餃子屋

Open Now

Now Closed

17/10/2024📍餃子屋好耐冇食餃子啦 🙎🏻‍♂️話呢間嘅餃子好好食 今次就一齊嚟試下呢度嘅座位好多 啲枱擺得好密 但平日12點嚟到已經幾乎滿座 等多一陣出面已經排長龍 睇嚟真係好受歡迎啊⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨三式煎餃（$60）一次過試晒3款煎餃真係超正🤩每款都有3隻每隻餃子都好大粒好飽滿 外皮煎到脆卜卜 香辣豬肉餃其實唔係好辣 🙍🏼‍♀️唔食得辣都食到紫菜豬肉餃嘅紫菜味好出👍🏻芝士豬肉餃係我哋嘅至愛 加咗芝士🧀真係冇得唔好食！欣賞佢就算嗌煎餃 都會跟一碗湯 可以潤下喉✨雙拼湯餃（$60）+上海麵（$8）湯底係魚膠淮山豬骨湯 幾清甜 冇味精 飲完都唔會口渴湯餃煮完都唔會爛晒 啲皮唔厚不過仲係好完整京蔥羊肉餃嘅蔥味好出 完全冚過羊肉嘅臊味粟米香菇豬肉餃嘅粟米同菇味都未算好明顯 粟米🌽唔夠甜 🍄‍🟫菇味都可以再重啲其實8隻餃子都好夠飽 😂加咗上海麵都食唔晒 另外 佢哋嘅辣菜脯真係好辣 鍾意食辣嘅應該會幾鍾意⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$135（免收加一）無論係湯餃定煎餃都好出色🥟而且價錢合理 就算要排隊都好值得嚟食☺️推薦指數🌟：5/5📍荃灣西樓角路202

我係咪最遲食嗰個🤣🤣終於都特登去咗次荃灣去試，星期日下午3點都大排長龍🤙🏻不過都冇失望😎🔥🥟雙拼煎餃 京蔥羊肉 + 紫菜豬肉 8隻/$58煎餃真係好香口，冇得輸🥹🥹大大隻煎完仲保持到肉汁，一咬即刻噴汁😋🤩 如果會食羊肉嘅，一定要叫羊肉煎餃，超香口惹味同冇羊羶味👍🏻👍🏻 🍲🥟雙拼湯餃 菠菜馬蹄豬肉+ 蒜芯豬肉 8隻/$48湯餃仲明顯，啲餃子大粒過個湯匙🥄勁誇張😎係我食過最大隻的😱整體佢個皮唔算好薄，但我個人覺得可以😋佢個餡料勁多，每隻都勁飽滿✌🏻👍🏻 呢兩隻口味比較，我推介蒜芯豬肉👍🏻👍🏻好好食！好香又爽口，一啖有曬兩隻口感👍🏻同埋佢個湯底🥣真係好好飲，住家湯味，好舒服又濃郁😌😌

叫咗碗經典四拼盤。餃子非常大隻，不過最欣賞係佢嘅湯底-魚膠淮山豬骨湯，非常有魚膠味，但係又唔腥，夠鹹，好飲！至於餃子係唔差，但又唔覺得好好，少咗新鮮豬肉嘅味道。唔係話佢唔新鮮，係唔似用新鮮豬整。整體OK，可以試吓。

簡單既鋪名說出重點美食-->餃子屋韭菜豬肉餃🥟 韭菜豬肉餃真係大愛！餃子皮薄脆，咬下去時，脆脆的口感讓人驚喜！內餡的豬肉鮮嫩多汁，韭菜夠香😍 魚膠淮山煲豬骨 🍲 依個湯超滋補！湯底濃郁香醇，豬骨經過長時間熬煮，喝上一口就暖心暖胃！淮山的滑潤口感和魚膠的獨特風味，最顛係無味精架 菜脯** 🥒菜脯作為配菜，香香辣辣，增加唔少胃口，係一個完美的小配角！✨ 總結 🎉無論是韭菜豬肉餃的脆皮和多汁內餡，還是魚膠淮山煲豬骨的濃郁湯品，再加上菜脯的鹹香，每一道菜都讓人驚喜！

餃子屋🔸韮菜餃6隻 $42餃子大大粒餃子🥟餡超級飽滿韮菜味好香啖啖都好滿足湯底清甜👍🏻👍🏻👍🏻仲比左舊紅蘿蔔同粟米🔹蒜芯豬肉餃6隻 $42蒜芯好香蒜味～同豬肉餡超夾👏🏻👏🏻餡子餡同樣超足料6隻都好夠飽超推薦(*^_^*)

