椰子樹泰國料理

Open Now

Now Closed

今晩來到西環英華臺1-6號華輝閣地下2-3號舖,  在西營盤站C出口, 行去3分鐘, 好方便, 在門口看到這間簡約裝飾的-椰子樹泰國料理, 入內看到非常乾淨清潔, 簡約, 色調和諧又整齊, 正宗泰國人打理, 連餐牌設計又美觀.我們點了4 樣菜，（1）冬陰功湯HKD88 , 冬陰功味 正  （2) 雞肉生菜包 HKD78, 完美組合（3)  燒肉炒椰菜苗HKD92,  椰菜苗 又爽又甜 （4)  泰式蝦炒金邊粉HKD98  煙煙靭靭 好好味晩上坐滿客人，外賣又多。  

呢日同朋友上西環上面行山，行完喺度諗食乜，行番落山咁啱經過一間泰國菜，都幾中意食泰國菜，門口睇menu價錢亦十分相宜。❀ 泰式拼盤 $148小食拼盤有蝦餅、魚餅、春卷、肉碎生菜包、豬肉同雞肉串燒，十分足料❣️除咗肉碎生菜包，每款小食都有4件。蝦餅好脆身令口感十分好，魚餅就比較煙韌，比較值得一提既系春卷，因為好大件同埋入面既料好足，有菜、粉絲、豬肉。另外肉碎生菜包既肉碎系酸辣味，香口惹味🔥串燒燒得好香仲有嚼勁。❀ 海南雞飯 $78雞肉果然好嫩滑😋，即使本身冇標籤系無骨，都有做到無骨👍🏼呢度黃薑飯吾油膩，做到粒粒香氣。沾埋3種醬汁(黑醬油/ 薑蓉/ 辣醬)更惹味👅❀ 泰式蝦炒金邊粉 $88蝦炒金邊粉100蚊以內都正常價錢，邊有花生碎，令金邊粉變得香口，蝦肉都吾少同埋新鮮，麵條口感剛好，恰到好處。❀ 泰式奶茶 $20逢親泰國餐廳有泰式奶茶都會叫，奶同茶嘅比例均勻，同埋次次飲泰式奶茶都驚會太甜，好彩呢度冇呢個問題，茶味比奶味濃。❀ 芒果沙冰 $33感覺由新鮮芒果製成🥭清甜解膩，甜度吾會太高，夠冰凍❄️炎炎夏日飲好涼爽😁最後老闆娘仲送咗西米糕同埋泰式千層糕比我地食😍香甜可口，一凍一熱，千層糕夠煙韌。

疫情嚴重，所以我哋放假都唔敢周圍去，最多喺屋企附近買嘢同食個晏，唞唞氣嘛。呢日我哋發現扶手電梯旁嘅英華臺，又開咗新餐廳「椰子樹泰國料理」🎊。呢頭附近冇乜泰國菜，所以餐廳都幾受街坊歡迎，好多人嚟幫襯，堂食同外賣訂單做唔停🥡。小店座位唔多，環境格局同上手無乜分別。餐廳星期日都有提供午市套餐，每款$62，共五款選擇，定價喺呢區來講算係咁啦😉。餐牌定期會轉換，保持新鮮感。我哋嗌咗兩個午餐，再加啲小食，食飽飽當埋晚餐🙈。泰式蝦炒金邊粉，金邊粉炒得唔錯👍，麵底偏濕，但麵條無漿埋一餅，亦唔會碎濕濕，算幾分明。金邊粉落足料炒，有四隻大蝦🦐，新鮮爽彈；其他料仲包埋豆乾、大豆芽菜同蛋絲等。馬沙文牛咖哩(配白飯)，🥘泰式咖哩口味溫和，辣度老少咸宜，香多過辣。咖哩配以鮮牛片，而非牛腩，個人認為少咗份嚼勁，但都好味；另外仲有薯仔。白飯分開上，見隔離枱好似有得添。串燒沙嗲($88/6串)，🍢串燒好抵食，大大串，半打有齊豬牛雞都唔使過百蚊。每串均容易分得出係邊款肉打邊款，而且肉質唔乾唔柴。沙嗲醬雖然少，但經已足夠帶來滋味。椰子雞湯($68)，雞湯唔算大碗，但味道有驚喜🤤。佢熱辣辣送上，椰子香突出🥥，但同時亦不乏辣味