大喜屋 (Closed)

這家放題餐廳下單採用QR CODE方式，大家能夠各自拿着自己的手機查看食物款式，並且下單，省卻把點菜紙傳來傳去的麻煩又環保，這做法值得推崇👍魚片刺身厚切口感真心讚，而且竟然能齊備我三大愛魚──劍魚腩、油甘魚及池魚。新鮮程度高於合格，甜度也不俗，但不能寄望達到貴價貨的質素，略有鮮甜就不錯了。帶子鮮甜度還可以，體積偏小，但跟其他放題餐廳相若，若嫌一片太小，多吃幾片就行，其他貝類刺身質素與帶子差不多。食物的數量有被自動扣減，大概是餐廳怕客人點太多又吃不完，白白增加成本。壽司質素還可以，跟超市買到的差不多。海膽手卷自己沒吃到，這是第二輪點的，吃過第一輪的人都讚好又再下單，質素應該不錯吧。雪花牛肉鍋甜甜的也不錯，牛肉不粗糙，料放挺足的。日式撈冷稻庭烏冬並非軟乎乎的劣質烏冬，口感有嚼頭，吃起來冷冷的挺涼快。辣酒翡翠螺自己沒吃到，也沒聽到朋友評論。香辣魔鬼珍寶蝦味道很詭異，酸辣味道是互相排斥，這是我們咱一吃不完的食物。馬拉盞炒芥蘭苗太健康，對我來說吃放題就該走邪惡路線，所以不捨得花肚量在它身上，但吃過的其中一人說這裡連炒菜的平凡食物都做得好吃。焗BBQ雞翼味道帶甜，狀態正常。燒香草羊鞍以放題來說可接

雖無寫食評的習慣，卻依然忍不住要來留言。食物質素高，刺身鮮甜，整晚惟豉汁炒蜆不對我口味，其餘食物皆上級水準。驚喜處處，例如刺身可以選擇松葉蟹腳。海膽手卷內的海膽不腥，口感奶滑，味道鮮美。最值得一提的是蟹粥，只應天上有的味道，難忘。由於留言要夠200字，只好繼續寫下去。餐紙有特飲部分，特飲不錯，尤其是菠蘿檸檬熱情果。另外亦有清酒和梅酒，清酒質素不俗，梅酒酸味較濃，兩者皆容易入口。最後餐廳附送每人一杯Häagen-Dazs or Movenpick, 為整晚點綴，畫龍點睛。另外服務方面，食物上菜速度中等，餐廳侍應較冷漠，招呼工作尚需改善。總體而言，極之不錯的一次用餐體驗。

仍有幾天的假期，留港消費的我，趁著平日，到尖沙咀逛逛，享受一下一人漫步繁華閙市的樂趣。打了兩個鐘的書釘，肚子響起警別號。於是乎要搵方法解決。走著走著，走到文遜大廈，被一個招牌吸引過去，二百元左右，就可享受日式料理放題? 好！一於試吓。踏入食店，已被職員親切的態度安排我入坐。四周環境舒適，整整齊齊，不局促，還有一個大窗可外望尖沙咀的街景。店鋪用了兩個小file 作為 menu, 把不同種類的食物，依英文字母由A 至M 排，好讓食客容易揸閱，是一個很細心的安排。食日本料理，不外乎是刺身、壽司、燒物、手卷、天婦羅…。這裏食物種類繁多，每種食一件，足以飽到上喉嚨。當然我點了最愛的刺身，亦是我在這一餐裏要一再 encore。點解呢？刺身非常新鮮，肉質爽脆，特別是三文魚和和鮮帶子，yummy yummy!海膽手卷亦是我不二之選，海膽鮮甜，而手卷的份量剛剛好，兩口已可以吞噬，不會阻礙我胃部的位置去處理其他美食。令我感到意外的是燒香草羊鞍，香、嫰，雖有少少羊羶味，但容易入口，值得一讚。其炸一口芝士和炸貓山皇榴槤，香脆無比，餐後在我的口內仍留有餘香。除此之外，飲品種類亦有多種選擇，酒精或非酒精飲品，來自

試過那麼多間放題，始終還是大喜屋最棒未坐定就先拿了很多飲品，雪櫃內有韓國忌廉鮮奶系列，亦有解茶，任由客人自取，點餐紙上更有自製飲品、清酒及梅酒，單是飲品已感受到其充滿誠意魚生刺身非常鮮甜三文魚很肥美，飽片超甜，松葉蟹也很值得推介海膽都是無得輸耶～超正燒物和炸物也做得很有水準，鹽燒雞翼和天婦羅都很值得讚老實說，放題主菜多為魚生燒物，但想不到大超屋除了這些冷盤和熱食很美味外，甜品也是好食到一個點😀每人限點一杯Haagen Dazs/Movenpick雪糕，除止之外，還有自家製的馬卡龍，甜品杯，綠茶大福... ...很好味，好有誠意耶

