壽司郎 (Closed)

今晚去左食壽司郎，真係非常多人，我同友人係3點半攞飛，跟住去尖沙咀行街，行完返到去7點鐘都未有位，等多半個鐘後終於有位。因為餐廳限定用餐時間一小時，所以d枱都流轉得好快，亦可確保人人都食到好味平價的高質壽司。我地點左芝士燒三文魚，蝦3味，海膽海苔包，厚切三文魚，帆立貝，特選大吞拿魚腩等壽司。整體黎講都唔錯，全部壽司材料都好新鮮，而性價比都好高。甜品就叫左個卡達娜拉，夠凍，味道唔太甜剛剛好。雖然用餐時間得一個鐘，但食物黎得好快，係夠時間食的。岩岩好食完就一個鐘埋單啦。