冬蔭公公 (Closed)

睇到banner做緊飲品半價優惠，menu又合心水就坐低。呢間分店最特別係餐廳樓底非常高，空間感大。白磚木地板加暖和既射燈，好似置身於café中。比起沙田店，大多既座位圍住牆邊可以自成一角，而且桌椅之間留有更多空隙。雖然海南雞飯未必係招牌菜，但有湯有小吃夠足料抵食。 食材一目了然，冬陰公公的飯類份量特別大。黃油飯壓得實又疊至高高的，一個女生實在吃不完。黃油飯略帶清雞湯味，不過可能唔係用雞汁煮缺少左雞油味。香料調味唔會太濃可以接受。幸好米粒水份控制得宜令飯粒粒分明，咬口都唔差。旁邊既花生炒過，個人比較鍾意碎粒花生方便拌飯。雞肉可以加$8轉脾位，無加錢都換到兩三件滑雞太好了！黃油雞肉去左骨可以一口一啖，中心熟透度剛剛好，而且滑溜到肉層分為一層層。包埋三色醬有黑豉油，酸酸地既汁，薑蓉。我一向都只點黑豉油，喜歡雞肉配甜味；但呢度薑蓉更出色，香而不嗆。妹妹唔食正餐叫青咖哩豬扒配薄餅，menu上標示3個辣。試過覺得唔係好辣，仲有少少甜添。青咖哩汁好惹味，妹妹食薄餅食到差少少想叫白飯撈汁 哈哈！我地既半價特飲，珍多椰汁冰係我既。叫做冰原來冰量只有薄薄一層，好抵飲。椰奶味夠凍又好濃，椰味珍多條口感似啫

行過見到人唔算好多就入去食晚飯！原來係因爲我地食得早所以唔使排。因為係推介，所以朋友揀左海南雞飯，見到個飯咁黃就知好香噴噴啦！個油飯入口已經有雞既香味！旁邊既雞雖然唔係脾都好鬼滑！海南雞飯既雞同白切雞其實有咩唔同？咪就係有個三色醬囉！其實我好滿意佢既賣相，覺得廚師好有心機！個薑蓉好幼細，中間既係沙嗲醬？唔係太sure，但幾好食！最旁邊係老抽d fd，好甜！呢d同個雞一齊食！好正！個湯正正常常，如果有舊蘿白就更好啦！個感覺會balance d.

這天與友人行popcorn , 跟住梗係搵野食啦, 行行下發現天橋通去另一個商場, 就係將軍澳中心, 跟住就搵到呢間野食。因為港島區未有呢間野,所以試下啦! 首先, 話明店名冬蔭公公, 梗係要飲冬蔭公湯啦! 最好係唔食得辣的可以叫少辣,甚至bb 辣 ,啱晒口味, 雖然係少辣, 但係一d 都唔會淡, 好香, 好足料, 好多香茅。。。。木瓜沙律~木瓜絲足料又大碟, 正宗又香口,友人吃了少許後就說太辣吃不到, 結果我成碟食晒。海南雞飯 ~ 雞肉夠滑同夠雞味, 黃油! 有薑蓉, 醬油同辣醬點。燒猪頸肉~猪肉好夠淋, 推介個沙嗲汁，超香沙嗲味。馬來脆雪山~係一個甜品，賣相已經好吸引, 入面係咩黎呢? 原來入面有花生同糖, 好得意好特別, 用手自己一塊一塊撕出來食, 甜甜地脆卜卜!凍馬來拉茶~ 最後來一杯拉茶, 好正宗之風味!原來冬蔭公公已經有3間店, 呢間係第3間,希望佢港島區有會開分店啦！