香港人特別喜歡吃自助餐和任飲任食放題，一次過享受到多款食物，琳瑯滿目令人眼花繚亂，我也不例外，對於放題有一種糾結心。其中大喜屋集團可說是香港日本放題界之龍頭位置也不為過，當中文遜大喜屋的介紹提及“匠心”，那是一種令人肅然起敬的氣質。匠心首先是虛心;匠心是恆心;匠心是細心;匠心是不斷追求的執著心。如果每個人也執於此心態，平靜虛心鑽研，精益求精定必在任何事上有意想不到的結果。位於彌敦道74-78號文遜大廈的大喜屋，再次甫進入文遜大廈內的候梯處，有一位大喜屋年輕員工有禮地為人群登記安排進入餐廳，5樓電梯門大開，這裡的歐陸裝修依然吸引，牆壁上寛闊的雲石窗台上放了書籍，甚有格調的灰鏡、書架、相架、花瓶陳列品一絲不苟依舊富有歐陸氣息，環境氛暗燈光更營造了一份浪漫。職員細心講解並交代還枱時間，相當有禮貌及專業。眼前有兩本點菜紙給客人選擇*刺身選擇很多，三文魚、日本空運油甘魚、希靈魚、北寄貝、象拔蚌、蝶螺、松葉蟹腳、鮮赤貝、北海道帶子、鮑片、甜蝦及極大赤蝦。刺身當中以肉色橙紅的三文魚最為鮮味，油甘魚厚身肥美而油潤，滿口油香。赤蝦大隻鮮甜爽彈。帶子也不甘示弱口感腍滑，令人回味。現今的日本放題菜式多元化，

和一大群好友相聚食飯，大家對食物各有喜好，想滿足眾人嘅喜好最簡單方法莫過於去吃放題。朋友介紹位於尖沙咀文遜大廈的大喜屋，地點方便之餘真正的平靚正，平日晚上300元有找。座位寬闊，檯面也夠大。吃放題最開心就是滿台都是食物，如果檯太細就會很掃興。當然首先來個刺身大拼盤好吃的刺身當然要再encore，選了最喜愛的<三文魚，劍魚腩，馬刀貝，北海道鮮帶子>三文魚~油潤鮮味，劍魚腩~新鮮嫩滑，馬刀貝~夠爽脆，北海道鮮帶子~極富彈性，鮮味甘甜鮮甜creamy的<海膽手卷>亦是必吃推介，很少二百多元的放題有海膽可以吃喔！有人説吃放題如果點壽司會很蝕，但我覺得這句說話不適用於<大喜屋>的高質壽司當中我最愛<黑松露油甘魚壽司>和<芒果魚子花之戀>。油潤的油甘魚加上黑松露的香氣一起超match甜甜的芒果在花之戀上有畫龍點睛的效果，大愛<麻辣皮蛋>即令我喜出望外，味道和阿哥米線的一模一樣，但在那邊吃要$2x一碟，今天卻可以任意吃過夠。<沙爹雞肉串>帶有炭燒獨有的香氣，大大粒的雞肉外層燒得夠乾爽，內

記得5年前係呢度同同事食過放題，果時已經覺得食物水準吾錯，特別係甜蝦。久別重逢，裝修已經好吾同，有好多卡位同光猛左好多，d位同櫈仲闊落左，環境真係正左好多 。呢度有比較少見既海膽手卷，海膽新鮮，紫菜夠脆，配番入要果幾啖飯，食多幾件都no problem!壽司整得好靚，材料豐富，竟然有粟米片，創意十足。炸物新鮮熱辣，炸到外皮好脆，外脆內軟。所有野飲野食都係用紙點都得，坐係度等食，好嘆。最後整番杯雪糕，咩都滿足哂 。

慶祝生日一早book左位食放題遲左半個鐘到 即刻叫返盤刺身食先😋然後都叫左好多野食個海膽手卷好正 encore左1次😋但甜品令人失望😣好彩有雪糕補返 但留意每人只可以叫一杯不得不讚馬拉盞炒芥蘭同埋豉椒炒蜆😋唔記得影 個汁超濃 好味👍🏻*飲品要填完比佢先有 無得自己出去拎講完食物 要講下佢個服務 首先，佢肯幫我地留位半個鐘呢點係值得欣賞 但佢收碟個陣成日唔出聲就伸隻手黎收 差啲整啲筷子 要改善 而且睇得出佢地人手唔夠，成日無人黎收紙😕坐得一陣已經逐張桌收錢半個鐘前截單 我未夠時間encore左個海膽手卷，佢竟然問左幾次人地截單未架？語氣好差，仲有一點 佢收紙個陣係會一手搶去 所以態度真係有待改善😤

