哂啲汁勁惹味。軟殼蟹足料啖啖肉，唔會炸得好乾身。​月亮蝦餅粉薄炸得好脆，蝦肉溝左啲馬蹄粒，勁彈牙多汁。我覺得個口感有啲似墨魚餅，幾新穎。記得點埋佢個泰式辣醬/酸梅醬，會更加好味。​泰式肉碎生菜包🌶​肉碎炒得好入味，係冬蔭功味。生菜新鮮，食唔停。​芒果芝土沙冰​淡淡芒果同芝士香，唔太甜。呢個天氣飲真系透心涼。​咸檸檬梳打​呢款我冇試。不過朋友話清清地，好消暑解渴。​​整體食物質素唔錯而且份量多下次想試埋海南雞同生蝦