Video
6-min walk from Exit A, Tsuen Wan West MTR Station
continue reading
Telephone
46784029
Opening Hours
Today
12:00 - 00:00
Mon - Sun
12:00 - 00:00
Above information is for reference only. Please check details with the restaurant.
今日又同老竇去食好西，要食中式嘢，佢先肯蒲頭，send左幾間俾老豆揀，最終呢間川花烤魚就得到老豆寵幸(講笑mode)🙈🤣🤣 咁的確老豆都好滿意餐飯既😚首先，餐廳嘅環境都幾舒服，每張枱相隔都有啲距離，每張枱亦都好闊落，多數都係四人、六人枱，我同老竇兩個人坐四人枱，自己覺得都好闊落，就算擺個雞煲或者烤魚上枱，都唔會有好迫嘅感覺；同埋餐廳有啲擺設&裝飾(有畫有花☺️)，空間感足夠，仲要有個大玻璃可以望住出面個街景，都真係舒服。店員都好有禮貌，唔該前唔好意思後，我都真係唔好意思啦🙈🙈😂秘製鮑魚雞煲（半隻） 香辣味（小辣） ($298)佢有得揀原味、剁椒、香辣，擔心剁椒會太辣，所以叫左香辣既小辣🙈 (的確唔算辣)味道方面，秘製醬汁好香濃，令到雞肉同鮑魚變得更加惹味，絕對可以餸兩碗飯，連洋葱都好味過人🤤 鮑魚好鮮易咬又大舊👍🏻 雞肉鮮嫩多汁，0鞋🤩 份量多到老豆話唔洗叫飯，真係冇呃秤😆涼拌魚皮 ($58)第一次食掠拌既魚皮，魚皮滑嘟嘟亦好彈牙，葱花花生芝麻香油都好match，魚皮夠味，又唔會太濃味，開胃菜一流😆燒牛舌芯（沙嗲汁） ($38)串燒有得揀醬汁要烤汁定沙嗲汁，牛舌芯好大舊，沙嗲味香濃，幾好咬🙂↕️燒白鱔（沙嗲汁） ($38)魚肉好滑嫩，魚皮好脆🤤btw會想試下烤汁係咩味道🤔大漢羊肉串 ($20)有少少羊肉既膻味啦，但係接受到，肉質亦鬆軟好咬😙冰鎮酸梅湯 (1L) ($58)兩個人飲好足夠，冰鎮酸梅湯帶有一份甜味，易入口，冇乜渣，幾清熱解渴😚另外，見到隔籬枱食烤魚，感覺條魚好新鮮，同埋係即叫即烤，下次會再嚟試烤魚🤩結論🫰環境乾淨舒服，餐廳出面都有枱🫰雞煲好惹味！⚡️同地鐵站有距離，不過行得過👍🏻好味度：8.5/10回頭度：8/10 餐廳資料餐廳名稱：川花烤魚餐廳地址：荃灣大壩街29號安康大廈地舖營業時間：星期一至日 12:00-00:00餐廳電話：46784029
continue reading
呢日去荃灣搵朋友👯♀️,見到呢門裝修雅緻嘅餐廳有新鮮鮑魚雞煲🫕,忍唔住去試下。🤤鮑魚雞煲 因為唔係好食得辣,所以叫咗bb辣🌶。煲面鋪住四隻大大嘅鮑魚,真係好吸引😍。面頭有少少辣椒,略帶辣味,醬汁夠香濃👍。呢個醬汁如果加湯再打邊爐,應該都會好正。🤤京葱炒羊肉佢呢度有唔少小炒,因為難得搵到朋友都食羊肉🐑,所以叫咗個京葱炒羊肉。羊肉味有少少羶🤏,但整體份量大,而且味道唔錯,可以炒得啲京葱再焦一啲🔥。呢度睇落好新淨,仲有啲花同畫作點綴💐,而門口有兩檯戶外座位,食煙或帶寵物嘅朋友都歡迎🐶。Klook 3% off優惠碼：HELENCKLOOK
continue reading
