熾工房 (Closed)

西營盤好多特色餐廳，weekend嚟開呢頭，就揀咗嚟呢間主打炸雞烤雞同蘑菇飯嘅熾工房食晏。餐廳裝修走簡約工業風，面積比想像中大，坐得舒服。一共有八款套餐，亦有散嗌menu，選擇都幾多。兩個人嗌咗一個招牌脆雞漢堡餐同一個滋味脆雞餐。套餐包括薯條或粟米同埋汽水。薯條可加$5轉蘑菇飯，汽水都可以加錢轉為特飲。炸雞炸得香脆唔會太油膩，內裡肉質仍然保持嫩滑，味道比一般連鎖快餐店無咁鹹咁重口味脆雞漢堡用上西營盤小店-天天烘焙嘅竹炭麵包，麵包口感鬆軟炸雞肉厚，配以偏酸嘅蛋黃醬好開胃最特別係中間夾住芝士脆片，雖然芝士味唔太突出，但勝在口感特別。配菜薯條粗身外脆內軟，份量足蘑菇飯係招牌菜，當然要試下。蘑菇汁唔係一般食到嘅啡色汁，而係忌廉白汁，好香牛油味，果然好好味套餐加錢轉嘅特飲好大杯！青檸菠蘿梳打，菠蘿味比較突出，青檸似乎只係配角。蘋果茉莉茶賣相好靚，味道清新唔會太甜整體嚟講食物質素高，炸雞、炸雞漢堡同蘑菇飯都好有水準餐廳環境幾好坐得闊落，見到happy hour $38一杯，仲買二送一好抵！下次有機會嚟happy hour

星期六留咗喺屋企休息🏡，所以就簡單喺附近搵嘢食。呢日想食熱氣嘢，我哋就決定幫襯一下位於高街嘅「熾工房Wow Lab」。我哋成日行經都覺得呢度環境幾Chill，有室外座位，而室內就油咗靚靚牆畫🎨，齋睇裝修未必估到呢度食乜。餐廳賣嘅食物熟口熟面喎，似菲律賓蜜蜂同炸雞爺爺快餐店嘅混合版🥡，佢另外仲有其他食物，例如漢堡包同意粉等。價錢比起連鎖店貴，不過學生食就有折。風味烤雞套餐($68)，🐔烤雞同炸雞各有特色，烤雞相對無咁熱氣，更顯雞肉嫩滑。燒雞配上芥末汁食，能夠刺激味蕾，滋味無窮。本身一客雞有兩件，但唔知係咪比較細隻，所以有三件。蘑菇飯(+$5)，呢度嘅出品比起某連鎖店嘅蘑菇飯更出色。醬汁係忌廉蘑菇汁🍄，有啲似忌廉湯，味道唔辣，老少咸宜。再混入新鮮菇菌，菇香特別濃郁；但略嫌白飯口感偏濕🍚。滋味脆雞套餐($66)，🍗炸雞即叫即整，新鮮滾熱辣送上。外皮酥脆，一啲都唔油膩，而且肉汁滿滿，肉質富彈性，唔係M炸雞嗰種霉肉。炸雞配埋自家製肉汁食，幾正。牛油粟米，🌽粒粒栗米杯OK，牛油落得夠多。蕃茄扁意粉配牛扒菇($58)，呢個係素食菜式，但味道毫不單調。🍝 扁意粉口感彈牙兼掛汁，蕃茄味幾濃🍅，酸味自然。