番茄師兄

Open Now

Now Closed

呢日交俾新同事搵食乜，佢對呢區唔熟，所以上Openrice索料，佢喺頭幾間🔍搜尋結果入面揀選咗「番茄師兄」。咁啱我都好耐無食過喇，就一於食下，比多次機會佢。我哋下午一點九去到，以為過咗食飯高峰期，點知都要等位，好彩只係等咗大約十分鐘😊。留意番餐廳係喺門口自行寫人數同攞飛的，自助形式，頗為方便，唔駛開門又閂門。等位期間，我哋可以先行睇餐牌揀食乜。餐廳主打嘅當然係番茄湯底🍅，大部份湯麵已經預設好哂有乜餸，無得自己加料。不過價錢幾貴下，最平嗰碗都要$44，仲要啲餸料勁頹。麵食以外，餐廳仲有飲品同小食提供🍢，午餐時段特飲有得以優惠價錢加配。芝See菇牛番茄濃湯通粉($49)，即芝士、草菇加免治牛肉，我呢碗名副其實係茄牛通😂。通粉係無坑紋嗰種，淋淋哋，但同番茄湯好夾。餸料亦都多，特別係草菇🍄，佢係深啡色，同牛肉碎撞樣，哈哈。芝士都有啲，但唔鹹，而且溶哂入湯入面，一般般。滑一滑番茄濃湯拉麵($49)，即新鮮騸牯滑牛加炒滑蛋。呢碗係同事叫嘅，我無試到，但見炒滑蛋幾靚同幾大份🥚，滑牛同拉麵都唔少。番茄湯底就大家一樣，有原個番茄外，湯頭果然係幾濃郁，熱湯時更正🤤。麻香瑞士汁系雞中翼🐔($15/2隻)，我

呢間出名又排晒長龍嘅黃店 有幸早幾日食到店內文宣滿滿 客仔咩年齡層都有手足都唔一定淨係年輕人 好多前輩都好勇好黃🙏🏾講番間舖 味道又🧐📔黃店 番茄師兄 深水埗 提供免費學生餐 有義賣捐款 等等————————————————1.🍅滑一滑番茄濃湯拉麵🍜($49)試左少少 朋友點嘅 滑牛滑但無咩特別 拉麵有蛋香😋2.🥗田園風番茄濃湯通粉+炒滑蛋🥣($43)唔..唔加滑蛋會唔知食緊咩😥先講湯底 期待佢香濃足料 但換來係帶點酸味嘅蕃茄湯唔算好濃 唔太夠味 唔太香..🍅啲餸真係唔太掂 叫嘅菜料全部都係白烚就鋪上面😟菇係白烚味 粟米乾身唔甜 蕃茄又白烚 椰菜又白烚..得個蛋比番啲味😶 通粉比較喜歡有坑紋的3.麻香瑞士汁雞中翼🐔($14/2件)雞翼都較老身 肉偏乾但入味 瑞士汁唔錯4.檸檬雪梨露🍋🍐🍹($18)健康 淡口 有雪梨渣飲下 唔算好甜📒✍🏾整體分鐘: 5.5/10🤓🌥希望可以改善一下哦 聽閒之前個湯唔係咁淡口味的🙏🏾

非常出名嘅黃店，要食就要有心理準備排！長！龍！嗰晚6點幾去，等左差不多30分鐘～ 一路等一路睇Menu 嘩原來麵底已經有好多選擇！有米線、日式拉麵、烏冬、上海麵、生菜底...🍅🍜滑一滑番茄濃湯拉麵估唔到啲番茄係原個切開上，好大舊👍🏻 唔係一般一片片嗰啲！湯底亦都好濃茄味牛味好足料👍🏻 🐄新鮮騙牯滑牛：牛份量適中，可以再稔啲～ 炒滑蛋堅係滑劣劣🤣 好味！🍅🍜犇犇有禮番茄濃湯烏冬新鮮牛面頰、新鮮牛坑腩、新鮮崩沙腩🤤 全部都好香牛肉味 肉質又稔又肥美🤣 個人覺得牛坑腩最好食👍🏻 個烏冬同平時食嗰啲比，較扁同幼身，有啲似麵～最後俾大家睇埋張單嘅字句🙂 店主好有創意又緊貼時事，不時轉換字句😉