埠 (Closed)

話說上次嚟食既時候已經訂定今次既對海位置. 帶住愉快既心情嚟享受我既周末午餐雖然間鋪唔大. 而對海既位置亦唔算闊落. 但係呢個疫情灰灰既日子. 已經算係好好既get away.  由於間鋪同小輪碼頭相連.  所以不時會見到D唔好既小輪出現. 算係係呢間餐廳食野既一大特色. 但可能有時你要忍受濃濃既機油味囉. 不過都扺既由於上次嚟食過既串燒唔錯. 所以今日我地兩個都主攻串燒SET. 叫咗一個串燒定食同燒鳥丼.  基本上肉既串燒都無重複. 所以大家可以開心SHARE串燒都係樣樣出色. 好快就比我地掃哂.  而可能對住個海心情都好既關係,  差唔多食完個SET又心絲絲咁再ORDER佢其他野.  個甲羅燒拼松葉蟹飯團唔錯. 燒得好香口.  結果兩個人食咗差唔多成千蚊出嚟. 雖然唔平. 但絶對好食,  重有得對住個海tim, 扺返啦. 一定會再返嚟食過

之前行過西灣河碼頭見到有間日式串燒鋪幾靚，今晚終於得閒黎試吓！入面座位唔多，夠空間大家可以舒服坐低傾偈，原本想坐窗邊可以睇住船埋岸，但係book唔到。而且嚟之前最好訂位，唔係好易摸門釘，因為見好多人Walk-in都話冇位。其實仲叫咗好多其他嘢，但係食咗無影，燒豬大腸同烏冬超好食。可惜今次想食廣島蠔同埋關東煮冇貨，下次去食埋！總括非常開心嘅一晚，好環境傾偈，加上好嘢食！

我同老公向來都很喜歡去鯉景灣食下飯、飲下野，因為環境很舒服，令人好relax。今晚就去左環境相當好既 「 埠 」，有海景既日本料理串燒店！打開menu見到小食有「酒盜芝士」，名字很特別！第一次食很有驚喜！酒盜其實是醃製魚的內臓所成，是一款日本既佐酒小食，賣相同味道有點像麵豉醬，如果淨吃會太鹹，但配上軟芝士中和鹹味，入口creamy，是一道很特別很不錯既小食！廣島蠔 $48廣島蠔很飽滿，燒得金黃，外脆內軟，蠔味濃厚，鮮！非常抵食！流心鵪鶉蛋 $32 流心蛋食得多，流心鵪鶉蛋就第一次食，細細粒，但蛋汁濃郁，口感滑嫰，唔錯！日本豚五花 $34非常好食！追加左2次！肥瘦均勻，外面燒得非常香口，肉質鮮嫩，相當出色！鵝肝 $128煎得剛剛好，達致外脆內軟，保留鵝肝的香滑，口感豐富！不論食物、環境、服務，都非常優質！非常滿足的一餐！一定會再光顧！