Little Old Town (Closed)

睇戲前搵個地方醫下肚，搵依間未試過既試試佢環境來說唔望上天花板其實還好，因為冷氣滴左幾次水落黎我手上面，有點困擾，幸好不是滴在食物上。海南雞半隻，完全去晒骨，浸得好入味，且脂肪不算多，連皮食都不會太膩。即使食到雞胸都好嫩大頭蝦冬陰公不會太鹹，都不會太嗆喉。叫了2人份量每人食到半邊蝦，蝦size都合理。唯獨湯既配料太多，飲起湯時不太方便。蟹肉炒飯炒得不會太乾，飯粒煙韌。但menu上既相就好金黃色吸引啲，實物就素色左少少，視覺上單調。依個芒果糯米飯既芒果食落口有種好刺激既香精味，唔清楚是否品種問題，但整體感覺就一般喇。今次試既野唔多，過一排有機會會再返來幫襯下

行過想食泰國菜，見到餐牌都唔錯 入去試下去得食泰國菜都係食主打個幾樣來個咸魚炒椰菜芽味道都唔錯 香既 唔會太重口味 但老實既係份量比較少同埋只係菜 咸魚唔係唔太見到😂😂之後菠蘿炒飯 一般 無出色之處 可以唔叫椰青要讚一讚 大大個 又夠凍 飲落好有椰汁味👍🏻另外叫埋個泰國刨冰 選擇三類或五類材料反而最驚喜係甜品 刨冰上有蜜糖👍🏻配上冰味道岩岩好👍🏻👍🏻加上其他配料又更有口感

睇完戲後同另一半覓食，成日經過見到喱間，明明好吸引但又無去食，今次決定試試佢好彩唔係好多人，等左一陣就有位，四圍香噴噴，坐低望下餐牌，好多選擇黑胡椒雞煲黑胡椒應該係餐廳其中一個主打，佢有好多款黑胡椒既食物，本身想揀黑胡椒蟹，但一黎又貴、二黎又食得麻煩佢真係好多胡椒，但味道唔係好濃，而且唔太熱，似個煲整熱之後啲雞另外整好再筆上去馬拉盞通菜喱個係泰國名物相信邊到整都唔會太差，係我欣賞既菜泰式炒貴刁喱個又係幾好味推介，啲料同金邊粉差唔多，夠晒味，但就偏油少少，整體都可以既 。

Lunch Time同同事行遠少少去德福商場食Lunch。下午三點都唔算少人，但都有位的。叫左兩份雞飯，兩份咖哩飯。青咖哩雞飯用了無骨的雞柳肉，青咖哩味都算幾香。唯獨雞柳有D細條，少左點啖啖肉的口感。等了差唔多15分鐘，再吹兩吹先到的海南雞飯。雞皮都幾金黃色，但油飯的味欠缺，有D似白飯咁。商場舖黎講，價錢同味道都係屬中等。該商場仲有多間食肆，有待發掘性價比更高的餐廳。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

行完街街，又到搵嘢食嘅時候 。九龍灣有幾間泰國餐廳，今晚就食下呢一間 。一入去，已通知限時個半鐘 。時間尚早，有好多吉位， 被安排坐卡位位置，幾舒服，椅背高，自成一角適合傾計。今晚想食泰式沙律，因此就揀咗泰國餐廳 ，所以一定會點泰式木瓜沙律。 另外 ，揀咗幾款菜式:泰式木瓜沙律 略嫌 味道淡咗少少 ，如果酸味同甜味各增加多些少， 整體上味道更加完美。飛天通菜即係加咗泰式豆醬炒嘅通菜。 呢個少少辣，都幾惹味。泰式海南雞 例牌從價錢講就係有啲貴 ，不過質素唔錯 。雞肉夠 滑溜 ，肥瘦適中， 醬料嘅調配都好食。泰式臘肉炒粉絲 炒粉絲嘅火候適中， 泰式臘肉同中式嘅臘肉分別， 我唔係太識分， 不過應該有唔同。 加埋粉絲又啱啱好喎 ，唔會奇怪 ，呢個好味!呢度嘅食物都唔錯嘅，可以再來。

