Video
3-min walk from Exit B, Kennedy Town MTR Station
continue reading
Telephone
28160616
Introduction
西環人的夜茶店，其流沙包遠近馳名，早上店外會出現大條人龍，店內有人手叫賣點心，本土味道濃厚。
continue reading
Opening Hours
Mon - Sun
03:00 - 16:00
Above information is for reference only. Please check details with the restaurant.
傳說中只做早市及午市的新興食家，趕得及起床之際，終於能夠一嚐其美味，到達門口時已發現大排長龍，在現今的香港餐廳情況下實屬難得。裏面的環境異常擠迫，反映其受歡迎程度。我們點了燒賣，蝦餃，鳳爪，叉燒包，牛肉腸粉以及鮮竹卷。燒賣及蝦餃皮薄餡靚。然而牛肉腸皮厚同時卻又沒什餡料。實在有點兒可惜。另外值得一提的是新鮮出爐的點心都必須要金睛火眼地觀察着，否則便不可以吃到最新鮮的食材，也算是一種非常特別的親身體驗噢。
continue reading
我本身不是住附近，亦不是住港島，但一年中都會特登搭車去新興食家食十零次，覺得佢既點心味道只此一家，第二度真係做唔到，又有好多懷舊既點心佢仲會做。每次去都見到好多遊客或第一次幫襯既人，有點狼狽，所以真係想分享一下自己既經驗。第一樣就係叫點心，遊客同第一次去既人都會用點心紙去點心頭好，我建議就不要🙅，用來參考睇下有咩食就好，原因是好多時見點了幾樣，可能都係得一樣有，有啲係賣晒，亦有啲係蒸唔切，唔好嘥心機，你可以睇左邊樣啱就叫樓面姨姨攞或者直接去點心檔睇下有咩，直接叫，有時同樓面姨姨講佢未有的，就會叫你等一下，幫你即刻蒸，我就仲簡單，睇住佢廚房推點心車出咩點心，啱就直接叫，新鮮熱辣。更重要是遂一叫的話，就可以享受到點心最熱辣美味既一刻，好過幾樣放枱面而唔知食邊樣好。第二樣就是叫既份量，好多時樣樣都想試，樣樣都想食，給遊客既建議就是不要點太多太飽肚既點心，好似蒸鳳爪排骨飯，糯米雞，糯米飽，雞球大飽等，每樣都非常飽肚，食一樣就食飽就無謂啦，若果無兩、三、四人分享的話，就真係要衡量一下自己肚量，而佢既蒸斑頭腩飯套餐都相當出色，本人就會叫走飯，以免食唔到其實點心，當然，其實都有一些隱藏🙈技的，就是有幾樣點心係可以遂件叫的，如：义燒飽，炸鮮奶，春卷。若果得兩人食，叫依啲再分開一人一半，就又可以多試幾樣點心。第三樣美食推薦，正所謂早起的鳥兒有蟲吃，係度飲茶🫖食點心道理一樣，越早去款式越齊，佢出品既點心樣樣都好食，蝦餃燒賣山竹牛肉算全日都有的，要食要試緊係食啲稀罕野，食燒賣倒不如食鵪鶉蛋燒賣、豬肚燒賣，食牛竹牛肉就轉食干蒸牛肉（這不確定有無，點心紙無寫，不過，果次我聽到有客問，廚房話賣晒），其他仲有就是，老食家推薦既蒸排骨（店裡有老食家相片），出晒名既流沙飽，好少見既雞絲粉卷、雞球大飽、糯米飽、元貝金菇餃、仲有百花釀豆腐⋯⋯最後係本人必食推薦，咖哩金錢肚，每次必食，等點心車一推出來叫賣，聽到有，一定點的，熱辣辣，入味之中又軟又淋。第四樣係大家不會知，好辣者福音，就是佢地自家製既辣椒油，依個辣椒油是不會放出來的，佢地係收埋架，要問樓面姨姨拎或者去收銀問老闆攞先有，辣椒油本身又香又辣，但不嗆喉，當年我第一次去，都係有緣樓面姨姨介紹我食，一試愛上，我開始用來點燒賣，本身燒賣都好食，點左後又另一種滋味惹味，後來用來點咖哩金錢肚，又係將本身美味加辣升華到另一層次，我真係懷疑佢點咩都夾。溫馨提提，樓面姨姨個個年紀都有番咁上下，大家無論叫開茶叫點心都多俾一點耐性，佢地已經盡力做，但是地方淺窄加上年紀，難免會怠慢，大家包容一下啦
continue reading
以前未搬鋪頭嘅時候好嗡耷，但點心好食，坐到好迫，都特登搭車入來幫襯，搬咗鋪頭亦有幫襯過，但係味道好似不似預期了，就好耐冇再來過啦。今日瞓吾著，突然諗起呢間鋪頭開三點就飛的過來幫襯，果然沒有預期好食，服務幾好，收銀阿叔幫我攞點心友善招呼。流沙包～流沙咸又嗆喉而且皮爛。鳳爪～味道正常賣相有啲乾。咖哩牛肚～味道正常，不過裏面脂肪洗得唔乾淨。蝦餃～蝦餡係好食嘅，但水晶皮容爛。炸鮮奶～有D油一般。叉燒腸粉～粉皮鯰口一般。棉花雞和燒賣我覺得最好食架啦！糯米包無晒話要九點先再出，雞扎和鮮竹卷通通都無，保持我出乜你食乜，有D性格。總括來講味道一般，點心有D細件，所以兩人都食左九至十籠！
continue reading
Foodie IG @foodpilgrimage.gps ➲ 西環 新興食家係堅尼地城無人唔知無人未食過嘅老牌點心舖仲保留傳統推車仔出餐營業時間超長附近港大宵夜必去處超好食但係就要等佢逐款逐款出爐無得一次過等齊野相機食先撞正想食個款未出爐就要耐心啲等啦！！➳ 韮王鮮蝦腸➳ 懷舊糯米飽➳ 黃金馬拉糕➳ 干蒸牛肉球➳ 皇牌流沙飽➳ 新興蝦餃皇➳ 香菰燒賣皇⤵ 新興食家西環堅尼地城士美非路8號地下C號#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #西環美食 #蝦餃 #燒賣 #流沙飽 #點心 #新興食家
continue reading
比大陸App帶旺曬，好食過呢間嘅點心，大把。聽過以前喺大學食堂，因為凌晨就開舖，所以有好多學生會嚟食點心。今日嚟到排隊排咗大半個鐘，滿心歡喜入去食點，點知1.枱面勁污糟環境好惡劣好迫2.仲未同姐姐講飲咩茶，佢已經拎咗一壺唔知咩茶出嚟，我話我要飲普洱，唔通我咩都未講你就知道我想飲咩？3.我想點流心包，姐姐話無曬，你寫點心紙都無用，轉個頭有架車推出黎話有流心包。4.態度勁差，同姐姐講完我想要咩，粒聲唔出轉個頭走咗去扮冇聽到做其他野。5.食物質素差，蝦餃皮黐住個蒸籠，仲要勁厚。燒賣又細件，又冇豬肉味，個蒸籠又舊有污糟。6.坐我對面位妹妹等咗個鳳爪大半個鐘，問啲姐姐有未，完全一副唔想你嘅心態聽完就算。俾錢受氣，係咪賺遊客錢賺到傻咗？咁樣嘅態度同質素我真係唔會比第二次機會。如果你一開頭叫我唔使寫紙仔，睇吓一陣間出爐會唔會有我想食嘅點心推出黎啊，我都冇咁嬲。你直接同我講叫我唔使嘥氣，我有無欠左你？
continue reading