新興食家 (Under Renovation)

大家有冇發現西環都幾多傳統點心舖頭，今日終於拜訪到新興食家。🫡Weekend中午十二點幾黎到，已經要排隊等位。唔知有幾多係幫襯咗好多年嘅街坊，又有幾多係見到蔡生或其他foodie而慕名而來嘅食客，坐滿餐廳嘅，有一半係上咗年紀嘅老人家，有一半係廿幾歲嘅後生仔，仲有零星幾位外國人，呢番景象都頗為有趣。🤣做得好嘅傳統點心，又未必會好食到嘩一聲忍唔住拍手叫絕，但係樣樣嘢都唔會搵到太多挑剔嘅位，同埋絕對係百吃不厭。我諗新興係meet到呢個standard嘅。💯流沙包、炸鮮奶好似係最出名，果然又唔會失望。🫣其實我就第一次食炸鮮奶，估唔到口感咁特別，外脆內軟，好似係春卷包住牛奶布甸咁，但又唔會好甜。😋😋令我喜出望外嘅係，呢度仲有好多酒樓都失傳咗嘅傳統點心——鵪鶉燒賣同豬潤燒賣！不過相比之下，我都係最鍾意食最common嘅豬肉燒賣，哈哈！🤭新興入面嘅嘢好似都停留咗喺上個世紀咁——裝修、嗌嘢食嘅方式、點心紙、同埋伙記。每次有新鮮出爐嘅點心，姐姐就會大聲嗌，想食嘅人應聲附和。嗱嗱嗱，大聲唔代表冇禮貌，佢哋服務態度絕對夠晒人情味。🤪🤪

上網睇呢間茶樓好出名多傳統點心，今個星期日下畫13:30去到真係排晒長龍，等左大約半個鐘終於有得食！入到去係好傳統咁拎張點心紙去出面睇下有咩點心可以拎，又或者有人大叫「新鮮出籠」就可以即刻拎返籠！熱辣辣，手快有手慢無！有D似去左BID野XDD 間茶樓仲有個招牌大聲叔叔大嗌有咩「新鮮出籠」的點心，有時會搞下笑，氣氛幾好！本來想食佢個炸鮮奶、這不是春卷、豬潤燒賣，可惜已經賣晒，唯有下次再來試下啦。最欣賞佢出名的糯米包，之前真係未食過，呢啲天氣食下啖一口糯米飯好正！另外流沙包、鮮竹卷、燒賣都好足料好食。正，會再去食！

禮拜日放假當然就訓耐d 11-12點先醒啦，訓醒肚餓就同屋企人飲茶。今日屋企人提議去堅尼地城試下呢間新興食家。呢間茶樓之前都聽過知佢開凌晨三點到下午四點，見到個鐘就拿拿臨出門口醫肚。去到等左5分鐘左右就有位，坐底開左茶就出去櫃位嗌點心食。除左出去嗌之外間唔中都有阿姐攞住新鮮出爐嘅點心問要唔要，每次4-5籠真係手快有手慢無。三個人嗌左幾款點心。隔離熟客推介必試流沙包真係好正，奶皇醬唔水，仲會起沙。蓮蓉包入面多餡，鹹蛋黃都幾大舊。仲要推介胡椒豬肚，味道唔太辣又唔腥，食落口好香。呢到仲有其他地方未必再見到嘅傳統點心。飲早茶甚至下午茶都會有正點心食。阿姐仲教落想少d人就weeekend早d黎。呢到一定會再黎食。