今日一個人Dinner，見到呢間平時食飯時間都好多人等位嘅餃子店，決定試下佢係米真係咁值得排隊食。（平時行過呢個商場都會聞到好大陣味，所以都冇乜意欲想試）時間嚟到八點半，望咗陣餐牌，係佢last order之前嗌咗一碗$48蚊八隻嘅芹菜豬肉餃。但因為芹菜豬肉餃得返兩隻所以另外六隻都變咗做菠菜馬蹄豬肉餃。好快佢就俾咗一碟仔辣菜脯我。等咗大概10分鐘就有得食啦。第一眼見到奶白色嘅湯底，以為普通料啦。點知第一啖飲落有驚喜。鮮甜得來又唔會覺得太濃味，飲落似平時屋企煲嘅老火湯，忍唔住試多幾啖。撈下啲湯，發現入面都幾足料，有煲湯瘦肉同蜜棗。試下第一隻芹菜豬肉餃，餃子皮咬落唔會太厚，而餡嘅份量亦都啱啱好，相信有三份一隻手掌咁大。味道上亦都唔錯，而且有肉有菜嘅口感。跟住食第二隻，我就試吓撈少少菜脯咁樣食。發現完全係另一個Level。辣嘅菜脯加上肉感滿滿嘅餃子，爽口得嚟又有少少辣，又有少少餃子嗰種鮮甜，加埋個湯汁，我會話$48嘅湯餃嚟講好唔錯。食到最後，喺樓面收枱收櫈嘅節奏下，我急急腳食埋最後一隻。老實講，八隻湯餃對於平時做開gym嘅我都真係有啲飽。呢間餃子店環境雖然未必俾到你一個好舒適嘅感覺，但係佢嘅

餃子屋的位置在荃昌商場，雖然商場比較舊，人流不算旺，但這間舖無論什麼時候都非常多人排隊，很多專程來堂食或買外賣食客。這小店的舖位比較小，座位較迫，通常都要搭枱坐，環境不算舒服。但是，它最吸引食客的一定是食物的質素，這家店是專門賣餃子，它的餃子不但種類多，而且全部都很足料，份量很大，令人一試難忘。餃子屋的餃子有不同餡料可供選擇，而且價錢相宜，$42-$56，可選6/8隻，如果選擇雙拼就可試多幾隻味，不用加錢。食客可以選擇湯餃或煎餃，如果不夠飽，可加$8加上海麵/米線/淮山麵。餃子的湯底是魚膠淮山煲豬骨湯，味道濃郁，不會有味精的味道，清甜好飲。這次我們選了的湯餃有雲耳白菜豬肉餃、菠菜馬蹄豬肉餃、韭菜豬肉餃。煎餃就選了粟米香菇豬肉餃、京蔥羊肉餃、芝士豬肉餃，加上海麵和淮山麵。配上特製香辣菜脯，十分美味。如果喜歡吃餃子的朋友一定要來試試餃子屋的餃子，包你一試回味！😋

餃子屋係我心目中一直都係頭幾位,除左湯底真材實料（魚膠淮山煲豬骨）,餃子都係比出邊大隻足料，唔會托手踭，我一個男人食6隻都夠飽，如果唔夠飽，你可以選擇6隻或者比多$8加上海麵/麵線或者淮山麵。沙茶金菇肥牛餃 48/6隻 56/8隻菠菜馬蹄豬肉餃 42/6隻 48/8隻湯底：魚膠淮山煲豬骨特別介紹：辣菜脯餃子屋有提供傳統餃子（韭菜豬，白菜豬，椰菜豬，芹菜豬及菠菜馬蹄），風味餃子（粟米香菇豬，京蔥羊肉，沙荼金菇肥牛等），價錢由最平$40/6隻到$54/8隻，除左湯餃外，亦可以算煎餃，最重要係咩？就算叫煎餃,佢都會畀返碗湯你，不過個人認為還是湯餃最好食，煎餃有時太油，扣了一點分,還巾一個加分位，就係佢嘅辣菜脯，每人一客，落完單就有，菜脯惹味，同埋餃子食一流。價錢非常親民，朋友如果黎荃灣問我有咩好食，我一定話餃子屋。

餃子屋係荃灣人氣餃子店🥟餃子款式多達16款😍所以通常每次去到都要係門口等位,所有餃子都係即叫即整,所以等候時間會較耐,餃子可選煎餃/湯餃,入座後店員會先送上香辣菜脯😋粟米香菇豬肉餃 $56(8隻)餃子嘅湯底揀咗魚膠淮山豬骨湯,有魚膠同淮山係個湯,好足料👍🏻味道鮮甜濃郁,😋每隻餃子都好大隻,餃子皮唔會整得好厚,餡料飽滿👍🏻配搭好夾,粟米清甜.香菇味濃.肉汁好juicy😍餃子連埋香辣菜脯一齊食好惹味😋

