Go Inside Kitchen (Closed)

今日約左個好耐冇見既朋友食飯,佢話呢間餐廳傾計一流,於是乎放工就跟住佢黎試下啦!呢間餐廳置身係工廈入面,門口有招牌都唔難搵到~入到去可能時間尚早,唔算好多枱客,侍應亦好快遞上menu招呼我地~朋友比較細食所以我地決定唔嗌set,只係散叫左兩樣野~分別係溫泉蛋卡邦尼意粉同埋墨魚汁鮮蝦意大利飯。溫泉蛋卡邦尼意粉既溫泉蛋果然名不虛傳,真係好晶瑩剔透,蛋黃超流心,捧勻意粉黎食好creamy,不過味道比平時食到既較淡味,朋友唔鍾意食得太膩所以覺得味道岩岩好!我試左少少亦覺得呢個意粉連埋煙肉同蘑菇一齊食好好味~我自己就鍾意呢個墨魚汁鮮蝦意大利飯!意大利飯唔會煮得過林,仍然保持咬口,墨魚汁香濃,仲混入雜菇增加香味同口感,主角鮮蝦亦煮得爽滑彈牙,不過略為淡味左d!另外提醒約左男仔既ladies就要食得小心d喇,因為真係會成咀黑蚊蚊架~~本身想order埋brownies,不過已經好飽了~唯有留番下次啦!

相信每個人都有一個夢想，然而想要實現這個夢想，卻不能只是想的。偶爾朋友們還是要約會一下，談談天也好，談談地也好，談談工作也好，談談夢也好。餐廳位於工廠區，用GPS也很容易搵到。一入門口見到一個小書架，放滿老闆的作品和擺設，好有文化氣息。與一般薯條不同，吃得出層次更加豐富，味道除了一般薯條的香脆還增加了芝士和肉醬，更加惹味。雞翼好入味，肉質鮮嫩多汁，蜜糖味令雞翼味道更濃郁突出，黑松露令其身價提升。我特別喜歡意粉那種根根分明充滿嚼口的感覺，將溫泉蛋與意粉絞和，令意粉更順滑，更入味。份量十足的安格斯牛配有薯菜，煎至太約六成熟，入口即感受到濃濃的牛肉特有的香味，讓人越吃越起勁。無錯，完美的一餐需要一個完美的甜點作為完結，不但外型吸引而且甜度適中，不會因太甜帶來罪惡感。有個戶外小茶座，可以在這里吹吹風，談談情，其實也很浪漫⋯

朋友約飯所以一起黎試一下，我本身其實唔係好食得慣西式料理，但係哩間真係唔錯！哩次一共叫左五樣嘢，有飯有麵，大家一起share黎食。個人極推介香煎帶子淡蝦醬意大利飯，好有大澳風情🤣🤣比較貼近我哩啲食唔慣西餐嘅人嘅口味。帶子煎得剛剛好，唔會太老，好軟好鮮甜😋個飯都唔會太鹹，好香，入面有混左啲菇，好啱我口味！另外仲有個溫泉蛋卡邦尼意粉，隻溫泉蛋好圓好可愛，篤爆距果下好正🤣🤣意粉芝士味好濃郁，啱曬愛芝士人士😋😋不過稍微偏鹹左小小，但係都好好食！如果口味清淡人士可以試下西班牙海鮮意大利飯，對比起其他都比較清淡，因為食左其他先食距搞度距顯得更加清淡😂但係都唔錯架，蘿蔔青菜各有所愛啦。另外仲有柏施圖汁荷蘭大啡菇寬條麵，個菇真係好大！！都好好食😋！個面綠色好得意😂

今日係觀塘放工，去到apm 發現間間店都爆哂，就決定去openrice 睇下附近有冇其他好野食，於是就比我搵到呢間go indide kitchen餐廳環境非常不錯，座位嘅空間亦都非常大，大家都食得好舒服，啱哂大家嚟傾計食飯首先係招牌沙津，極正，有雞、三文魚同埋巴馬火腿，全部都係我最愛嘅食材。佢嘅醬汁係另上，可以比食客自己選擇，有醋、olive oil 同埋麻醬。我就揀左麻醬沙津菜極之新鮮，好食！到小菜焗雞翼，雞翼都幾大隻，而且味道都調得非常好，黑松露唔會搶過雞翼嘅味道，用嚟開胃真係一流意粉亦都保持到相應嘅水準，唔會太溜，同溫泉蛋撈埋一齊食真係perfect match。總結嚟講，呢一餐都係性價比高嘅一廳，而且可以係咁闊絡嘅地方食野，真係好舒服

lunch時間嚟到人多到爆嘅觀塘，醒目仔如我緊係一早用open rice book定位～仲有八五折！抵！位置唔難搵，係牛頭角同觀塘站之間，工廠大廈入口對正大馬路巴士站，絕對唔會蕩失路。去到餐廳13:15，餐廳居然無滿座，不過book位有折都係book位好😂😂。lunch set都有十幾款選擇，包湯、餐包、飲品，相當豐富。但素食選擇係零⋯不過多年素食經驗～走餸係我強項！最後叫咗兩個餐～溫泉蛋卡邦尼意粉（走肉版）個汁有少少漏，麵質唔好好彈牙或者有蛋香，又唔係稔哂唔好食，調味剛好，屬於中規中矩。素友留意佢係有蛋同有五辛嘅。大啡菇漢堡配薯條（走肉版）薯條粗而且脆口，咸味適中，可惜份量偏少。第一次切漢堡包可以一刀切唔散開唔漏汁，某程度上都係一種出色😂😂。材料係新鮮嘅，咬落唔特別驚喜，都係中規中矩。食物質素普通，如果想追尋美食可以免喇，但性價比係高嘅，最後折完兩個人食咗$171，以西式套餐嚟講算好抵食，仲要坐得舒服坐得耐。推介俾想食餐豐富又要求唔高嘅人

