Terrace in seaside (德福廣場1期)

Open Now

Now Closed

🍊濟州柑橘主題韓系咖啡店呢間連鎖韓系咖啡店周圍都有分店，主打創意韓國料理同柑橘主題甜品🍊Seaside Brunch走健康路線嘅all day breakfast，一碟有齊窩夫、煙三文魚、意大利風乾火腿、牛油果、溏心蛋、沙律菜同雜莓乳酪當中以窩夫最有驚喜👍🏻加咗火腿粒食落鹹鹹地而且香濃蛋味帶點牛油香🍊燒醬油黑毛豬白切肉紫蘇拌飯 白切肉火炙過更香口，雖然係五花肉但無乜油膩感拌飯微辣有少少紫蘇香味幾惹味🍊清甜柑橘窩夫必嗌嘅招牌甜品！窩夫新鮮整起外脆內鬆軟，一上枱就聞到好香牛油味以柑橘汁代替糖漿無咁膩🍊朱古力慕絲其貌不揚嘅朱古力慕絲，香濃朱古力味口感細滑🍊濟洲柑橘乳酪招牌飲品有成個柑橘擺喺杯上面，好似之前喺韓國飲到個杯柑橘汁同乳酪好夾，清新得嚟唔會太甜最後食埋個柑唔浪費😆夠新鮮好甜好juicy🍊濟洲柑橘乳酸梳打漸變色梳打賣相好靚柑橘乳酸加上梳打夠解渴

👧🏻😋👅🍽✨對住橙樹食橙餐-🍊 之前都係坐出面, 今次人唔多入面有位, bar枱對住好大棵橙樹打卡好靚🧡-🍴主食🍴💯燒醬油黑毛豬白切肉紫蘇拌飯 $138 厚厚的白切黑毛豬好香醬油味, 一層腩一層肉彈牙香口; 紫蘇拌飯少少辣, 配埋鮮橙好清新💯Seaside Brunch $112 全日供應, 有ham, 流心蛋, 牛油果, Greek yogurt配藥果, 沙律菜同窩夫; 藥果係韓式菓子, 用蜂蜜做甜甜地, 配較酸yogurt就岩了; 窩夫即製熱辣辣脆卜卜好正-🧇甜品🍫✨清甜柑橘窩夫 $98 每次必食, 窩夫有蛋香, 靚cream好幼滑, 加上橙肉同糖漬橙皮好豐富✨朱古力慕絲 $38 Mousse雪到挺身好濃郁, 整體唔會太甜, 上面有cream同朱古力條增加層次-☕️飲品🍦💯濟洲柑橘乳酪 $68 以前會刮空個橙但而家杯上個橙仲係有肉😍 飲完可以再食多個飯後果, 我地同隔離枱一齊係度搣橙😂💯柑橘湯力咖啡 $52 Expresso tonic已係夏天清爽之選! 再加埋橙清新酸甜, 爽!

呢間店舖好似係用濟州橙做主題，餐廳裝置全部都係柑橘。整體而言都算滿意嘅，但係唔知係咪因為舖頭位置比較細嘅問題，款式類型比較少推介飯後甜品來吃比較適合（利申：錦岩行過所以先去食，見野食係吸引先入去食）

店舖以橘色為主色調，食物亦有以柑橘製成的甜品，店內堂食位置唔多，得3-4張枱，好彩咁啱下午茶時段去唔洗等太耐。餐單較多特色fusion菜，唔想食太full另外有推介窩夫、飯卷、意粉、沙律等，可以食完正餐來續攤/食輕食咁。我地幾個女仔叫左傳統飯卷($72)、清甜柑橘窩夫($98)、熱泡沫咖啡($42)。傳統飯卷($72)就係傳統韓國街邊紫菜包飯，變成切件上碟，餡料有紅蘿蔔、酸蘿蔔、雞蛋、青瓜，味道一般。最特別係藤籃盛菜😂😂推介：🐾🐾🤍🤍🤍價錢：🐾🐾🤍🤍🤍味道：🐾🐾🐾🤍🤍賣相：🐾🐾🐾🤍🤍清甜柑橘窩夫($98)原餅窩夫上吱了忌廉，及鋪上大半個柑，唔知係咪濟州柑，食落都幾清甜及多汁😋窩夫味道正常，價錢偏貴。推介：🐾🐾🐾🤍🤍價錢：🐾🐾🤍🤍🤍味道：🐾🐾🐾🤍🤍賣相：🐾🐾🐾🐾🤍飲品就係正常咖啡味，不過不失。總結，係享受環境、打卡一流多過享受食物🙈

難得星期五，今日放低大大細細，可以同朋友去Chili下，正~呢間店有室外、室內，木質枱櫈，個個店員帶住頂橘子帽，感覺好清新，好fresh!泡菜豬肉芝士千層麵好特別的Fusion菜，每層有泡菜豬肉代替肉醬，酸酸辣辣，好開胃，芝士味唔濃，泡菜味蓋過，但一樣好好味。燒醬油黑毛豬白切肉紫蘇飯個飯壓到扁扁的，好特別,但又唔會好硬，少少辣辣地，不過好惹味，絕對接受到，加埋葱，美味配搭。不得不提係燒醬油黑毛豬白切肉，D肉好厚，膏肉分明，咬落去d膏響口內溶化，肉質彈牙，配合個燒醬汁味道一流。清甜柑橘窩夫窩夫上枱熱辣辣，即叫即製，好重蛋香味。咬落口，D邊重係脆的，配埋橘子既酸甜，清新美味之作。洋甘菊桂花茶一般，洋甘菊味重，感覺唔到桂花味，亦無桂花香，像一般洋甘菊茶。濟洲柑橘乳酸梳打賣相好正，顏色相當吸引，乳酸味不夠濃，但也清新解渴。