去開九龍灣買枕頭，肚仔餓搵野食，突然想食泰國野，咁岩見到呢間野，雖然裝修唔係好泰式。不過就試一試佢。8:00pm等左一陣，有得入，２個人叫左４碟野，第一樣上菜，豬頸肉，一望落去好似有Ｄ乾乾地，不過食落就唔算好乾，外面燒到小小脆，幾香口，個醬汁係畫龍點睛，有種酸辣感覺，即刻想撈一撈飯。第二樣係　椰汁青咖哩雞，個汁比較稀，味道較淡，甜甜地，冇果種泰國既感覺，算普普通通，雞肉唔夠嫩。第三樣係　菠蘿海觧炒飯，認真唔錯，海鮮份量比出面果Ｄ足料，青口都有三隻，味道好食，再配青咖哩會想叫多碟，值得推薦！最後，冬陰公，＄１３８兩人份略貴，話就話兩人份，得一隻蝦開半邊，肉少，湯就可以倒到幾碗。味道就可以，夠酸，開胃，可以辣Ｄ。整體黎講可以再戰試其他野。

去九龍灣睇戲，睇完戲緊係要醫下肚。見德福廣場2期有間泰國菜，門口都有唔少人等，一於去試下。大概在門口等左20分鐘到就有位。睇睇菜牌有咩野食先，睇圖貌似幾吸引最後叫左串燒(豬，牛，雞) 半打$88食落肉質算滑，唔乾身，但肉粒體積偏小，唔太值呢個價錢。泰式臘腸炒粉絲 $68算多蔬菜，臘腸唔係好多舊，份量偏小，味道不過不失新加玻喇沙利 $78呢度既喇沙，純用米線底，就無用到傳統既米線溝油麵，而且湯底偏油，湯底唔係好香，米線份量亦偏小。大頭蝦冬蔭功湯 2位用 $88成晚較為滿意呢個冬蔭功湯，用鍋上，底部亦有火暖住上枱，所以上到枱都仲係熱辣辣，湯底基本的南薑，香茅等都有，大頭蝦係一隻開兩邊，有少量蝦膏，但肉質鬆散，唔彈牙。湯底味道算唔錯，酸辣適中。兩人埋單連加一，人均消費約$180.總括黎講，個人覺得以呢個價錢黎講，試一次就ok, 因為整體水準不過不失，食物份量偏小，兩人食完都唔算好飽。餐廳環境都唔錯，兩人都有卡位坐，算寬敞，留意番會限時交枱。至於服務屬不過不失，店員有禮，但可能忙的關係，食物食完的吉碗碟堆起左，都要客人要求先會收，唔夠一眼關七。

有時番工放lunch都會去下德福到食野，位就一定要等架喇，但依間有得用GULU 㯲定飛先，星期五八個食都唔洗等好耐，好似都係攞左飛後十分鐘到就有位～依間有lunch set，記得對上一次黎係唔包野飲嘅，所以覺得麻麻地抵食。但今次去到發現依家係包埋餐飲，雖然得幾款揀但都算係好左！始終慣左食飯要飲野因為太鐘意食喇沙，次次見到有得揀喇沙一定會揀！所以今次都係嗌左新加坡喇沙，餐飲就嗌左凍嘅洛神花特飲。配料方面就有蝦、蛋、魚片同豆卜，唔算好豐富，咁依個價錢唔算貴都make sense ge!湯底方面雖然menu有隻辣椒，但係完全唔辣嘅。同味道好似偏淡唔係好夠味。依間個麵底係用米線，整體黎講無乜特別野飲方面係唔錯嘅，同飲開嘅洛神花味道差唔多！依間係平平穩穩不過不失嘅選擇！水準正常但唔係話特別吸引好想去食，但至少唔會抗拒

今日響九龍灣搵野食，比佢地個下午茶海南雞飯吸引左。咁見佢地舖頭仲有個泰國豬手飯好似幾吸引咁本身係咁左豬手飯，但落完單之後見每張台都係有一碗海南雞飯令我有點懷疑自己。所以都係叫侍應姐姐幫我轉返海南雞飯，值得稱讚係，佢地都好有禮貌幫我取消張單再落過，全程都冇出現黑面既狀況！$48包飲品，飲品其實都係包個汽水或者茶，個Jasmine tea就係Lipton茶包，睇落感覺有點核突，如果可以係包茶餐廳飲品可能會更加好。個薑蓉係用酸薑黎，勁奇怪呀！個飯係好似平時食燒味飯個種飯，有啲硬同埋乾，仲有加埋啲燒味啲豉油。成個飯由海南雞飯變左白切雞飯