2018年嘅第一餐飯局選咗位於觀塘工廈嘅西式隱世廚房，雖然位於工廈入面，但係近觀塘地鐵站，沿觀塘道往牛頭角方向行3至4分鐘就到，要搵都唔難搵。環境清淨，整潔舒適，座位闊落。呢度嘅食物選擇都相當豐富，有set dinner 或者自選main course 配pasta , rissto。 我哋2個人就選了2個main courses 配1個pasta。首先嚟嘅係溫泉蛋卡邦尼意粉，個人十分喜歡這個卡邦尼汁，食落去濃濃芝士和忌廉香味，加上溫泉蛋，而且沒有‘好溜’的感覺，實在食唔停口。🤣🤣之後係2個主菜，德國黑椒豬手和香煎三文魚扒。雖然這個德國豬手份量不算大，但係有別於一般德國咸豬手，以黑椒汁取代咸味，外層又脆又煙韌，肉質嫩滑，別有一番風味。😎😎香煎三文魚是無骨一塊過，雖然係煎嘅，但完全唔覺得乾身，咬落去口感結實，肉質外脆內軟，魚肉滲透着微微三文魚油香，魚味香甜。😋😋

今日黎左觀塘的go inside kitchen食晚餐，地點比較隱蔽，不過好近地鐵站，行3-5分鐘就到，好方便!環境和裝修得唔錯，枱和枱之間保持私隱，係和男女朋友撐枱腳的好地方Menu方面，有set for two, set for one 和單點。首先，我們單點叫了溫泉蛋卡邦尼意粉。溫泉蛋做得剛剛好，用叉吉一下，蛋醬隨即爆出黎，然後我們把蛋醬攪勻整碟意粉，正! 意粉做得al dente, 彈牙，掛汁也很好，加上煙肉和洋蔥，抵讚!下一款是西班牙黑毛豬豬鞍架，估吾到啖啖肉!! 肉質幼嫩，用力切開，肉色是粉紅色的，烹調時間剛剛好，所以完全唔會乾身!另外伴碟有椰菜，紅蘿蔔，和炸薯格，以及一款酸酸地的醬汁，醬汁是啡色的，帶一點點蘋果的酸甜清香，相信是自家制的醬汁，可以"點"豬鞍架或薯格，幾清新!

觀塘近年開了不少工廈的西餐廳，聽說不少環境好，味道有水準... 一於和友人去觀塘品嚐一下...這間店位置都算便利，大廈位於在大馬路側。一出𨋢很快便見到餐廳門牌，心想幾靚喎... 有點期待...環境:一進店，裝潢簡潔，感覺很寛敞舒服...雖然有大半場被團體租用中，但餘下的4-5枱，仍然有不少空間，坐得很"闊落"見到斧頭扒真係好吸引呀..... 所以我們點了一個2人餐($698)試試(比單點扒划算呢)...再加意粉、小吃...前菜- 芝士煙肉焗蠔+蒜蓉法包+餐湯:焗蠔的芝士外層脆，而裡面的蠔juicy; 包重蒜香，不會太乾; 餐湯是由甘筍磨成蓉的，上面加了淡忌廉吱花，賣相吸引，喝起來甜甜的帶姜味，夠香濃。整體不錯不錯。主菜-燒巨型美國斧頭扒(32oz):上枱時，不禁"Wow"了一聲，是真的很巨型呢! 說是斧頭是沒錯的!! 本想拿起來跟自己的大頭比併一下...但因為經過的客人也為這斧頭扒投下羨慕又驚訝的目光，我還是斯文一點慢慢品嚐較好... 哈哈，就如女孩子棒著花束一樣，心裡暗暗的興奮...5成熟order，吃起來外脆，內裡juicy又唔 韌，想不到那麼大塊也能做到這樣水準，掂喎! 總覺得拍

觀塘道又堵車，遲了半小時才下車，幸好餐廳就在巴士站旁的工業大廈內，很快便找到這間Go Inside Kitchen。這幢工業大廈有點殘舊，但餐廳裡面環境寛敞，裝潢簡約，還有露天茶座！有set dinner，也有單點美食，悉隨尊便。餐包配橄欖油黑醋每桌客人均免費有一籃餐包配橄欖油和黑醋，餐包帶淡淡牛油香，烘得脆一點會更好，配橄欖油黑醋健康清新。加勒比海飛魚籽海鮮球 $78本來想試試薄切北海道帶子香橙芥辣汁沙律，感覺挺特別，可惜帶子沒貨，店員便推薦了招牌菜加勒比海飛魚籽海鮮球，用豆腐混和青口、三文魚和飛魚籽等海鮮炸成。可能是招牌菜令人期望太高，反而有點失望，一來份量太少，$78只有三顆， 二來味道平淡，不太吃得出海鮮味，像炸豆腐卜。黑松露蜜糖烤雞翼 $58這客雞翼成功扳回一城，烤得惹味之餘亦能留住肉汁，黑松露香氣四溢，跟蜜糖出奇地配，而且有六隻，可以吃個夠。溫泉蛋卡邦尼意粉 $128吃過很多濫竽充數的卡邦尼意粉，隨便用廉價的白汁配煙肉便算，這客意粉一吃便高下立見，芝士味很香濃，意粉彈牙，醬汁幼滑，煙肉香口，份量十足，美中不足是上菜時溫泉蛋破掉了，和欠了黑椒作點綴。墨魚汁海膽意大利飯 $14