荳子 (PopCorn 2)

Open Now

Now Closed

去將軍澳搵食見到呢間睇落好好食就排呢間好彩下午茶去食比較少人唔洗排咁耐排左大約5分鐘就入到職員好貼心帶我地入去我地兩位各叫左一碟意粉同一杯野飲仲有甜品軟殼蟹意粉 $74一擺上枱 勁靚 加上坐窗邊光線充足 影相勁靚呢碟唔只靚仲好好食 係分量少左d然後發現佢同隔離間手搖飲品有合作於是叫左一杯芒果梳打$22同一杯屎橋珍珠奶茶$20芒果梳打好好飲同行朋友飲屎橋珍珠奶茶 話一般般最後呢個甜品係流心抹茶芝士撻 $58個雪糕好食 但蛋糕同芝士撻一般般總括而言食物大部分好食 擺放都好有心機環境坐得好舒服職員個個好有禮貌好推薦呢間

今次第一次來食，好多人排隊，但等左15分鐘就已經有位。今次叫左流心抹茶芝士撻，豪華英式早餐，彩虹拿識，玫瑰拿鐵。豪華英式早餐入面嘅黑松露蛋味道濃郁都幾好味而流心抹茶芝士撻賣相幾靚，隔離枱見到我哋食都決定要叫來食但當服務員拎個彩虹拿鐵過嚟嘅時候，就有啲失望，因為完全睇唔出係咩圖案但就收$45 ，反而個玫瑰拿鐵就拉得幾正常其實要求唔高但起碼要拉到有一個形起度，服務有待改善如果彩虹拿鐵個拉花可以同玫瑰拿鐵一樣就好啦～

自己住左將軍澳十幾年，一直覺得將軍澳冇咩好食餐廳呢間新開Cafe，由開業到宜家成日見佢排長龍，琴日終於去左試。由於星期六，所以都幾多人排隊，等左半個鐘先入得。餐廳唔大，係以前潮家一部分的地方，但環境同氣氛唔錯。一入黎就有條石春路，好似想讓客人坐底前先放慢腳步，離開急速的生活節奏。門口有個大玻璃櫃，擺滿蛋糕，望落好有Cafe feel聽講all day breakfast又貴又冇咩特別，所以冇叫。3個人叫左以下野食：

一向都覺得荳子除咗甜品其他食物只算一般，所以想出食評都唔知可以寫乜，但今次去食點咗樣極難食嘅main ......帆立貝risotto : 帆立貝都幾鮮甜，但飯裏面啲菇好"項" 味慢燒猪腩肉：中伏之選，希望越大失望越大，諗住慢燒啲肉會比較嫩滑，結果都幾鞋口下，層皮硬而不脆，最大鑊係啲肉一陣尿"壓"味；去燒味檔買舊燒肉好食太多流心抹茶芝士撻：撻本身唔算流心，其他如綠茶味雪糕同綠茶蛋糕唔太有綠茶味後記：荳子啲食物賣相真係冇得輸，陳設餐具甜品等都好吸引到年青人，但唔啱我哩啲一心為食嘅中坑