more food & creation (Closed)

今天由於工作遲咗，所以好晏先有時間食lunch，急急腳去搵食之際路過此餐廳，心諗雖然平時我唔食茶餐廳，不過今日咁肚餓，不妨一試啦，起碼唔使行，唔使再搵⋯結果係出乎意料之外嘅驚喜。叫咗個泰式牛肉炒河，個廚師係即刻煮嘅，所以都等左幾分鐘，但係睇住上菜果刻，佢熱辣辣香氣撲鼻心情，即刻非常之好。話明係泰式當然有少少辣 㗎啦，辣得來係惹味咪得囉。啲河粉炒得乾身，比較闊同埋薄，幾有特色。成成個牛肉河又香又辣，係難得的有水準，而且好少可茶餐廳會咁有鑊氣，所以真係非常之驚喜。

喺觀塘嗰頭工廈嗰邊做完野，夜晚8點幾9點...好多餐廳鋪頭都已經閂咗。途經過哩間餐廳見佢幾骨緻，又未食晚飯嘅情況下就揀咗佢啦！餐廳裝修外觀幾好嘅...文青Feel！嗌咗個豬手飯同燒雞排炒河粉豬手飯都ok.. 合乎預期想像！但係個餐湯就真係唔得啦...唔知係咪我去食嗰時已經太夜，啲湯熱咗成日...好結啊...好似食粥咁，唔太理想！炒河...幾好嘅...見佢地雖然臨收工...但都有心機炒嘅，起碼有即炒嘅鑊氣先。但係炒河入面嘅金不換太多...雖然好香，但响食嗰陣口感有啲怪..所以要揀哂出嚟...有啲麻煩餐野加錢轉咗杯椰汁冰...很普通...唔值得加錢飲，飲正常奶茶 / 檸茶 好過...終結...野食正常...不過不失，裝修幾好，坐得舒服嘅，服務態度都唔錯...無因為趕住收工而唔做我地生意，亦都無係咁催我地要食快啲。

在官塘工作，完事後，午餐又變成下午茶，官塘一帶，近年多了很多食店，要試真係有排試又係嗰句，行到邊食到邊，是彈食下午三點，還有午餐和下午茶選擇以我一向慳得精，不如用得醒嘅性格，決定試下午茶下午茶由$38 至 $55 不等，還有很多追加食品供選擇⋯⋯例如加: $10 一串沙嗲串燒雞、$10 泰式素春卷、$20 迷你香芒糯米飯、$12 椰青糕最後我選了加沙嗲串燒雞 :沙嗲味唔錯，但雞肉醃得太夠，一次便算由於看Openrice 說這店馳名東南亞美食於是選擇了:喇沙墨魚丸米缐，一上枱，原來唔係湯米缐，有點意外菜色用西式碟上，兩粒墨魚丸，每粒切開一半，一些生菜、甘荀絲再加上一堆咸酸菜作伴碟，賣相花心思，第一啖試那喇沙味道，唔錯，可是配撘出了問題⋯⋯生菜、甘荀絲還好，但那咸酸菜真係咸到呢，撈埋喇沙，真是相當之咸⋯⋯再加上米缐應該煮咗好耐，總之食落去，越食越⋯⋯杰撻撻，一餅嘢咁如果餐牌上寫著喇沙墨魚丸”撈” 米線，我會有心理準備囉加$12 班蘭椰汁梳打( 少甜), 有班蘭的香葉味道，陣陣清香，唔錯餐廳內裝修簡約，下午茶時段，舒服寧靜，相信今次只我是選擇錯誤，看見隔離食客那碟意粉賣相都唔錯，所以應該是我

晏就12點40分左右黎到，遲多少少都要等位，其實晏就都幾多人，可能又少位，我諗如果1點左右黎等位應該起碼等10分鐘。座位有啲迫。今日食海南雞撈粗面，覺得都幾特別，因為多數都系食海南雞飯。去左骨既海南雞，雞好嫩滑，味道唔錯，但價錢都幾貴(對我黎講)，80蚊一個午餐。凍檸檬茶, 唔好飲。好淡味。😰有得碌卡，但要過200蚊先可以碌卡。下午茶叫外賣要自取。如果可以提供速遞服務就好喇。下面2張相系同事叫既餐😬