名氣好大 但食物一般呢一間係網上好多人推介🙂但係食過之後…除咗大粒之外味道真係好一般冇乜特別😅中意食餃子既我 應該唔會再encore 呢一間因為係買外賣返屋企~所有煎餃都淋晒所以評論唔到煎餃脆唔脆但係所有煎餃都好油🥲煎餃係用紙袋去裝成個紙袋都被啲油浸晒- 香菇木耳雞肉餃（湯餃）好濃既薑味😖除咗薑味之外食唔出其他嘅味道湯係魚膠淮山豬骨湯~ 湯係幾好飲👍🏻- 韭菜餃（煎餃）應該係我食過最唔好食嘅韭菜餃…韭菜同肉嘅比例應該係10比0雖然成粒都係韭菜，但係韭菜味唔濃- 三式煎餃(芝士豬肉餃•紫菜豬肉餃•香辣豬肉餃）芝士豬肉餃-應該係所有餃子入邊最好食嘅😋芝士味好出紫菜豬肉餃- 如果唔知道入邊係有紫菜應該係淨係覺得自己係食緊椰菜餃 冇乜特別嘅味道香辣豬肉餃-冇乜辣味食落同紫菜餃差唔多 見佢嘅菜脯都好多人推介但係菜脯都唔好食😟食完呢一餐 好口渴…

平時荃灣放lunch都經過依間餃子🥟店，經過都好多人排隊，今次終於到我哋排隊，等咗10分鐘都到我哋，我哋都嗌咗煎餃食碗麵，等多15分鐘先食得。煎餃大大粒，咬落去都幾多肉汁爆出嚟，仲好飽滿添🤭🤭。外皮夠香脆，入面夠豐富，終於都明白點解餃子關注組會有佢，的確出色，相信會再encore，可以電話落外賣再落嚟拎。雙拼八隻都係$48，加碗麵都係$8，夠晒抵食仲夠飽添👍🏻👍🏻🥰。環境比較迫，同隔離好近，所以大家都食得快走得快，等位唔洗太耐。

事先上網睇咗食評，已經知道間嘢環境唔係特別好，座位好細又逼，啲阿姐態度真係麻麻地，想落單嘅話都要等15分鐘先至幫你落，之後等餃子都等咗成20分鐘，湯餃叫咗兩款，另外仲叫咗煎餃，總括嚟講餃子都麻麻哋，煎餃太油，唔覺得特別新鮮，湯餃嘅湯都超級一般，唔係老火湯應該係現成湯包，類似濃湯寶啲friend，食食吓仲有隻小強喺張枱嗰度出現，隻小強喺張枱爬來爬去之後仲爬咗去筷子嗰度行嚟行去，所有筷子都係冇嘢冚住，開放式咁俾小強爬，其實呢間嘢都幾污糟吓，你見牆側邊就知，啲油漬成寸口，一定唔會再去！

我每次都只係會食咖哩薯仔豬肉餃(湯餃) 而朋友就揀咗香菇木耳雞肉餃(煎餃)加咗上海麵 (+$8)- 咖哩薯仔豬肉餃 ($48/6隻)呢款係偏重口味 越食越覺得辣兼流灑鼻水 🫢但鍾意食又冇辦法- 香菇木耳雞肉餃 ($56/8隻)今次我冇試食呢款 以前問朋友拎過一隻嚟食 呢款係冇咖哩薯仔豬肉個款咁重口味 朋友話今次煎到好脆好香口佢湯底係可以揀魚膠淮山煲豬骨同重慶湯底，每次我都係揀魚膠淮山煲豬骨，同埋落單個時如果你冇特別要求 佢哋就會default畀魚膠淮山煲豬骨😂個湯咁多年都係咁好飲 又唔會話好重味精 整體嚟講 佢哋餃子真係大大粒 每次都會好飽 餃子皮唔算係厚 至少係我可以接受 不過呢度多人起上嚟 座位係會有啲迫

叫四隻煎餃，等一個鐘都未有，湯又唔肯比住先，幾好食都等到無癮如果係本身係咁話我係期望太高都算，但講又唔講聲，問又hea我話就有，但一直都無嗰4隻餃食，如果做唔切就唔好接咁多單啦

餃子屋 (荃灣)荃灣西樓角路202-216荃昌商場1樓58號舖韭菜豬肉餃六隻$42每次都會叫 勁香爆餡香菇木耳雞肉餃六隻$48東菇配雞肉係絕配 勁香 爆餡好好食🤤魚膠淮山煲豬骨湯底勁足料勁甜超好飲4.8🌟餃子屋 (荃灣)荃灣西樓角路202-216荃昌商場1樓58號舖韭菜豬肉餃六隻$42每次都會叫 勁香爆餡香菇木耳雞肉餃六隻$48東菇配雞肉係絕配 勁香 爆餡好好食🤤魚膠淮山煲豬骨湯底勁足料勁甜超好飲4.8🌟餃子屋 (荃灣)荃灣西樓角路202-216荃昌商場1樓58號舖韭菜豬肉餃六隻$42每次都會叫 勁香爆餡香菇木耳雞肉餃六隻$48東菇配雞肉係絕配 勁香 爆餡好好食🤤魚膠淮山煲豬骨湯底勁足料勁甜超好飲4.8🌟