Little Old Town (Closed)

嚟九龍灣食lunch，嚟德福揾野食嚟咗呢間little old town, 見其他枱好多都食海南雞飯，於是我都跟機叫左碟海南雞飯,呢度嘅海南雞係新加坡式嘅 有3色醬比你點，分別係甜醬油，薑蓉同辣醬；再配一碗熱湯海南雞鮮嫩幼滑，而且係冇骨嘅點埋甜醬油同薑蓉食好夾由於我食雞唔鐘意點辣醬所以冇試到個辣醬o唔ok油飯就差d, 油味唔夠重，好似夾咗係白飯同油飯之間個range咁，話佢白飯又唔係，話佢油飯又未到位始終個湯都ok幾好飲, 為凍凍地嘅天氣增添一份暖意

星期六的下午，同屋企人黎左Little Old Town食午餐。之前係中環既Old Town食過佢既海南雞飯，一直念念不忘我當然係撚海南雞飯啦，妹妹就揀左冬陰公蝦金邊粉，另外再加多一客串燒同埋一客無骨鳳爪，飲品就叫左薏米水同埋洛神花茶。呢客串燒好快就上枱，個醬汁好好味，但肉質一段，唔知食緊咩肉。海南雞飯依然保持水準！大大碟！而且連個湯都好味！妹妹既冬陰公都好好味，不過可以再辣啲。另外，無骨鳳爪都好好味，不太辣。海南雞飯頭號粉絲宣布：Little Old Town的海南雞飯真的值得一戰、一戰再戰！

德福餐廳經常轉換，今次同同事想食星馬菜，就去咗 little old town。Set lunch 來說都算偏貴，一般都要 $68-$88，再加 10%。套餐有主菜，同飲品一杯。飲品都算有特色，薏米水的薏米煲得林；香茅薑蜜，薑味幾重。海南雞飯，每次食都冇失手有好多雞肉，雞汁飯好香，個湯都好飲！青咖喱雞唔算太辣，但肉就比較少⋯ 主要係菜、咖喱汁，但又無我鍾意食嘅薯仔雞髀飯比較過分，其實味道還可以，但雞肉少得可憐，得幾件 食到尾聲時，剩得白飯，就咁食⋯