冇同屋企人夾過， 只係咁啱喺萬聖節正日同屋企人一齊去食放題， 冇估到咁有節日氣氛， 成間餐廳都隆重佈置！ 脆炸貓山王真係冇得輸！ 強烈推薦(不懂欣賞榴槤者可以無視)食過幾間日式放題， 呢度嘅炸物真係最出色， 款式唔係最多，但款款都做足功夫， 全部外皮都十分鬆脆， 薄薄的一層分漿包裹著不同餡料， 如呢個脆炸貓山王 ，一咬開， 暖笠笠的新鮮榴槤果肉流出來， 係極品呀！下圖呢個芝士蝦丸都唔執輸， 拉芝效果良好， 內有蝦肉，所以口感彈牙！炸蠔新鮮熱辣辣上枱， 同樣鬆脆， 廣島蠔好鮮甜！跟住就到放題嘅回本位， 要開動狂食刺身喇 (雖然最後都唔係叫咗好多，想試下唔同野食)食材大致上都幾新鮮，特別欣賞三文魚同油甘魚， 脂肪分佈均勻， 條理分明👍👍屋企人大讚呢個海膽手卷， 我試咗少少海膽刺身， 果然十分鮮甜， 一啲苦甘味都冇， 證明刺身真係好新鮮！呢間放題質素真係幾好， 會再回頭， 或者聖誕節再見呢😆✨

男友為慶祝我生辰，安排咗今晚去大喜屋吃我喜歡的日式放題，而家香港日式放題已經琳㼈滿目，放題餐廳緊有一間喺左近！但要講到高質素我就覺得非大喜屋莫屬⋯⋯今日係星期日，突然之間掛咗8號風球，原本仲擔心唔知會唔會無得食，上網一睇，見大喜屋Facebook post 咗 "所有大喜屋集團餐廳8號風球下照常營業，與食客風雨同路"!! 即刻無損我哋嘅心情！yeah!!! 有得食！男朋友預早兩星期已經book 訂枱，我地今次食早段，17:40到達樓下，已經有十幾人喺度等lift，大喜屋職員非常好服務，派職員喺樓下等lift 中途為大家登記同安排入座枱號，方便我一上到去就可以馬上入座，爭取時間任食！上到去，見到環境舒適寬敞，豪華設計同沙發座椅，坐得舒服，唔會有逼夾感覺！讚！好！急不及待快啲打開兩本字典咁厚嘅點菜單點嘢食！嘩嘩嘩！有刺身，壽司，卷物，炸物，天婦羅，串燒，炸物，鍋物，粥品烏冬...熟食，前菜，沙律菜，生果，甜品，雪糕，紙包/罐裝飲品等等，任君選擇！我地咩都唔理，咩都點咗d! 刺身全部都好很新鮮，尤其是北寄貝、劍魚腩刺身同鮮蝦刺身肉質非常鮮甜，推介！壽司種類都好多，其中火炙壽司款中的左口魚群邊

小弟嘅食量比較大所以經常會食放題，但一間好嘅放題有咩條件?除咗食物質素種類外上菜速度和有冇漏單都好重要，大喜屋完全符合條件。飲品方面要落單並非自助，多咗清酒梅酒但無咗桃啤和椰青水，除外仲有啤酒氣水,時令果汁和特飲(葡萄美酒,粉紅飛飛和幻彩霓裳)其中葡萄美酒有酒精成份但唔高，就算唔飲酒都啱飲食放題必定要叫刺身，大喜屋嚟得又快又齊大喜屋壽司水準有時仲高過出面壽司店，至於海膽手卷唔知係未另一分店殿.大喜屋太好食搞到好似差咗自助餐攻略提過，其實肉類方面其實係回本之選，所以一定要推介呢道沖繩黑糖薄燒牛仔肉，牛肉燒到7成熟，加上甜甜嘅醬汁， 切到薄薄一片又唔韌，最緊要食唔飽人多多都唔怕羊架係另外一道回本之選，但其實之前仲有一道芥末焗羊架仲好食，肉嫩多汁不過可惜無咗!(強烈要求大喜屋重新推出)香辣魔鬼珍寶蝦，味道唔錯不過孤寒咗啲!比得一隻蝦咁大把冬陰功海鮮十分足料，除外熱食仲有天婦羅,炸物,煮物及串燒等等，值得推介有如馬拉盞芥蘭,豉椒炒花甲,首爾人蔘雞鍋,川味口水鴨舌.... 實在太多不能盡錄至於甜品都係要落單，哈根達雪糕每人限叫一杯相比下大喜屋食材不及另外三間分店華麗，刺身無拖羅或池魚，更加無凍海

