炎天丼 (Closed)

聽朋友講呢間天婦羅店好多次，有次的起心肝想去試，比門口條隊嚇親😂 敗走左幾次，終於有次weekday 7點前去到旺角就想去睇下有冇位，yeah! 可以直入最後兩個位✌️睇食評 海鮮don好似最受歡迎，所以就即order. 先上左兩個沙律 再黎就係我一直期待嘅天婦羅海鮮don .雖然見到食評大家都有講過一個菜心苗天婦羅，當你自己親眼見嘅時候真係感覺好特別。呢樣嘢真係香港化☺️我好鍾意佢天婦羅炸粉漿又薄又脆，炸既時間啱啱好。特別係菜心苗既葉，真係好脆但葉同菜梗都唔過火。如果我哋只係講天婦羅底漿同師傅炸佢嘅功架，完全覺得佢係香港數一數二嘅地方。虎蝦同埋魷魚個人覺得新鮮度爭左少少，唔好誤會，係絕對對得住八十蚊嘅呢個價錢。唔介意佢加價去做多一個新menu，有更premium更fresh既海鮮。另外需要一提，每位店員都好有禮貌好細心好開心見到咁多人排隊等呢一間天婦羅店，希望大家繼續支持小店 等多d有talent既人有自己既一遍天

睇左好多食評都話炎天丼幾好食，但夜晚行過幾次都好多人，所以無緣幫襯;終於，今個星期下午，喺門口望入去見到有幾個位，所以二話不說，入去坐低再諗食乜;我就叫左個海鮮天丼，而我女朋友就叫左個海鮮天婦羅蕎麥麵，兩個d海鮮都差不多，果條炸左嘅菜心好特別，而丼就會多隻流心蛋，好似話唔流可以換過;整體天婦羅炸得好脆，好薄嘅炸粉，的確出色;另外，叫左個海膽天婦羅，都係脆，不過呢種海膽嘅味我唔太喜歡;總括來講，的確係值得一試，Lunch好抵食。

因為朋友的介紹，我們兩人便來到這裏吃午飯。其實，我並不太想過來旺角，尤其是weekend去吃午飯比較人多擠迫，又或者要在限定時間離開。點知入到去人少少，裏面仲幾安靜。我朋友遲咗少少先到，開頭都驚店主唔係咁鍾意我齋坐唔order阻住佢做生意，不過見佢唔太介懷咁個心都定啲。朋友到達後，我們就開始order嘢食。我見到牆上寫着午餐套餐有$10優惠，覺得都幾抵就order左個海鮮天婦羅烏冬。當我地開始等嘢食嚟嘅時候，店員就攞咗兩碗miso soup出嚟。Miso soup 比較一般，不過是免費所以我都不太介懷。等了不夠10分鐘，我們的海鮮天婦羅便出現。我先嘗試它的稻庭烏冬，覺得也還不錯，足夠 chewy，湯底也不錯。我見烏冬做得不錯就對它的天婦羅有一點期望，一吃下去覺得「有驚喜」！天婦羅唔太oily，識落外脆內軟，真係幾好食。唯一嘅缺點係天婦羅菜心比較難咬。不過for$54，好抵，唔可以complain太多。如果我再嚟旺角食飯我一定會返嚟，highly recommend