天山小館 (Closed)

有志同道合喜歡吃羊的朋友， 今晚一同到『天山小館』一趟， 品嚐久違了的羊羶味～🐑🐑店舖吃正宗新疆菜， 有好多羊🐑嘅菜式 ～『招牌羊肉米線』 （麻辣湯底微辣）$68套餐一定要揀啱湯底， 本身都食得辣的話就唔好揀蕃茄， 酸辣， 個人覺得和羊肉本身嘅味道格格不入。 揀了麻辣湯底， 只帶輕度嘅麻辣， 湯底濃郁， 混入經爆炒嘅香料， 大蒜，蔥， 孜然和切得细碎的羊腩， 濃郁惹味得無法形容！ 好吃到不得了，必定能滿足孜然羊羶味嘅朋友！😆😋『羊肉水餃』$70這份羊肉水餃賣相平凡， 以味道取勝， 羊肉餡飽滿紮實勁多肉汁， 一啲都唔乾， 羊肉好吃， 餃子皮好厚但係帶少少煙韌， 食落口感豐富。 唔需要蘸醋都極其鮮味， 我們二人讚不絕口！『洛神花茶』跟羊肉米線餐的飲品， 自家製作， 味道似酸梅湯， 消暑開胃。『新疆羊肉手抓飯』$118新疆人普遍嘅主食。這款菜式的精髓就係所有羊肉羊排嘅精華混入米飯當中，充滿原始冇調味的羊香， 是朋友的大愛。 羊排骨夾雜著脂肪和皮，也是羶香回味～ 一道完全不需要掩飾羊羶之～👍👍菜式。寫這篇食評的時候依然很回味那款招牌羊肉米線！ 當然唔嗜食羊嘅都有其他好有水準嘅廣東菜可以選擇～

今日去天后探BB, 放工約埋老婆先係附近搵野食醫飽個肚。記得之前同事介紹係水星街有一間小店專食新疆菜, 啱哂鍾意食羊肉嘅老婆, 難得經過, 當然要試試啦。😁餐廳唔大間, 我地6點半左右到客人都已經坐滿半間餐廳。餐廳裝修簡潔明亮, 二人卡座寬敞舒適。老闆係新疆人, 不過都精通廣東話同英文, 佢好熱情咁同我地介紹餐廳嘅菜式。原來餐廳除左提供新疆菜之外, 仲有提供廣東菜選擇。我地點左羊肉餡餅, 羊肉水餃, 炒飯同老婆食飯一定要點嘅蔬菜, 兩個人share, 應該好夠食。😙羊肉餡餅 $50羊肉餡餅非常有驚喜, 外皮好香脆, 羊肉唔羶, 肉質煙韌彈牙, 味道香濃, 一人一件, 非常滿足。😋羊肉水餃(半打) $68餐廳自家製嘅羊肉水餃皮薄多汁, 羊肉餡料好飽滿, 沾上醋汁, 非常惹味。👍清炒時蔬 $68時蔬有幾款菜可以選擇, 我地揀左菜心, 味道都唔錯。鮑汁海皇炒飯 $78海皇炒飯材料都幾豐富, 除左有蝦之外, 仲有蜆, 魷魚等, 炒飯粒粒分明。👍另外, 老闆請左我地飲洛神花茶, 埋單每位$145, 性價比唔錯。餐牌

唔係好食魚, 出街食飯不外乎豬牛雞, 無乜新意. 今晚決定上Openrice 發掘下新嘢!! 終於搵到豬牛雞外的選擇,  一於新疆全羊宴. 由於未試過新彊菜又怕唔知叫乜, 本來都驚驚哋. 去到門口發覺貼滿相片, 可以睇圖; 仲有雜誌介紹過,  當然一試啦! 牆身繼續係圖文並茂介紹不同食物. 除咗新彊菜, 仲有廣東同四川菜. 今次當然係主力新彊菜啦!!! 先來一個半份嘅羊肉餡餅. 好香, 好明顯係即炸嘅!熱辣辣! 羊肉又香又多汁! 外脆內軟!!羊肉串, 又係即叫即整!! $20串, 可以叫唔辣, 大中小辣! 羊肉外滿滿孜然粉, 又好睇又好食!大大口食落去, 滿口羊味!! 手工拌麵, 亦可唔辣, 大中小辣!分量十足, 材料有羊肉外, 仲有翠肉瓜蕃茄辣椒. 麵條有D似刀削麵, 人手拉切出來的!有口感, 夠惹味.一邊食羊, 一邊飲埋冰凍嘅洛神花茶. 酸酸甜甜, 既開胃又解辣!! 食飽行出去, 仲係滿滿羊肉味