同撈同煲

Open Now

Now Closed

早一個月bk定位，我哋一行4人1830到，未多人，坐卡位，闊落舒服嘅，揀緊嘢食期間有個小肥哥哥攞碗筷過嚟，咁我下意識諗住自己洗啦，點知哥哥話等佢嚟，又幾好服務喎，喺塊膠paper holder面圈好食物，隔左一陣個老細埋嚟推刺身餐同海鮮餐，大約原價減幾百咁，fb like完就可以優惠價，好直接話呢排少左好多like叫我哋幫幫手，唔係求，係有少少怨氣feel嗰種，叫完刺身+海鮮餐like埋，大約15分鐘後就上刺身，之後老細話冇同我哋落火鍋料，想我哋食左刺身先，因為都大盤怕冇位擺，its ok，到食完刺身再攞塊板過嚟問我哋圈嘅火鍋料有冇嘢改，冇就落單，又等15-20分鐘先開始有嘢上，食物其實唔錯，不過我想講嘅係服務，我想落單或搵人幫手收嘢，舉幾次手都冇人，幾個侍應都好忙，理解嘅，老板又揼低頭篤電話，想落單都冇癮，5⭐為滿分環境：⭐⭐⭐⭐⭐食物：⭐⭐⭐⭐⭐服務：⭐⭐重點係老細本身有怨氣，意興闌珊嗰種，生意唔好所以咁都好理解，但老板都應該不時望下個場啲客有咩需要就叫伙記埋枱serve而唔係同太子女都喺度篤電話，呢個就真係不能接受，食物質素的確唔錯但都冇用，已經唔會回頭。

今日嚟到九龍城覓食，估唔到搵到一間咁地道既火鍋！呢到裝修十分懷舊，由理髮店招牌，冰室階磚，門前郵箱，到到都散發住七八十年代香港地味道！侍應哥哥好好人，十分詳細介紹今日推介既湯底同埋是日海鮮套餐。最後我地決定叫沙爹湯底同埋試下佢地推介既海鮮拼盤。好快侍應哥哥就番到我地張枱，幫我地洗哂碗碟，再拎埋個湯底嚟。我地仲叫咗一份牛拼盤，一份芝士牛丸，一份長蟹柳。所有野都好快送上，湯底都轉頭就滾，我地就開始滾野食。海鮮套餐包咗鮑魚，鮮蝦，蟶子同埋大元貝，鮮蝦上到枱時仲扎扎跳。由於我地食鮑魚會胃痛，侍應哥哥仲好有心咁幫我地轉咗多一隻蟶子同大元貝！海鮮啲鮮味好夠！大推介！牛拼盤都有牛舌牛柳既部位，牛味好出。而芝士牛丸上枱時仲係鮮牛肉色，滾完都仲係好重牛味，讚！如果想打邊爐又咁啱喺九龍城，大家不妨試下同撈同煲！

除咗相片入面嘅食物我哋全晚仲叫咗六支嘢飲 ，三個大人全部加埋總數千八蚊埋單， 抵唔抵食就見仁見智啦， 不過可能由於我哋閒日嘅夜晚去，當晚現場並唔係太多人，所以坐得好舒服可以慢慢食。 食物味道唔差坐得舒舒服服，鍾意同朋友打邊爐慢慢嗲，呢度係一個唔錯嘅選擇