一虎

Open Now

Now Closed

一虎好食就唔洗講，講多少少一虎仲有一個特色就係枱頭會有辣芽菜，蒿菜同紅姜任客人自己食用，辣芽菜真係大推，爽口有少少辣，每次我都會落半碗落拉麵🤤🤤⭐叉燒飯點都估唔到拉麵店會有咁出色嘅叉燒飯！呢個叉燒飯真係好好食，好食過燒味鋪😋叉燒係一粒一粒嘅，同拉麵嘅一片片唔同，食落有厚度有咬口，加埋叉燒嘅脂肪肥肉🤤🤤一虎嘅叉燒飯仲要有隻太陽蛋係面💯好邪惡⭐海老虎拉麵一虎拉麵真係好好食😋坐係吧枱會見到師傅係你面前煮，碗麵一上比個蝦乾山嚇親，蝦乾多到見唔到拉麵。蝦乾粒粒都好香脆，離遠聞到濃濃既蝦香味。所有基本拉麵配料都有，味付筍，紫菜，雲耳同蔥。麵條都可以揀自己食開嘅軟硬度。湯底濃郁就唔再講，重點係每一款拉麵都好食❗️下次會再特別介紹拉麵🍜🌟自從比YouTuber介紹後，未夠十二點門口就長長人龍，上次食都排左半個鐘，不過好食都值得嘅😜

前排去利東街打卡影相，行到五點半左右，見到廈門街有間叫”一虎拉麵”已經有十個八個食客排緊隊，行埋去先發現拉麵店晚上六點先開門，所以諗都唔駛諗，肯定係好嘢，於是衝去龍尾排隊。等緊期間，望到入面大概有二十個位，都算坐得鬆動。晚上六點一到，店員馬上安排入座，啱啱輪到坐bar枱，可以望到師傅淥麵同準備食材。拉麵款式都唔少，但限量既檸檬拉麵沽清，咁就試下海老虎拉麵啦。等左大概十分鐘，見到碗麵有個蝦干山，粒粒香脆可口，然後就聞到濃濃既蝦香。湯底濃郁，基本拉麵配料都有，麵條可以自選軟硬度，亦有廚師推介可供選擇。食完成碗都唔口渴，連湯都飲埋，而我朋友就試左”一虎”，賣相亦非常吸引，豚肉不會又硬又乾，同樣十分高質。不過當日天氣十分熱，餐廳的冷氣不足, 令到我同朋友邊食邊流汗, 希望之後可以改善, 但仍然是一間高度推介的拉麵店👍🏻

睇相都會流口水🤤🍴一虎特選 過江龍日本拉麵🍴$128全配料係呀又係過江龍 香港人鐘意食拉麵唔洗講🤭呢間都頗有名氣 主要因為湯底夠thick😍叉燒都有好多塊 份量偏大碗👌🏻建議大家黎就唔好省 食一虎特選最抵$128 有齊所有配料 連個碗都大過人🤫叉燒 味玉 味付筍 紫菜 雲耳同蔥🍜.🍴海老虎味噌拉麵🍴$92呢碗性價比就無咁高但超推介佢個秘製海老虎辣醬🤤🤤事原坐隔離果個係度食 我聞到勁香辣醬味我問佢辣唔辣🤭 佢話食落一d都唔辣就放心嗌🙆🏻‍♀️個湯色主要因為味噌湯既色 湯面上有櫻花蝦亦係一個加分位 成碗拉麵變得好有口感😆.地址：一虎 (灣仔)灣仔廈門街23號地舖幸福指數：7/10人均消費：$120

之前朋友帶我黎食過一次嫁喇，但我覺得真係太好食喇，所以一係灣仔就好自然想黎呢間餐廳食飯。哈哈，一如既往我都係叫我既摯愛 - 海老虎拉麵。個湯底非常濃郁，蝦味好出，但又唔會腥。不過如果怕太重口味既朋友可能唔太岩，因爲呢個拉麵真係我食過最濃郁既蝦湯底拉麵。個麵上面仲要鋪滿櫻花蝦，係多到見唔到其他料，所以個湯底可謂十分足料。而且麵條非常彈牙，吸埋d汁簡直一流。朋友果個係黑虎拉麵，黎到已經聞到好強烈既黑蒜味。食落並無聞落咁重黑蒜味，但都同其他拉麵一樣，湯底依舊係好濃郁。麵條朋友揀左幼麵，所以麵條容易吸到d汁多d，大家可以根據自己既喜好揀選返自己鍾意既麵質。另外我地仲叫左碟餃子，可能因爲係自家製，所以比一般餃子多餡，非常足料。最後都係要重提海老虎拉麵，因爲實在太愛佢，哈哈。

我唔係拉麵控，不過久不久都想整返碗，一虎（以前叫神虎）嘅水準都幾穩定，已經有一段時間冇去喇，見到有我鍾意嘅蝦湯口味，就去試試啦~由師傅桌上接過拉麵，已經有一陣蝦嘅香味飄過，我快影一張即刻呷啖湯，果然蝦味香濃呀！呢個湯真係心機之作，好濃稠！麵我由師傅話事，少少卷曲嘅幼麵都幾爽滑，掛麵能力都高，殊一聲就將麵條同蝦湯送入口，真係好食到停唔到呀！配料方面，蔥夠多，令個湯頭更香；雖然係第一次見拉麵上加生菜，但估唔到又幾夾wor~d菜索左d湯汁，冇左菜腥味，又加添左清爽嘅口感，所以話有時唔使話正唔正宗，最緊要好食！叉燒係瘦嘅，但唔乾又好腍，啱晒我，我身上已經夠晒多肥肉喇wakaka。我另加左糖心蛋，輕輕夾開蛋白，蛋黃汁就流出黎喇！蛋白好軟熟，蛋黃好香，我仲特登夾少少櫻花蝦同沾d湯汁，hmm 真係好令人回味呀！呢個蝦老虎真係好好味，已經成為我嘅新寵喇 XD