韓雅林

Open Now

Now Closed

第一次嚟呢間位於銅鑼灣老字號嘅韓國餐廳。呢間原來喺銅鑼灣開咗好耐，今次終於可以同朋友嚟呢度食飯。因為我哋想食醬油蟹，所以一定要搵一間老字號，有保證的。入到去坐低，聽到好多食客講韓文，證明都好多韓國人去食。餐廳地方大，座位寬敞，有好多卡位，好舒服。⭐️醬油蟹好鮮味，醬油味唔會太重，醃得味道剛剛好，又多蟹膏，配上牛油紫菜飯一齊食，好好味。⭐️雪花牛肉，肉質好靚，好juicy, 有少少油脂香，牛肉味好濃郁，入口即溶。⭐️海鮮蔥煎餅，好香口，外面煎得一層薄薄脆脆的，入面好煙靱軟熟，口感豐富。總括嚟講，呢間韓國餐廳食物好正宗，好味。有咁多韓國人都嚟食，食物一定有保證。感覺好似去咗韓國旅行咁。員工服務態度都好好。

去咗久違了嘅韓雅林，其實呢間係我有超過15年嘅食堂，有段時間喺銅鑼灣返工，成日都會過嚟呢度食lunch/ dinner🇰🇷估唔到有一段時間無去依然keep到咁好水準👍🏻醬油蟹 ⭐️⭐️⭐️⭐️⭐️嚟韓雅林必食超多蟹膏醬油蟹🦀醬油蟹份量很大1隻，配埋送贈嘅牛油飯夠晒2人share，但一場嚟到我決定自私食1隻🤭蟹膏加埋半透明蟹肉，口感極軟滑似啫喱咁喺口中溶化！最後將飯撈入蟹蓋，將飯同蟹膏撈勻食就完成呢個人間美食啦😎海鮮蔥煎餅 ⭐️⭐️⭐️⭐️⭐️海鮮蔥餅煎到脆身剛剛好，食嘅時候點埋魚露增添咸鮮味，大量嘅蔥配埋海鮮令到煎餅味道更豐富，推介大家必點🤗半半炸雞 ⭐️⭐️⭐️⭐️⭐️我好鍾意食韓式甜辣醬炸雞，朋友就比較鍾意原味，所以叫半半就啱晒嘞😁無骨炸雞炸得好香脆，啖啖肉加埋甜辣醬真係無得輸呀👍🏻炸醬麵 ⭐️⭐️⭐️⭐️⭐️朋友極力推介我試炸醬麵，第1次食炸醬麵嘅我平時只係喺韓劇見過，食之前先將黑豆醬、豬肉粒同麵條拌勻，帶啲黏性嘅黑豆醬有少少甜味😍麵質偏彈牙滑身好啱我口味，終於明白點解咁多人鍾意食！

星期日同朋友出街，行到天黑就開始肚餓，想去間坐得舒服嘅餐廳食晚飯😋朋友話有間喺銅鑼灣廣場一期嘅韓國餐廳好想試，所以就決定去試啦🇰🇷入座點咗餐冇耐就送上好多前菜，好開胃😋韓雅林醬油蟹(1pc) $250————————————一件醬油蟹都夠肥美，夠晒我同朋友兩個人分🦀醬油蟹最緊要新鮮，餐廳表明每日新鮮製作，隻蟹爆晒膏，蟹肉鮮甜，陣陣醬油鹹香。餐廳送上牛油飯，個飯爆多麻油紫菜配上蛋黃，個人認為，醬油蟹拌飯食係個精粹🤤啖啖都好濃郁好香😋海鮮蔥煎餅 $138————————————超大份煎餅！超足料，蔥香滿滿，加上甜椒🫑仲有粒粒海鮮！煎餅好焦香，尤其係餅邊特別香口。香辣韓牛肉湯 $165————————————大大鍋又超足料！牛肉一絲絲，份量都頗多，配菜有金菇、蔥等等，配個白飯，好暖胃。Makgeolli米酒 $120————————————用壺上米酒好有feel🫖 酒精味唔會太重，有甜甜嘅米香，微微嘅碳酸氣泡感，好Smooth嘅感覺。

