越男仔

Open Now

Now Closed

星期六約左舊同事食Lunch大家都好耐無見啦其實我地都住沙田區...而星期六想訓晏D，唔會約出咁遠啦...勵城花園餐廳林立...真係唔憂「無得食」黎到附近見到有D特色既有呢間...好多巴士都有站停在這裡好方便架地點：沙田沙田圍路1-7號勵城花園地下1號舖港鐵沙田圍站 C 出口, 步行約8分鐘環境：新派設計服務：有善細心，隔離枱客人離開，就加大我們二人枱變四人枱食物：一飯、兩菜、兩飲品係門口已經見到9成9滿座幾驚無位呀...好在見到最角度有最後兩個位...越式拉茶 $18拉茶是用兩個杯子遠距離重覆地倒來倒去“拉”得越長，泡沫越多，味道就會好當然我看不到廚房師傅拉茶啦但茶香和奶香飲落都很好咸檸柚子蜜 $27集合了酸、咸、甜！偏濃些果然是真材實料蝦醬炒飯$88蝦醬炒飯炒得乾身又惹味飯粒煙韌帶有濃郁蝦醬香味少見的用鑊仔上更加添風味用碗仔Share食蜜糖燒豬軟骨$88平時食蜜糖叉燒、蜜味雞翼就多第一次見到有蜜糖燒豬軟骨豬軟骨唔係平時食軟熟口感而係外表燒到乾身一絲絲的肉質好特別加上蜜糖燒過後更入味海膽手撕雞檬紙卷$118呢一道fusion菜深深吸引我海膽先用火炙過後更有焦香味香濃甘甜...加上香脆

軟殼蟹沙嗲粉絲大麵包： 軟殼蟹鬆脆可口，粉絲分量超多，微辣好惹味。麵包激讚 外脆內軟 值得再試越式海鮮蝦油炒金邊粉：蝦油味欠奉，但金邊粉炒得好乾身，好惹味。 有不同海鮮 ，可以一試海膽手撕雞檬紙卷：海膽份量好足料 但唔夠鮮味仍可以一試店舖面積較細 有點擠迫 只收現金 店員好有禮貌！！！

餐廳細細但幾好坐，多卡位，而且間隔夠高，坐得舒服。抬頭一望，燈罩都係用越南帽攞嚟裝飾，幾有心思喎。牆上貼左唔少標語，見到即刻笑左。以下幾樣菜式我地覺得幾好：咸檸沙冰咸檸七飮過，咸檸梳打都試過，但咸檸沙冰真係第一次飲了。咸檸同冰一齊打碎左，口感清爽，出奇好味，好有誠意，推介必試！我地每人叫左一杯，好大杯，好抵飲呀！牙車快（柚子 + 手撕雞 ）$68係越南最出名的沙律，饀料有雞絲、柚子、菜絲同花生粒等等。沙律汁唔多，但各種配料各有其獨特口感，細細碟作為餐前小食，絕對開胃好味。招牌椒鹽軟殻蟹$108第一次食咁大隻軟殻蟹，比一般外面食開的大好多，真係有手掌咁大，冇花冇假的 king size ，啖啖肉。新鮮炸，新鮮食；欣賞佢墊底的菜絲吸走多餘的油，令表面夠乾身，但內裏又保留到蟹汁，唔會乾爭爭咁。但略嫌椒鹽味唔夠，如果重手少少便正了。海膽手撕雞檬紙卷3 件 （套餐小食 +$58）越南獨有的米紙卷，內饀有雞絲、菜絲、檬粉，再用米紙卷起，一般係點魚露食。之前在其他越南餐廳都食過。但呢間創新D，on top 加左海膽，又係另一種食法。米紙卷口味偏淡，加入左濃味的海膽，味道幾夾喎！海膽夠新鮮而且份量不少