川花烤魚

Open Now

Now Closed

同屋企人都好鍾意食魚 但屋企整唔到好大條魚 咁我就帶屋企人一齊食烤魚🐟餐廳有3款魚同埋幾款味道可以揀 我地諗左好耐亦都有問店員既建議 魽魚比較少骨而且肉質鮮嫩 最後我地揀左原條豆豉味烤魽魚 雖然我唔係好食得辣 但覺得烤魚一定要有少少辣先夠惹味 所以就叫左少辣 我同屋企人都接受到呢個辣度食魚之前我地食左串燒同埋涼拌小食先♡涼拌魚皮 $68炸魚皮就食得多 涼拌魚皮都係第一次食 我諗右邊有幾款魚既皮 因為有幾個口感 有d就比較爽口d 有d就淋d 加埋薑同䓤就好好食 我覺得入面既花生都幾脆♡子薑皮蛋 $48子薑有好多 皮蛋要加子薑先好食♡大漢羊肉串 $20咬落都食到入面d汁 ♡沙嗲雞肉串 $18唔會好乾 我認為雞肉配沙嗲汁係最好♡烤汁牛舌 $38都幾厚身 唔會好韌食完魚 就可以加鮮魚湯打邊爐🍲♡鮮鵝腸 $48估唔到有咁多 不過放左入個鍋度熟左卷埋一齊就好難搵 但呢個好爽口彈牙 下次我都會叫呢個♡鮮腐竹 $42呢個都係可以索湯既 份量好多 食極都仲有♡肥牛 $78打邊爐我一定會叫肥牛♡皇帝菜🥬 $42唔係度度地方都有皇帝菜食 咁就叫下啦 份量都算多♡烏冬 $33烏冬索唒個湯底 正呀😋♡粟米🌽

餐廳環境光鮮，座位寬闊，有室內、外位置。主打既烤魚，提供多種口味，有辣有唔辣。晚市7點左右，已經有唔少食客，秋意冬起，最岩用氣爐淥下淥下。餐牌上，有得揀多骨/少骨既魚類，再自己加配配料，另外有串燒、飲品添。雖然餐廳主推草鯇魚，但驚多骨，所以揀魽魚。尼個鋪頭既烤魚爐好有特色，用一個架直接送上。烤魚已經熟，直接可以食，用爐佐熱暖笠笠。酸菜味湯底唔辣，但隨個人喜好可加辣。酸菜份量多到鋪滿成條魚，酸菜醃到好夠味，酸鹹。仲有芽菜、洋蔥得炒香成湯料。魽魚肥美，肉厚，嫩滑。廚師將大魚開邊，夾起既肉每啖都冇骨。大魚香烤過，見到魚皮焦脆面，d魚肉連魚湯入味。額外加點既鵝腸($48)一碟份量超多，處理得好乾淨。淥熟完，完全唔韌，好易咬好，同埋好爽口。窩荀片($43)大大塊，入口甜，爽脆，而且吸哂湯底d味。涼拌魚皮($68)比較少見，但味道一流。送上枱個陣好香芝麻香油味，魚皮超級超級爽脆彈牙feel，拌勻蔥薑絲，仲有青瓜條。唔係度度都有，必點。 餐廳除左有各款啤酒，仲有自家製涼茶。生津梨乾蘋果茶入口清甜，先係蘋果香味，後勁有甜梨味，人多叫1L抵飲。而天地一號既氣醋味，打邊爐岩哂。整體，侍應服務有禮，環境乾淨