彩福國宴 (Closed)

Choi Fook Luxury Banquet

This shop is previously known as Choi Fook Delight Banquet

43 Reviews

Taste

Decor

Service

Hygiene

Value

473

Tai Po

$101-200

清蒸沙巴龍躉斑

2 Recommended

奧志雷

Level4

2.1K

Read full review

收到喜帖恭喜晒，到時早點到飲多杯，招呼唔到！寶湖夠近，飲飽食醉回家迅速。琴晚坐 11 號枱，今晚又坐 11 號，真巧合。菜單吸引，鴻運金豬全體、上湯焗生猛龍蝦、富貴珊瑚蚌帶子、百花炸釀蟹拑、紅燒蟹肉海皇翅、蠔皇玉掌鮮鮑魚、清蒸沙巴龍躉斑、彩福一品燒雞、瑤柱蛋白炒飯、瑤柱炆伊麵、蓮子百合紅豆糕、白兔仔棉花糖。

鴻運金豬全體，靚靚豬山場，大家眼睛發光，久候多時好肚餓喇！肥瘦適中不油膩，皮脆肉嫩咸香出眾，滑滑瘦肉難得的質素。

上湯焗生猛龍蝦，第二道菜就有脆麵食喇，怕大家太肚餓，真貼心。龍蝦份量十足，鋪得滿滿滴水不漏，大方得睇無失禮。波士頓龍蝦燴脆麵！客氣生疏食少好多，老友聚餐梗係要搶先開心啦！十二對筷子全開，殺呀！波士頓龍蝦爽甜啖啖肉，陣陣鮮味吸引力無盡，可口滿意。脆麵底不夠汁，彷如餅乾沾汁食，兩啖濕濕口算數，淨食龍蝦更舒暢。

富貴珊瑚蚌帶子，雖然炒得暖暖地無鑊氣，幸好海鮮夠鮮、蔬菜夠嫩，好味道。爽甜的紅黃椒，凍而脆卜卜的西蘭花，爽脆鮮味珊瑚蚌，軟滑可口嫩帶子，沾點蝦醬更吊味。

百花炸釀蟹拑，一向最好此道，啖啖肉又香口又無骨，一食愛上！先來個原味無添加試試真身。韌韌的皮像魚蛋不鬆脆，蝦膠鮮爽甜美，彈彈的美味。滾上大量豆瓣醬點綴點綴，咸豆瓣不是辣豆瓣，風味顯注。

紅燒蟹肉海皇翅，醋不是撈的，正確食法事後醋，除非好腥好杰才出動。先來啖原味，無使我失望，爽爽的針翅搭鬆軟蟹肉混上濃稠高湯，回味再回味，最後呷啖醋，禮成。

蠔皇玉掌鮮鮑魚，鵝掌膠滑，鵝撲爽脆，掛著蠔汁損得乾乾淨淨。乾鮑仔質素不錯，鮑味突出，嚥韌中不失黏彈。不喜歡小棠菜的水爽，沒有菜甜味呢。

清蒸沙巴龍躉斑，師傅手藝有水準，時間拿捏得宜，熱騰騰送上，好難會不好吃。厚厚啖啖肉淋上魚汁蔥味豉油，格外吸引美味。

彩福一品燒雞，冷冷的無味燒雞。雞皮非常香爽，太肥勁多脂肪，白肉嫩滑得無味，點點黑醬油比較可口。奇怪地跟上淡南乳醬，硬係格格不入。

瑤柱炆伊麵，淡茂茂出水腍劈劈，一啖即 out。瑤柱蛋白炒飯，鑊氣夠、香氣夠，衰在淡口都要 out。蓮子百合紅豆糕、白兔仔棉花糖，so far so good，我不喜歡甜的。