壽司郎 (Closed)

今晚去左食壽司郎，真係非常多人，我同友人係3點半攞飛，跟住去尖沙咀行街，行完返到去7點鐘都未有位，等多半個鐘後終於有位。因為餐廳限定用餐時間一小時，所以d枱都流轉得好快，亦可確保人人都食到好味平價的高質壽司。我地點左芝士燒三文魚，蝦3味，海膽海苔包，厚切三文魚，帆立貝，特選大吞拿魚腩等壽司。整體黎講都唔錯，全部壽司材料都好新鮮，而性價比都好高。甜品就叫左個卡達娜拉，夠凍，味道唔太甜剛剛好。雖然用餐時間得一個鐘，但食物黎得好快，係夠時間食的。岩岩好食完就一個鐘埋單啦。

又一間日本過江龍餐廳進駐香港，平價回轉壽司店スシロー ，去日本時冇幫襯過，再加上太耐冇食壽司，今次可食返夠本，當然，過江龍平民價又係壽司，一定深受歡迎爆多人，第一時間睇下有冇得book，要用壽司郎apps先可以book位，但未來的2個月都full晒，又好想食，於是便決定早起身做第一批食客，等佢開門，餐廳開11:00，10:30去到，已有人排梗，實在太瘋狂了。 差不多11:00，餐廳比大家上去取票。 我地都算排得前，好快入到去。 餐廳面積頗大，木系為主，感覺柔和，有吧枱及方枱（卡位），吧枱每兩位之間都有隔板隔著，感覺有私人空間，而且位子尚算寬闊，坐得尚算舒適。 坐的位置。 入坐時，店員會講解一下細節，一小時用膳時間。 迴轉壽司，大同小異的格局，都講下，上層的輸送帶是order 的壽司專用，下層的就迴轉壽司自己取。 有醬油、甜豉油及柑橘醋等。 iPad 落單。 握壽司價格分：紅($12)、銀($17)、金($22)及黑碟($27)。 另有其他小食及甜品。 Order的壽司。 いただきます 炙燒三文魚腩，$12，第一碟未諗到食咩，叫住碟三文魚腩先，尚算肥美。

一個月之前用app 預約，今晚終於試到壽司郎🤪我就唔會全部介紹，略略講下啦🤣 1️⃣大吞拿魚腩，中吞拿魚腩我都有試到其實兩款都好食，非常肥味魚油香味都好重，相對比起出面日本餐廳單叫真係抵食好多，不過性價比黎講真係中吞拿魚腩抵食好多👍🏻🤤2️⃣三文魚腩配三文魚子都好食， 我覺得依款嘅三文魚腩同厚切三文魚腩條魚唔同😂食落依款三文魚腩好食啲🤣3️⃣長崎吞拿魚之前未試過，見到有就嗌咗碟trytry ,食落同平時嘅吞拿魚好唔同，一啲都唔實，好淋入口好啲即溶feel,大家可以trytry🤪4️⃣炙燒芝士三文魚，比起出面食到嘅好食，因為芝士夠多👍🏻又有沙律醬，而且三文魚肥美所以真係唔錯5️⃣海膽海苔包係期間限定，海膽唔算太新鮮，唔肯定係咪成日都係咁🤔因為見幾個post 都有講，不過$18 係ok 嘅算係咁啦😂