日式放題中我最愛必定是大喜屋了， 壽司刺身非常新鮮， 款式多多，創新獨特！熟食， 火煱 及甜品應有盡有， 萬應俱全， 而且能保持高水準的食物質數， 難怪一如以往都咁受普羅大眾歡迎啦！Happy Friday, 滿心歡喜的一早已訂了枱，打算食餐勁的， 即使今晚下大雨也無阻我食大喜屋的決心！因為我怎可以放過任何食好西的機會呢～ 今日都是爆場的， 大家一坐底便拎起筆點菜， 這是指定動作吧！ 哈哈！這幾天天氣炎熱， 我先點了飲品解渴， 既然飲品是任飲， 我會選幾款比較特別的試一下， 先點了韓國的菠蘿汁， 桃味果汁， 裡面都有果肉的， 的確清甜解渴！耶子汁亦是人氣之選！接下來， 不用多講， 我們以急不及待的點了刺身，有食過都知道這裡的甜蝦大大隻，鮮甜彈牙， 三文魚是新鮮厚切的，非常肥美,絕對不可以錯過！另外帶子鮮甜， 象拔蚌爽口！天使蝦就有d 失望！但我要極力推薦一下這裡的極大赤蝦給大家， 赤蝦比甜蝦更大隻， 更有口感， 絕對能滿足到味雷及視覺效果的享受！創作壽司款式多， 壽司不會太大舊飯， 這樣我即管多選幾樣來吃吧， 當然不忘最愛的花之戀啦， 我特別覺得鵝肝壽司味道出眾， 鵝肝煎香了，味道濃陏

其實多數都係dinner黎食咁岩放假，朋友又話lunch平幾十蚊，仲要食d野一樣所以就黎左咁本身都book左位 但其實當日都唔full佢仲比左卡位我地3個坐 坐得好舒服咁之後就叫野食， d野食都黎得好快，同埋d staff都好有禮貌咁一黎就係刺身拼盤咁有我地最愛的三文魚啦，甜蝦，大大隻ge蝦，希靈魚等等全部都好新鮮我覺得三文魚最好食一d都唔腥大大隻ge蝦都好肥味同有一種甜味完全係高水準ge刺身咁由於刺身無得選海膽所以我地叫左海膽手卷無諗過佢比咁大件海膽 而飯係細細地食落真係唔覺得會飽 可以食多幾件d海膽唔係話好靚 但一d都唔腥都叫做食得過咁其實我地仲有點其他，例如壽司，粥個d無乜驚喜又不過不失所以就無影到相咁之後就分享甜品原來就算lunch都可以每人一杯雪糕仲要係貴價哈根大師不過我就叫左日本紫薯雪糕紫薯雪糕好有奶香但都食得出紫薯味食落好滑 又唔流正啊除左雪糕仲可以叫其他甜品我就食左紫薯tart幾香 不過個皮太霖所以失左d分總括黎講，雖則都要比200蚊但樣樣野食都做到咁好都算滿意啦！

日本放題食左唔少, 大喜屋質數絕對抵食, 坊間大量日式放題, 有平有貴, 依間既午市唔算好平亦未係昂貴.突然想食就早上11點左右打去睇下有冇位, 結果full左但可以walk-in來睇下有冇位. 就落去碰碰運氣.到大喜屋一問有位... 入去食番餐先! 環境 : 位置比較窄, 可以放到既野食唔多, 坐起來唔太舒適. 時間及費用 : 星期日午市放題 (12:00~15:00) $208 + 10%食物 : 整體 : 以價錢同食物質數來比係抵食既.堅尼(一)

今日同朋友慶生，之前食過極尚大喜屋，今次就食呢間放題放題魚生款式多，蝦刺身比極尚多選擇，多左泰式虎蝦同極大赤蝦，不嬲蝦刺身我都不太好，但今次食過呢間嘅蝦刺身，就喜愛了，尤其係極大赤蝦！值得推介！大隻之餘，味道鮮甜😍😍👍👍👍，食完，口中仍然有果種甜味泰式虎蝦都唔錯，但鮮甜程度不及極大赤蝦個焗蠔就麻麻地，蠔好細隻，醬汁又勁多，相比極尚，極尚既焗帶子質素好得多，帶子大隻刺身厚切度適中，三文魚刺身魚脂分布均勻，入口鮮味，新鮮所以回香度高壽司推介牛肉，重牛肉味，燒得唔老，夠香，飯又唔會好酸，大舊，可以說係精緻，似迷你大滿足😁餐廳服務唔錯，漏單情況係無乜😌😌呢間放題真係名不虛傳，下個月再食