早上十一點半嚟到，入面滿晒人，連走道都擠滿咗伙記、拎點心嘅客同要俾錢嘅客。好彩有一枱人走，我先有位入。店內本地客佔一半左右，中國客為第二大宗，最後有幾個日本人，揸住旅遊書咁入嚟，然後俾入面嘅亂況大為驚嚇，手都震埋。伙記極忙，坐底咗七八分鐘先有人執枱同開茶。枱抺得唔乾淨，同枱嘅日本客決定要自己抺。點心會不斷出爐，眼見入面有阿叔包緊蝦餃。而點心出爐時，點心阿哥會大叫，其中會隨意加插佢嘅幽默感，例如“叉燒包呀叉燒包，食咗會發達呀”，或者“燒賣蝦餃，蝦餃食燒賣，燒賣食蝦餃呀喂”之類，幾有“特色”。拎點心又係另一段挣扎。太多人，自己拎又太熱。啲阿姐完全用廣東話同日本客溝通，但係又唔知點解溝通到，就好似去法國啲人死都要同你講法文咁，真係介乎於法國同旺角嘅詩意。點咗以下三樣嘢：出名嘅流沙包果然名不虛傳，新鮮出爐，一咬就流沙俾你睇，內涵香濃而且真係有沙沙哋嘅口感。其實十年前普通街邊茶樓好多都做到呢種質素，但係今時今日可能大家都同廠拎貨，間間啲流沙包都差唔多唔識流沙。呢個包唯一嘅complaint就係甜咗少少。另外要咗個金錢肚，普普通通，口感徧軟，唔算差。仲有個蝦餃。有啲失望。皮厚而且包得唔實，易散。入

細細個既時候，飲茶最鐘意去楚留香，後來離開左香港幾年，番到黎發現楚留香執左，試過好多間茶樓，都搵唔番細個食過既傳統味道同埋質素。係朋友介紹之下，慶幸試到新興食家的點心，雖然地方超細坐得勁唔舒服，呀姐又好嘈同埋燥底，食物一盤盤係背後飛黎飛去鬼咁危險，最慘仲要排隊tim，但為左美食冇計啦，鬼叫係第二度食唔到咩去食野既朋友真係要有定心理準備，佢既環境絕對差過大排檔同埋茶餐廳，驚受氣既就唔好去了。第一次去既時候，門口冇人排隊，朋友就直接帶我入去搭檯搵位，好快就坐低左有得食；今次第二次去，知道人多難搵位，所以淨係約左一個朋友陪食。一去到，門口已經排左７，８個人等位，所以就跟住排隊，期間不停有人走入鋪頭入面，初時仲以為係買外賣，到排到我地係下一個既時間，先發現好多人原來係打尖直接入去搵位坐低。呢個時候我地見到有人走，心諗好耶有位啦，點知有個男人帶住個外國人直接係我面前入去坐低搶左我地個位，即時著左，同收銀個叔叔投訴，佢只係幫我地大叫問入面有冇兩位，而Ｄ呀姐基本上冇理過佢，自己繼續做自己野。如是者又有幾個阿婆阿伯一個人行入去打尖搵位，我同朋友終於忍唔住啦，自己問入去Ｄ人係堂食定外賣，堂食唔該去後面排

新興係一間我點食都唔厭葛店，又抵食！每次來必點流沙包，一籠三隻，雖然體上去唔係好大隻，但一咬開個包就會見到D奶皇漿涌出來，超級邪惡，鹹蛋黃味好濃，鹹甜鹹甜，食完一個都唔過癮。馬拉糕都幾大件，夠鬆軟，奶香味十足！其他點心好似蝦餃、燒賣、鳳爪味道都好唔錯。今次仲試左一個叫臘腸包葛，好特別，真係用包包住條臘腸，好野味。不過呢度環境同服務確實就麻麻啦。

黎呢度食，只是貪快吧，外賣的話，可以立刻拿走。流沙包，見到都覺得。。。好有特色，但其實內裡唔係好流，不過味道是ok的~~~前幾日食過蝦腸同蝦餃，d蝦都好彈牙，好食。 反而叉燒包同大包d皮好乾身，唔太好食。個人覺得炸鮮奶是必食的，內裡又軟又甜，出面脆卜卜，出面好小食到，而呢樣好快賣完。如果唔介意同人搭台，或比人撞，係果度食係ok的，否則都係打包吧

同事推薦的好吃地道香港點心茶餐廳，熬夜只爲能來飲早茶，果然是值得的。美眉推薦的流沙包果然名不虛傳，熱辣辣流出來，外皮的麵也浸滿味道，但是汁卻不會凝固在鬆軟的麵里。其它點心也味道正宗，牛肉球，黑椒豬肚等等。點餐方式也很特別，店員捧著點心出來，喜歡的就自己拿過來，最後按個數買單。價錢超抵！早茶時段很多學校的學生和周圍居住的公公婆婆，熱熱鬧鬧。適合三五好友迫在一起，高高興興食一餐！