由於要煲劇, 買外賣就少不免不過同事今日想食個間餐廳只有外賣自取😨對我來說, 實在是晴天霹靂😫因為少咗時間煲劇😂算啦, 難得LUNCH可以走動下, 少咗時間煲劇都陪同事一齊去攞外賣😎去到餐廳門口, 發現有好多人排隊等堂食, 好慶幸自己係攞外賣, 如果唔係都唔知要等到幾時🤔 但攞外賣都要等5分鐘, 廚房應該都打緊仗😅終於攞到外賣喇! 好彩天氣唔算熱, 又無落雨, 好快就開餐煲劇喇😎😎😎肉碎扎肉貢丸河午餐 (有小食泰式酸辣鳳爪送) 再加錢要凍飲 – 凍奶茶😋😋打開小食, 好大陣酸辣味, 鳳爪都算入味而味道都唔錯! 送小食嚟講, 有3隻都已經算多😎 主食係肉碎扎肉貢丸河湯同河粉分開放, 唔會令河粉發漲👍扎肉及貢丸各有三件, 但貢丸好似比平時細粒, 但結實; 而三片扎肉都好厚, 好有口感😍湯底偏清淡, 如果有青檸辣椒, 會令個湯底更豐富😄凍奶茶茶味唔夠濃, 我比較喜歡多少少茶味奶茶😅😅😅成個午餐都係$53, 其實都算抵整體味道都算OK👌

一個人的午餐，今日試左個海南雞湯金邊粉，加左$10轉冬蔭功湯底，雞脾位真係好滑溜，冬蔭功湯底最啱夏天食，好開胃，如果湯底再辣啲仲正，另外仲有個炸貢丸小食送，應該係湯粉先有。

今日下午tea time, 講真，餐牌好貴，唔係下午茶價錢，一係，佢俾好出色既野食⋯⋯咁我一心以為係後者⋯我叫左拿破崙意份輕量版⋯⋯$49泰式春卷⋯⋯⋯⋯⋯⋯$10熱0水⋯⋯⋯⋯⋯⋯⋯ $0先講意粉，賣相好吸引，意粉不夠咬口，d菇係未煮得好熟，仲係傾向乾身，硬硬地，汁又太稀同太多⋯下午茶質數可接受，但不能$49泰式春卷，請相信我，勿叫，好硬，俾普通既春卷迷理，但唔好食⋯一食知佢放左幾日，整返熱俾我⋯10蚊食大拿拿一條迷理牌春卷，簡直有被騙既感覺檸水，無特別⋯⋯呢個價錢，不如行前少少翠華，或去中外果邊d大型有裝條茶餐廰⋯⋯價錢同質素比較啱比例⋯⋯最後，沒有加一，盛惠$59補充，第一次下午茶去食冬蔭公海鮮湯河，正常size, 好似$48，似乎合理些，附近又沒有泰河食，都可接受，第二次黎真係中㐲

觀塘餐廳有好多，但要講泰式真係小貓三四隻。經同事介紹，發現左呢間more，已經黎過兩次！店舖有點隱蔽，一人叫個set有點小貴，但品質好好，可encore之選，冬蔭公湯味配合香港人口味，唔太辣，椰奶香味好重，如果唔喜歡配可粉可轉米粉或者薯粉，一樣好味。之前去叫左個大頭蝦蝦膏炒飯，雖然蝦膏味唔重，但好神奇可以一啖又一啖食哂個飯，小小咸味好入口，再配埋正宗泰國菜會有既蝦片，一啖脆一啖軟，好有口感，大頭蝦既肉一點都唔老，非常好味！

本身諗住食阿元來了，點知人多到，所以就去左附近食。轉個灣就到左more ! 無人等位 叫左3樣野，估唔到都ok架喎！ 生菜包，好味，好有口感，但差左啲辣，無辣味好似差少少咁。叫左個小食拼盤，抵食！ 仲有見到枱枱都有叫既炒金邊粉，幾有穫氣 ！ 野食令人感到意外驚喜 可能係本身期望唔高但衛生要改善下 張枱有啲食物油漬未有抹乾淨，令一開始印象大打折扣！呢間仲有啲西式野食，意大利粉同意大利飯！ 但見到啲人主要食泰菜 最尾都係跟大隊！ 下次有機會都試下西式食物

同事先落樓搵位試間新野，我有野做晏少少落樓。點知間新野勁多人, 同事見隔離有間餐廳, 又唔使等位就入左去.到我落左樓, 佢地通知我先知.佢地都坐底左, 我唯有俾多次機會佢.我叫左個好普通既海南雞飯, 黎到個樣都幾靚, 但食落隻雞無味的!唯有點佢個微微辣既汁吊味!到試佢既油飯, 除左個飯係黃色之外, 我食唔到油飯既味道, 同普遍白飯差唔多.餐飲叫左杯朱古力, 好香, 好滑, 原來係鮮奶朱古力, 仲要加多HKD 5.先有返D安慰......

