餃子屋

Open Now

Now Closed

餃子屋的位置在荃昌商場，雖然商場比較舊，人流不算旺，但這間舖無論什麼時候都非常多人排隊，很多專程來堂食或買外賣食客。這小店的舖位比較小，座位較迫，通常都要搭枱坐，環境不算舒服。但是，它最吸引食客的一定是食物的質素，這家店是專門賣餃子，它的餃子不但種類多，而且全部都很足料，份量很大，令人一試難忘。餃子屋的餃子有不同餡料可供選擇，而且價錢相宜，$42-$56，可選6/8隻，如果選擇雙拼就可試多幾隻味，不用加錢。食客可以選擇湯餃或煎餃，如果不夠飽，可加$8加上海麵/米線/淮山麵。餃子的湯底是魚膠淮山煲豬骨湯，味道濃郁，不會有味精的味道，清甜好飲。這次我們選了的湯餃有雲耳白菜豬肉餃、菠菜馬蹄豬肉餃、韭菜豬肉餃。煎餃就選了粟米香菇豬肉餃、京蔥羊肉餃、芝士豬肉餃，加上海麵和淮山麵。配上特製香辣菜脯，十分美味。如果喜歡吃餃子的朋友一定要來試試餃子屋的餃子，包你一試回味！😋

太棒了👏是過時節媽媽的濃湯味道🤩，荃灣呢間食餃子小店早就聽聞，不過從沒打算到來，因為聞說閒日都要排好幾十分鐘，一聽此話斷然拒絕，但今日友人竟然為了食主動話去排隊，這個我非常鼓勵，加油💪🏼我會準時在攞到位前到🤣🤣超巨型自家制餃子🥟，有湯餃及煎餃一場嚟到當然二款都要試喇！韭菜豬肉、雲耳白菜豬肉、雲耳椰菜豬肉、芹菜豬肉、粟米香菇豬肉、香菇木耳雞肉、粟米三式椒豬肉、咖哩薯仔豬肉及京蔥羊肉款款我都好想試，粒粒飽滿結實份量十足，餡料仲好新鮮！煎餃餡料有芝士豬肉、紫菜豬肉及香辣豬肉，隻隻香口好食!我最欣賞其湯底是用魚膠淮山豬骨煲成，濃郁味道一飲就知足料足火候，故我連碗底都不放過😋香辣豬耳，賣相可以，切得太薄失了口感。超滿足一餐，大飽口福👍外賣生餃要連湯底一齊叫啊😉是日星期日我們等了 30分鐘，食後都覺得值得等候，不過下次會外賣自己煮！🤣

荃灣唔起眼既鋪頭，但就係非常美味既餃子店勁多荃灣街坊去所以都要等一陣，可能星期日晚關係都唔係等左好耐小小既舖位坐滿曬人由於餃子都相當大隻，叫唔到小食試韮菜湯餃同白菜湯餃，花膠豬骨湯底相當濃郁，唔會好似太子果間夜晚就稀左肉同菜既比例岩岩好，唔會話收得你34蚊冇咩肉重口味人氏記住配埋菜譜食韮菜煎餃同芹菜煎餃，煎得香但要即食，耐左會硬d,要叫先會送湯，或者加7蚊配埋湯麵!!!本人認為自認重口味先好試芹菜餃而食得辣既朋友可以試下重慶湯底

最近10次出荃灣都有9次會惠顧呢間餃子店，可能由於店鋪座位唔多，門口常常出現人龍，每次過來都要等起碼幾枱，估唔到今次一到剛好有人埋單走，挺幸運的。由於呢個係下午茶，唔太肚餓，但大家都想飲佢既湯，所以各叫了6隻雙拼湯餃配准山花膠湯，另外仲叫左個涼拌木耳，點菜後，木耳先上，雖則有點辣，但越食越上癮，食到停唔到口，成碟幾乎被我一個人食晒，食完後，個口真係好麻，有下次👍🏼👍🏼👍🏼👍🏼之後來左餃子，我地叫左紫菜、咖啡薯仔、白菜、粟米雞肉，都係之前試過好味的，餃子大大隻，餡料足，肉既比例較多，每隻都係脹卜卜，索埋出色的湯汁，真係食6隻已經飽過食美味餃子店既10隻了，由於太鍾意飲佢既湯，另外叫多碗大淨湯，估唔到大湯係用湯餃碗裝，$18/碗，勁抵👏👏👏。經過今次，終於綜合到下次應該只叫一碗6隻餃，一個大湯就唔會太飽。雖則今次無叫煎餃，但其實佢既煎餃都係出色的，特別係紫菜、芝士，如果唔介意太油的話，絕對係推薦👍🏼👍🏼👍🏼