冬蔭公公 (Closed)

睇到banner做緊飲品半價優惠，menu又合心水就坐低。呢間分店最特別係餐廳樓底非常高，空間感大。白磚木地板加暖和既射燈，好似置身於café中。比起沙田店，大多既座位圍住牆邊可以自成一角，而且桌椅之間留有更多空隙。雖然海南雞飯未必係招牌菜，但有湯有小吃夠足料抵食。 食材一目了然，冬陰公公的飯類份量特別大。黃油飯壓得實又疊至高高的，一個女生實在吃不完。黃油飯略帶清雞湯味，不過可能唔係用雞汁煮缺少左雞油味。香料調味唔會太濃可以接受。幸好米粒水份控制得宜令飯粒粒分明，咬口都唔差。旁邊既花生炒過，個人比較鍾意碎粒花生方便拌飯。雞肉可以加$8轉脾位，無加錢都換到兩三件滑雞太好了！黃油雞肉去左骨可以一口一啖，中心熟透度剛剛好，而且滑溜到肉層分為一層層。包埋三色醬有黑豉油，酸酸地既汁，薑蓉。我一向都只點黑豉油，喜歡雞肉配甜味；但呢度薑蓉更出色，香而不嗆。妹妹唔食正餐叫青咖哩豬扒配薄餅，menu上標示3個辣。試過覺得唔係好辣，仲有少少甜添。青咖哩汁好惹味，妹妹食薄餅食到差少少想叫白飯撈汁 哈哈！我地既半價特飲，珍多椰汁冰係我既。叫做冰原來冰量只有薄薄一層，好抵飲。椰奶味夠凍又好濃，椰味珍多條口感似啫