小曼谷泰國菜館

Open Now

Now Closed

嚟過好多次，之前嗰排有試過水準差咗啲，但係因爲幾好抵食嘅關係，決定俾多次機會佢，今次水準返返嚟😉海南雞飯$39由於媽媽好鍾意食佢嘅海南雞飯，差唔多每一次去都會叫。今次認真試吓都真係唔錯嘅。雞肉好嫩滑，唔太肥，份量都算足夠，油飯有淡淡嘅椰香味，臘腸雖然肥咗少少，但係都幾香。雞飯奉送冬瓜湯一碗，熱辣辣好清香嘅芫茜味，飲落有雞湯嘅味道。成個雞飯加例湯嘅配搭都好好😋 加埋個酸酸辣辣嘅自家製雞醬，又真係嘅好味嘅！乾炒海鮮河$43之前成日都叫濕炒海鮮河，但係後來試過好幾次佢打個芡汁落得太多，成碟粉濕滴滴芡多過粉咁，對佢印象唔太好。今次決定試吓乾炒，有驚喜喎，炒得好夠鍋氣，雖然四十幾蚊碟唔好期望海鮮好多(都係雪藏海鮮)，但係都叫做有3隻蝦、3-4舊魷魚、3-4隻青口，算係咁啦。唯一係啲菜心有少少老，應該都係啲菜頭菜尾，但係咁嘅價錢都算唔錯。之前都會叫芒果糯米飯，黑/白糯米都係$16，唔算大份，1-2個人share啱啱好，糯米好香椰汁味，熱糯米飯加埋凍嘅芒果好正。但係近排戒甜食所以冇叫，但係都推介大家😉哩間環境唔算非常好，有啲似大牌檔風格，如果食環境嘅就唔太推介，但係勝在平靚正！味道：5/5環境：2/

近期不時會到置樂小曼谷買海南雞飯外賣，$39外賣價，叧外還會附送龍眼水或例湯。今天我選擇了例湯。海南雞飯附有醒胃醬汁，飯盒裡面當然有雞，還有幾片臘腸，幾片青瓜。飯盒味道合格，例湯有節瓜，只是味道略咸。今時今日，以$39元可以買到飯盒加湯，實在是街坊之「福氣」。毎次都見店內有不少街坊客，大概小店的貼地價格應記一功。

之前舊舖個位已經有間泰國餐廳裝修緊, 依家小曼谷既新舖係響面向停車場個邊, 同舊舖好近午餐其實都多選擇, 有海南雞飯, 咖哩豬頸肉雞翼飯, 什錦金邊粉我都幾鐘意!今次我就叫返海南雞飯, 比較快靚正! 仲有一碗冬瓜湯送 個飯比之前好似有份量咗呀, 大兜咗, 味道同之前差不多, 但個飯底就有D爛, 煲得唔係幾好!之後我仲加咗兩個小食, 一份沙嗲串燒, 一份餃子釀雞翼個沙嗲串燒真係好抵呀, $39有6串, 絕對係超值呀! 不過一拎到黎就好大陣油味, 如果可以吸一吸油先拎出黎就好喇!之後個餃子釀雞翼, 賣相唔差喎, 不過食落有陣芝士味咁, 好似同個雞翼唔係幾夾, 整體偏咸, 有待改善呀每位客人都會比一杯龍眼水, 冬天比暖, 夏天比凍, 幾貼心架~

唯一黎好想試嘅係馳名海南雞飯。第一次黎，太遲，海南雞飯已經賣曬。第二次係晚飯，可能太忙，食物品質平平，無咩驚喜，不過勝在係較平。只記得嗰晚冬陰功有香料不過唔夠味，其它菜都係普通。今次早早黎到，終於試到。首先咖喱豬扒飯，豬扒未炸到夠香，不過個咖喱汁可以加分，creamy，帶甜，香料ok。主角海南雞飯，一食飯底，香，用料十足，不過蒜頭味比較重，飯濕濕，不過好接受，因為飯變得軟綿綿。之後係雞，無論係顏色同肉質一望都已經，一口咬落去，好滑，雞味唔係好濃，不過調味好好，個雞汁酸度適中，呢個絕對係推介。呢度嘅價錢真系好ok，以水準黎講，我覺得

中午臨上班之前專程早幾個站下車，來這間小曼谷用膳。其實都來過不少次了，只是一直都沒時間影相登OPENRICE，小曼谷是小弟在屯門區最喜歡的餐廳！可能小弟比較喜歡泰國文化吧！基本上這間餐廳在午膳時候才有海南雞飯，有次我下午三點幾去他說賣光了。海南雞飯非常地道！簡直就是曼谷街邊車仔店那些海南雞飯～雞油飯很香～無骨海南雞很滑～特別在小曼谷會加幾片臘腸～拌以那些蒜醬簡直令人一個下午都齒頰留香！平時餐廳奉上的不是茶就是水，小曼谷午市時會奉上用冰糖加椰青汁的凍飲，很香很好喝！海南雞飯餐還拌上冬瓜冬菇芫茜葱滾的湯～一餐吃完無量滿足！晚市來小曼谷一般都無敵多人！常常都等過半個小時（最少），建議早些來，或夜上九點半才來～晚市還有很多款泰菜好吃的啊～希望大家會喜歡這所餐廳啦！