星期天約了老爺吃飯，光看這裏的裝潢，一點都想像不到是吃泰國菜的。《蒜蓉炒椰菜苗》每次吃泰國菜，一定會點這道菜，雖然看似很簡單，但不是每家店都煮得好吃，這裏的👍🏻，不過太硬。《馬來西亞肉骨茶》這個肉骨茶藥材味非常濃郁，很合我胃口㖿! 裏面除了有肉之外，還有花菇，杞子，豆卜等，吸滿了湯汁的豆卜超美味。《鮮蝦炒貴刁》這個炒貴刁炒得很香很惹味，感覺好像在吃乾炒牛河一樣好吃😋《青檸辣汁蒸烏頭魚》青檸汁的酸加上辣椒的辣，令這道菜的味道提升了不少。但我覺得肉質有點過乾，不是我杯茶😜《大象啤》泰國的特色~今天我不喝了。。《椰青》我喝這個，非常清甜，我連椰肉也吃了，一點都不浪費。

Lunch set 海南雞飯 ＄68味精湯加一舊冬瓜雞的分量很多，而且很嫩！😋😋😋不過是冷的😅飯是黃色的，不過不是油飯，沒有很香另外加咗$18要蝦餅，不過不失，炸得幾脆下午時間有點多人，等了大概5分鐘便可以進去價錢是可以接受的，下次想試試他的喇沙😛

午市行過九龍灣，咁岩見呢間餐廳無咩人，又做緊海南雞68蚊特價🤤🤤🤤，就再加上好耐已經無食過海南雞，諗住入去一試究竟！68蚊海南雞餐以Lunch 黎講其實唔太貴，都幾豐富。首先佢個雞油飯係幾香既😆😆😆，命有一陣陣既香芧味，但似乎雞油唔係撈得太混。湯就正正常常既冬瓜湯，味道唔錯。雞方面，ummmmm，唔夠滑身亦無啫喱狀既物體，感覺上似白切雞多d。以主菜黎講，有小小失望。不過以呢個價錢係OK既！

之前媽咪與她的朋友已經食過一次，覺得不錯，所以今日適逢經過，又在媽咪推薦下，我便進去一試。我們叫了海南雞飯，炒貴习，和一個迷你肉骨茶。海南雞飯的雞肉質很鮮嫩，雖然有些係雞胸肉，但都不會有太粗糙的口感。炒貴习就比較油和辣，可以不用試而肉骨茶就好比到我驚喜，藥味濃郁，很足料！野飲方面我叫了一杯薏米水，真的跟我在新加坡飲的正宗薏米水一樣味！好飲侍應服務態度也很好呀，見到我有個袋無位擺，專登擔咗張chair比我擺袋，很貼心！很好的用餐經驗，會再來試其他菜式！

今日約左個朋友他o係九龍灣行街，但係佢又遲到囉......由於我太肚餓既關係，所以我決定自己搵食先。我行到去德福二期既4樓，見到一間裝修得好別緻既泰國餐廳 - 【Little Old Town】，可能今日既天氣涼涼地，又落雨咁...特別想食辣野暖下個胃。由於下午茶時段唔太多人，我一個人都可以坐到卡位，可以坐得舒舒服服咁食野是重點喔。我叫左碗「燒豬頸肉冬蔭功湯河粉」-  真心無令我失望，首先，佢既豬頸肉燒得好均稱，火喉剛剛好，重點是肥瘦適中，邊位仲燒得有點微燶先夠香口麻。如果可以份量多一點就更完美了。冬蔭功湯底亦好足料：「香茅、南薑、檸檬葉、青檸、椰奶和魚露...等等」海鮮和椰汁既味道互相輝映，泰式辣椒膏既香味非常特出。唔好意思，我忍唔到口....最後全部湯都比我清晒。我決定下次會再黎試下其他既款式，希望下次都可以同樣有驚喜吧。

One of the Singapore's signature dish is Bak Kut Teh, also known as pork rib soup. I have tried many different eatery that served this dish, but none of them that I would say it's very memorable that I would recommend. For this place, the seating is quite comfy, it's like a high-end Cha Chaan Teng style kind of restaurant. The lunch set Bak Kut Teh comes with a large bowl of rice and a big clay pot of pork rib soup, it is a dark broth seasoned with traditional Chinese herbs. The pork are tender