對上一次去韓國已經係幾年前嘅事 次次落機放好行李之後都即刻沖去食醬油蟹🦀念念不忘成日掛住掛住平時香港啲韓國餐廳offer嘅餐前小食款式都唔會好多 但呢間由韓國人打理嘅餐廳 淨係前菜都有7款除咗 芽菜 茄子 酸蘿蔔 煎豆腐 醃菜苗 就連泡菜都有兩款 全部都係無限refill 添❣️물냉면 冷麵 $138熱辣辣嘅天氣最啱食呢啲凍冰冰嘅冷麵消暑 食嘅時候加入辣醬同泡菜 令清甜嘅湯底加點微辣🌶️麵條相當有咬勁 清新青瓜香淡淡滲透出嚟 飲埋個湯底真係涼透心❣️한우설렁탕 1++韓牛雪濃湯 $188用韓牛嚟煮真係每啖都充滿牛味 記得之前落雪嗰陣去韓國呢個湯日日都要飲🐃用上牛骨熬湯而成嘅雪濃湯 不論就咁飲定係泡飯食 同樣美味❣️해물파전 海鮮蔥煎餅 $128蝦粒 魷魚等海鮮同香蔥一齊爆香 點埋小小醋汁 酸味味將海鮮嘅鮮味逼出嚟🦐又脆又香 仲熱辣辣 真係忍唔住食完一塊又一塊❣️간장게장 & 밥 醬油蟹&牛油飯 $280/1pc重點醬油蟹期待咗成晚 原隻螃蟹醃製係韓國醬油入面 相當入味 而且蟹黃多到爆出嚟咁滯💥好似啫喱咁嘅口感好正好juicy 跟餐嘅牛油飯拌入熱溶牛油同紫菜

呢間餐廳大部份由韓國人主理，主打韓式料理同傳統韓燒🇰🇷✨先送上多款拌菜，包括涼拌櫛瓜、涼拌茄子、泡菜、涼拌薯絲、辣醬豆腐、涼拌海草、辣拌青瓜、大醬拌菠菜，全部都可以無限追加💗醃製牛肋骨肉 ($210)牛肋骨肉軟嫩鬆化，油脂分佈均匀，肉味香濃🥩💗韓式冷麵 ($130)冷麵質感煙韌彈牙，配料有雪梨片、酸漬蘿蔔、青瓜同熟蛋🍜加入黃芥辣同醋汁，味道酸甜冰涼，非常解膩🧊💗海鮮蔥煎餅 ($130)海鮮煎餅煎得金黃焦脆，入面有蝦、魷魚、蜆肉同蔥，蘸上醋食更吊出鮮味～🍳💗韓式宮廷年糕 ($150)食唔到辣炒年糕嘅朋友可以選擇宮廷年糕，醬油炒年糕煙韌惹味，配搭牛肉、魚糕、冬菇、蔬菜，非常豐富🍢

甜辣炸雞賣相：🐧🐧🐧🐧🐧味道：🐧🐧🐧🐧🐧炸雞原隻連骨新鮮即炸，表面淋上濃稠豔紅的甜辣醬汁，散發著濃濃的炸雞香味，非常邪惡誘人。炸雞食落外皮十分酥脆，油香不膩，內裡雞肉嫩滑多汁，肉感滿滿，與甜辣醬汁配搭食用，惹味爆分之選。海鮮蔥煎餅賣相：🐧🐧🐧🐧味道：🐧🐧🐧🐧🐧煎餅用煎pan 原個呈上，熱騰騰非常酥脆，帶有清新的蔥香氣味，令人唾涎欲滴。煎餅內餡包含眾多的新鮮海鮮，有魷魚、蝦仔、蜆肉等，加上清爽的青蔥，食落鮮味出眾，口感豐盈，嚼勁十足，高質前菜必點。煎餃子賣相：🐧🐧🐧🐧🐧味道：🐧🐧🐧🐧🐧餃子全部煎得金黃酥脆，餃子外皮薄脆焦香，內餡由肉碎和韓式粉絲組成，鹹鮮味佳，再沾些附上的醬汁一起食用，味道更富層次。韓式炒粉絲賣相：🐧🐧🐧🐧🐧味道：🐧🐧🐧🐧🐧炒粉絲配料十足，除了必備的牛肉外，還有炒蛋、紅蘿蔔、香菇、洋蔥等，色彩繽紛十分吸引。炒粉絲炒得香口入味，集鹹、甜、鮮味於一身，煙韌又可口，加搭豐富的配菜們一齊享用，滋味更豐富，令人食不停口。🐧❣️餐前餐廳會提供八款精選韓式前菜，清新又開胃。環境：🐧🐧🐧🐧🐧餐廳採用古風韓式設計，以古典豔紅為主色調，納用古色古香的桌椅，以韓式傳統畫作和綠色植物作點綴，感覺典