四川菜大平伙 (Closed)

中午公司拉大隊到大平伙食飯，平日不算嗜辣亦不常食四川菜，今日卻一改我對四川菜嘅印象 – 辣其實可以很有深度很有層次。同事早已點齊菜式，我乖乖等食同時打量一下餐廳環境。柔和燈光加上牆上的畫作，優雅之餘很有藝術感。未食正餐先來兩份小食，泡椒鵪鶉蛋香入口唔覺辣但後勁好強，越咬越香！冷菜3款各有風味：涼拌萵筍絲切得幼細，加上麻油涼伴非常爽口；店員介紹口水雞以新鮮雞去骨烹調，所以肉質嫩滑不霉身，醬料辣中帶微甜，好惹味。食開連鎖米線舖嘅蒜泥白肉，一望呢碟只覺得擺得好精緻！蒜泥味道較濃，白肉卷上青瓜甘香又不油膩。辣子雞個樣夠哂震撼，成碟都係紅卜卜嘅辣椒！食落出乎預料地唔算好辣，因為辣椒香口而非死辣，雞粒同腰果都炸得脆身，呢味真係會食唔停口！ 餐廳好有心思用彩椒令顏色偏暗嘅元蹄生色不少，用筷子輕輕一切已經可以分開骨肉，特製調料夠哂惹味，元蹄肉非常入味亦絲毫唔覺乾身。大家一定要試埋豬皮，好軟滑但完全唔肥膩。 水煮桂花魚嫩滑無骨，花椒香氣撲鼻，唔小心咬左一粒花椒成個口痺哂！食完大魚大肉，仲有味干煸四季豆，四季豆清甜無渣，加入肉碎同辣椒爆炒，菜式越家常真係越顯師傅功夫，好味道！食飽飽再睇番餐廳介紹，原來大平

難得今日放假到大館附近，食這間四川菜。原來這間除了私房四川菜外，更是藝術畫及展品店，所以真的可以邊食邊欣賞！服務好好的，態度友善又勤快，坐下來就送上前菜花生及添上熱的香香中國茶☕️點了一個涼伴萵筍絲（上面加上香香有口感的芝麻粒粒，萵筍切得好幼好薄，好爽脆好清涼又健康，好喜歡麻油味的香濃）另外，點了四川回鍋肉（薄薄的、一層一層肥瘦分明的豬肉，油脂香滑有口感，配上青椒、香蔥段微微辣辣香香的味道，野味配飯最好更點了招牌大千雞球（雞球炸過好靚的賣相，配上甜甜辣辣麻麻的醬汁好開胃入味，雞球雞肉香軟又多汁，不錯喔；配上拌菜洋蔥、青椒、麻椒粒）