📢 川花烤魚 - 荃灣大壩街嘅美食熱點！📢🍲 早前去咗位於荃灣大壩街嘅川花烤魚，果然無得頂！當晚我叫咗一份蕃茄烤魚，佢哋嘅巴蜀風湯底真係非常好食，材料非常豐富，有滿滿嘅蕃茄、寬粉、豆皮、大豆芽、腐竹等等，。有辣同唔辣選擇，適合唔同口味嘅人。🧾 另外我仲叫咗火鍋料午餐肉同米線，簡直係完美組合。佢哋而家仲新推出咗即燒串燒、川式小菜、涼菜小食等等，真係值得一試。特別推介佢哋嘅鮑魚雞煲，鮮嫩又美味，一定唔可以錯過！🐟 烤魚新鮮：最重要係，呢度嘅烤魚係即叫即烤，啲魚非常新鮮。我嗰日叫咗海鱸魚，佢哋仲有鉗魚同江團魚等選擇，每一款都係極致享受。🎶 環境氛圍：餐廳環境非常舒適，有輕柔音樂、花卉裝飾、藝術畫作點綴，同埋寬敞嘅座位設計，令人感到放鬆同愜意。
continue reading
尋日同同事被川花既古風門面吸引，又見到入面都多食客，於是就入左去搵食川花入面裝橫簡潔以泥黃色為主，個vibe好舒服我地叫左香辣海爐烤魚，一牒椒鹽雞軟骨香辣海爐烤魚肉質結實，香辣口味偏港人口味，滿滿既豆豉加上紅椒，第一口感覺有些似街邊魚蛋既豆瓣醬辣汁，易入口，當魚烤了一段時間，個辣味就越來越有後勁！正呀！最後驚喜係椒鹽雞軟骨，呢個小炒冇諗過咁有鑊氣，椒鹽味唔會太咸，恰到好處，雞軟骨又有咬口，未上烤魚已經食唒，大推！我同同事都話下次OT完，可以再黎encore!
continue reading
🐯荃灣烤魚香辣好食 食到停唔到口🐭 ⭐️按「更多」睇詳細食評😋#懶惰二人組 去突然想食啲香口野，記得荃荃灣廣場附近有間烤魚店嘅裝修好似幾靚，於是就去食啦！去到唔算太多人，店員都好親切感招呼我哋入去坐同埋介紹嘢食。我哋決定先點一個正宗巴蜀烤魚。其實佢有好多口味，不過店員話最多人點嘅就係香辣味。《正宗巴蜀烤魚-香辣味》海鱸魚原條 （BB辣） $298烤魚上面有一堆剁椒，豆豉。旁邊有配菜，例如芽菜、腐竹、寛粉等。上枱時店員會將盤烤魚放喺爐上面，啲配菜就需要時間去滾熟佢，不過烤魚就已經可以即刻食。鱸魚輕輕煎香過，肉質好實，啖啖肉。配埋啲啲辣椒豆豉同埋湯汁等，極度香口惹味！！！令人食完一口再可，食唔停！BB辣已經夠幾辣，如果你係食得辣嘅話可以再挑戰吓其他再高級啲嘅辣到！《蒜苗炒燒腩片》 $78呢味就相對一般啦，感覺味道咸左啲。🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物係偏向濃味嘅。不過烤魚真係幾好食，值得一試。💚餐廳裝修以簡單、木調為主，位置都幾闊落。💛服務方面，服務十分好，員工都會主動嚟落單，介紹嘢食。你幾多分呀？我個烤魚。Rating： 懶惰鼠 😻😻😻😻懶惰虎 🤩🤩🤩+0.5📍川花烤魚荃灣大壩街29號安康大廈地舖💰人均消費：$200⏰營業時間：12:00-00:00 #懶惰在香港 #lazifooday #香港美食 #烤魚 #香港烤魚 #荃灣美食 #荃灣餐廳 #hkfoodie #hkfood #tsuenwanfood #hongkongrestaurant #hongkongtravel #tsuenwanrestaurant #hongkongfoodie #香港好去處 #香港打卡 #打卡餐廳 #留港消費
continue reading