昨天偷懶沒有準備今日午餐﹐只好找同事陪同找地方午膳﹐官塘區都算多選擇﹐不過人也多﹐同事推薦位於鴻圖道呢間” More”﹐佢話呢間餐廳以東南亞美食為主﹐而每個星期都會轉換一下餐牌上的食物﹐可以給食客有新鮮感。這間店座位不多﹐每個坐位距離都相當近﹐所以交談時都要比較細聲一點﹐不然會嘈到別枱的食客。坐低左看看 menu 都有很多選擇﹐泰式菜比較多﹐我 order 左辣椒膏蜆肉炒意粉午餐﹐而同事就叫左海南雞湯河餐﹐餐飲我就叫左個特選拼配咖啡﹐個服務員話係本店的重點咖啡喎﹐同事叫左Mocha Coffee, 佢話好好飲﹐所以每次都必飲的喎！午餐有餐湯跟的﹐餐湯係雜菜湯不過味道很淡如白開水﹐碟意粉沒有辣椒膏味﹐不知是否自己很吃得辣﹐感覺一點都不辣﹐而同事碗湯河好大碗還配迷你炸蝦餅2小件﹐海南雞份量也不少﹐柸咖啡都5錯﹐官塘區食店這間都算不俗﹐價錢上合理﹐免收加一服務費的﹐5記得帶錢﹐有八達通都可以﹐這樣很方便。

well, again, I have to dine out but return within 1 hour, this is one of those nearby and leaving by 12:45pm will get 10% off.I picked green curry chicken rice while my colleague tried the NEW avocado with salmon rice. For the green curry, it tastes quite good and not too spicy. The portion is sufficient too. When I asked my friend's comment on the avocado salmon rice, he said taste was alright but just a few salmon. Haha, I don't see any avocado too......I think I will stick with those old

居然，我没有留意到這間在我們公司後街的泰國菜。同事今天帶我去吃，分別叫了phat thai, 海南雞飯，辣肉碎飯，辣肉牛炒河。有些餐是有餐湯或者沙拉，包熱飲，但如latte 已要加＄。從環境上，的確係坐得舒適，但上菜是超快，所有東西不分先後－次過出曬。由於沒有分來食，不能評論每一碟的味道。我的海南雞飯賣相超好，份量亦足！油飯比較淡，個汁係精髓所在，令成碟飯有好嘅味道。我見其他同事都食得幾開心，尤其蝦仁phat thai ，蝦又多又大。12:45pm 前埋單有九折就覺得幾抵食。

第二次到MORE食晚飯 環境依然舒適 好適合舒緩一下返工的心情 當晚同朋友兩口子點左四款食物 ：泰式大蝦金柚子沙律 - 柚子份量多 酸酸辣辣咁 好開胃蒜蓉椰菜苗 - 好爽口 唔會好油 同朋友食時講起 如果款式有細細粒的椰菜球應該都會配合到青咖哩豬配白飯 - 青咖哩好香椰汁味 豬肉又唔會好韌 份量都算大 **白飯係另配的 大頭蝦膏炒飯 - 感覺上蝦膏味再重一點就更好啦上次試左芒果糯米飯 細細杯 食完唔會好滯 但今晚得兩個人食 已經飽飽啦 唯有下次再食啦！

五個人今日決定搵新野食! 本來打算試吓新開嘅Cafeholic, 點知好多人等,見個menu 又唔多吸引, 就即刻search 吓附近有咩餐廳, 見到呢間好近就行去睇吓. 去到都要等, 不過無論個環境同Menu 都幾吸引, waiter 小姐又好熱心，每次有2個枱都先問我哋想唔想分枱。見我哋等咗段時間, 佢又會主動過嚟話就快有枱, 幾好. Set lunch 由$70-$90. 都多choice, 泰式係主打, 但係又有幾個西餐choices. 我哋等緊時已經見到好多人食海南雞飯, 咁我哋叫咗1個, 再加2個海南雞加豬頸肉, 同埋2個芝士黑松露蘑菇意大利飯. D餐湯正常略濃味, 沙律菜幾新鮮. Surprise D飯好大碟, 又多料. 海南雞十分滑, 有好多件, 仲要係去咗骨, 油飯香但不會太油. 個汁好惹味! 豬頸肉就乾咗少少. 意大利飯硬度適中, 個汁好creamy有淡淡芝士味, 蘑菇都幾多. 我哋都好滿意. 係有少少偏貴, 但其實出面有D連鎖店其實只係平$20 不過冇坐得咁舒服. Happy Friday！