緣聚 (Moved) New Location

約左媽媽和妹妹來元朗食放題，餐廳室內環境不錯，空間寬敞簡潔，裝修較西化，我們被安排坐到疏化既卡位，好舒適。這裡食物種類繁多，滿足晒我地不同既要求，竟然放題有火窩和西式排類，感覺創新。首先，我們叫了幾款壽司，玉子和鰻魚味道正常，但壽司飯偏散和唔夠酸。小食和燒物都做得好出色，清酒煮蜆店員端上來時是熱辣辣，湯底清甜而帶有好香既蒜味，蜆肉大大隻夠厚身，入口彈口爽甜又沒有沙。燒秋刀魚，這是媽媽最愛魚皮燒到外脆，角肉保持嫩滑鮮甜，火喉控制得好好。而我最愛就是這裡的西式料理:牛排和香煎大蝦，我選了黑椒汁，牛排砌得好薄，煎到外層香脆，入口好嫩滑，仍然好juicy，跟惹味的黑椒汁是絕配。大蝦都煎得好香脆，肉身爽口彈牙，保持鮮味。一口麻辣帶子麻辣醬好好味，帶子Size細細粒剛剛好一啖一隻，是很好的開胃小食。火窩配料種類都好多，我們主要點了蔬菜和茹類為主，湯底是日式豬骨湯，但味道有點兒似濃湯寶好重味精味！茹類略欠新鮮因秀珍茹偏苦，其如配料都OK,但烏冬連包裝呈上，有點兒古怪。甜品水準一般，我叫了最愛的木糠布甸，整體cream多過餅碎，雪得唔夠冰凍，cream入口有小小糊口。 

一早就聽聞元朗好多好野食，難得放假，就同三位朋友一齊黎到元朗食大餐。朋友們想食放題，上OPENRICE睇睇，就選這間緣聚。6點左右黎到店面，就睇到大大個易拉架價錢LIST，7點前每位148，好抵，二話不說就選擇這間啦~款式都算多，尤其是飲品，好少日本放題有咁多飲品可以選擇，抵讚。第一件事當然就是叫清酒啦，我的最愛，任飲，當然要不醉無歸啦。之後就唔少得刺身，這裡的刺身款式多，尤其是鮮帶子，好新鮮，正。這裡都有火鍋，我地就叫左海蝦肉、金菇、蟹柳等打邊爐必食之選~另外叫了焗蠔，又是必須要狂食的最愛，仲有羊鞍大蝦、金菇牛肉要講到一定要食的，當然仲有帆立貝、牛舌、清酒煮蜆啦，非常好食入黎元朗食野，食到咁平靚正的放題，不枉此行啦~

行開元朗，竟然比我地發現一間幾有特色既放題，而且價錢都較平民大眾，想搵個地方休息下，所以就黎依到做落腳點，門面以歐陸風格作招徠，唔知入到去係咩一回事呢環境幾寬大，六點入座冇咩人容，另外更設有舒適梳化既卡位，佈置亦都有歐陸式既風格依間放題竟然有水吧！係茶餐廳飲到既飲品，依到都有得嗌，有夠特別，所以我地嗌左自己常飲既凍檸茶同凍檸水，味道同飲開既差唔多，水準唔錯前菜蟹籽沙律，用普通沙律醬製成，整體尚算可以，蔬菜同蟹籽都幾新鮮，但唔算特別同出眾刺身冇冰底上，所以刺身唔夠凍，不過味道都唔錯，三文魚腩夠肥美，刺身有夠鮮味，若有凍底會更加好西式黑椒汁西冷扒，第一次放題有扒食，而且仲可以揀配汁，食落口感細嫩，而且份量好多，幾抵食呢雞軟骨，又爽又脆，椒鹽令雞軟骨更加惹味，值得一食～見佢人氣推介就嗌左個巴西牛舌，點知好失望，口感好奇怪，味道亦唔討好，幾乎原封不動，個人黎講唔中意清酒煮蜆，較為失色，蜆肉有沙，湯底太水，但都可以放入口，希望餐廳可以做得更好天婦羅，炸得唔錯，虎蝦食落唔會好油，炸粉厚度適中，其他都唔錯，唔會失望青口較乾身，但都唔錯，個人唔食秋刀魚所以不能作評價（chicken食），蠔則較細小，味

一直期待元朗或屯門會有放題....有日竟然無意中發現有張傳單寫住元朗有放題....即刻上open rice睇睇食評.....但係見到0的食評麻麻地..所以都唔敢抱太大期望......難得呢日係中國情人節...老公又收早...所以決定試試!!!..點知...出乎意料....多選擇!!!!0的0野食好快到.......0的員工服務幾好....有清酒飲!!!同埋最緊要係0的魚生夠新鮮............雖然得短短兩個鐘食0野...不過因為0的0野食0黎得好快....所以完全夠哂時間食....當食夠0的刺身時....老公叫0左4隻燒生蠔....佢竟然食到停唔到口....重覆再叫0左兩次...........0的生蠔應該唔係成隻燒0家...應該係整好上面0的料....再淋落去隻生蠔上.....所以食落好似半生熟咁0既感覺!!!!真係好好味!!!!!!