more food & creation (Closed)

星期五 十二點放飯,大約十二點十分黎到仲有兩張空枱再遲少少黎到就一定無位其實呢間泰國野午餐價黎講都唔算平平均都要$70-$80 一個餐但中午都係有好多人黎食幾個人點左幾樣唔同的野share 食海南雞配油飯越式辣炒河冬陰冬湯粉配小食春卷免費配熱飲 凍飲加兩蚊海南雞配油飯個雞都幾滑 配埋個泰式咖哩醬好幾夾個油飯好香越式辣炒河 好大碟唔會炒得太油有小小甜 小小辣不過今次覺得佢個味重手左鹹左少少冬陰冬湯粉呢個就好普通個人覺得唔夠辣都無冬陰公個個味個湯係有少少甜 但味道不太似冬陰公總括黎講OK午餐呢個價錢偏貴 食物水準未到呢個價錢的水平

上open rice 知道有呢間新開既泰菜！炎炎夏日，梗係食d開胃d既野。行入去之前，不得不讚，門面裝修得好靚，我自已就特別鍾意佢地門口大大個店名logo~ 好epic!兩個人食4道菜，有少少多，建議3道夠曬數1·海南雞飯：坦白講，呢道菜算係最正！2·冬陰功海鮮河：麻麻，因為湯底一般，好多味精呀媽咪，我同朋友口乾左成晚3·生菜包：算OK，冇咩特別，多味精4·串燒：幾正！燒得唔錯架！Overall:呢間泰菜味道可以再進步，淨係有門面包裝唔work 架

早幾日同老公&兩位朋友去開牛頭角附近，五點零鐘見肚餓就周圍搵嘢食～附近都係以茶餐廳、食堂為主，但呢間餐廳嘅裝潢就好有格調，所以即時比佢吸引咗。雖然喺Openrice未搵到食評，但見佢環境舒適，好適合同好友傾偈聚會，所以最後都決定冒險一試！入到去，侍應生都即時好有禮貌咁接待我哋，仲向我哋推介佢哋不同嘅食品。結果四個人都各自點咗唔同食物，可以試多幾款。我點咗海南雞飯，啲無骨雞好滑又好有雞味，醬汁亦調得好好！老公食嘅冬陰公海鮮炒意粉我都有偷食，真係好特別，平時冬陰公都係湯，但用嚟炒都一樣咁惹味～正！而兩位朋友就分別食白汁碎蛋牛蛋包同冬陰公海鮮湯麵。雖然我無試，但佢哋都大讚！除咗主食，飲品同甜品都值得推介～我哋三個都試咖啡，其中一位朋友就試朱古力，但同樣都覺得好好味！至於甜品--芒果糯米飯同椰汁糕大家食完都盛讚，因為椰汁糕好特別，落咗斑蘭㗎！而芒果糯米飯雖然都係一般咁用咗兩隻糯米，但煙靭得嚟好有口感，令我哋叫完再叫！整體而言，我哋四個覺得呢間餐廳好令人滿意，見佢仲未有人寫食評，就花少少時間做第一個啦！