彩福國宴 (Closed)

收到喜帖恭喜晒，到時早點到飲多杯，招呼唔到！寶湖夠近，飲飽食醉回家迅速。琴晚坐 11 號枱，今晚又坐 11 號，真巧合。菜單吸引，鴻運金豬全體、上湯焗生猛龍蝦、富貴珊瑚蚌帶子、百花炸釀蟹拑、紅燒蟹肉海皇翅、蠔皇玉掌鮮鮑魚、清蒸沙巴龍躉斑、彩福一品燒雞、瑤柱蛋白炒飯、瑤柱炆伊麵、蓮子百合紅豆糕、白兔仔棉花糖。鴻運金豬全體，靚靚豬山場，大家眼睛發光，久候多時好肚餓喇！肥瘦適中不油膩，皮脆肉嫩咸香出眾，滑滑瘦肉難得的質素。上湯焗生猛龍蝦，第二道菜就有脆麵食喇，怕大家太肚餓，真貼心。龍蝦份量十足，鋪得滿滿滴水不漏，大方得睇無失禮。波士頓龍蝦燴脆麵！客氣生疏食少好多，老友聚餐梗係要搶先開心啦！十二對筷子全開，殺呀！波士頓龍蝦爽甜啖啖肉，陣陣鮮味吸引力無盡，可口滿意。脆麵底不夠汁，彷如餅乾沾汁食，兩啖濕濕口算數，淨食龍蝦更舒暢。富貴珊瑚蚌帶子，雖然炒得暖暖地無鑊氣，幸好海鮮夠鮮、蔬菜夠嫩，好味道。爽甜的紅黃椒，凍而脆卜卜的西蘭花，爽脆鮮味珊瑚蚌，軟滑可口嫩帶子，沾點蝦醬更吊味。百花炸釀蟹拑，一向最好此道，啖啖肉又香口又無骨，一食愛上！先來個原味無添加試試真身。韌韌的皮像魚蛋不鬆脆，蝦膠鮮爽甜美，彈