熾工房 (Closed)

西營盤好多特色餐廳，weekend嚟開呢頭，就揀咗嚟呢間主打炸雞烤雞同蘑菇飯嘅熾工房食晏。餐廳裝修走簡約工業風，面積比想像中大，坐得舒服。一共有八款套餐，亦有散嗌menu，選擇都幾多。兩個人嗌咗一個招牌脆雞漢堡餐同一個滋味脆雞餐。套餐包括薯條或粟米同埋汽水。薯條可加$5轉蘑菇飯，汽水都可以加錢轉為特飲。炸雞炸得香脆唔會太油膩，內裡肉質仍然保持嫩滑，味道比一般連鎖快餐店無咁鹹咁重口味脆雞漢堡用上西營盤小店-天天烘焙嘅竹炭麵包，麵包口感鬆軟炸雞肉厚，配以偏酸嘅蛋黃醬好開胃最特別係中間夾住芝士脆片，雖然芝士味唔太突出，但勝在口感特別。配菜薯條粗身外脆內軟，份量足蘑菇飯係招牌菜，當然要試下。蘑菇汁唔係一般食到嘅啡色汁，而係忌廉白汁，好香牛油味，果然好好味套餐加錢轉嘅特飲好大杯！青檸菠蘿梳打，菠蘿味比較突出，青檸似乎只係配角。蘋果茉莉茶賣相好靚，味道清新唔會太甜整體嚟講食物質素高，炸雞、炸雞漢堡同蘑菇飯都好有水準餐廳環境幾好坐得闊落，見到happy hour $38一杯，仲買二送一好抵！下次有機會嚟happy hour