Video
Read full review
2020-08-24
5071 views
呢日交俾新同事搵食乜，佢對呢區唔熟，所以上Openrice索料，佢喺頭幾間🔍搜尋結果入面揀選咗「番茄師兄」。咁啱我都好耐無食過喇，就一於食下，比多次機會佢。我哋下午一點九去到，以為過咗食飯高峰期，點知都要等位，好彩只係等咗大約十分鐘😊。留意番餐廳係喺門口自行寫人數同攞飛的，自助形式，頗為方便，唔駛開門又閂門。等位期間，我哋可以先行睇餐牌揀食乜。餐廳主打嘅當然係番茄湯底🍅，大部份湯麵已經預設好哂有乜餸，無得自己加料。不過價錢幾貴下，最平嗰碗都要$44，仲要啲餸料勁頹。麵食以外，餐廳仲有飲品同小食提供🍢，午餐時段特飲有得以優惠價錢加配。芝See菇牛番茄濃湯通粉($49)，即芝士、草菇加免治牛肉，我呢碗名副其實係茄牛通😂。通粉係無坑紋嗰種，淋淋哋，但同番茄湯好夾。餸料亦都多，特別係草菇🍄，佢係深啡色，同牛肉碎撞樣，哈哈。芝士都有啲，但唔鹹，而且溶哂入湯入面，一般般。滑一滑番茄濃湯拉麵($49)，即新鮮騸牯滑牛加炒滑蛋。呢碗係同事叫嘅，我無試到，但見炒滑蛋幾靚同幾大份🥚，滑牛同拉麵都唔少。番茄湯底就大家一樣，有原個番茄外，湯頭果然係幾濃郁，熱湯時更正🤤。麻香瑞士汁系雞中翼🐔($15/2隻)，我
呢日交俾新同事搵食乜，佢對呢區唔熟，所以上Openrice索料，佢喺頭幾間🔍搜尋結果入面揀選咗「番茄師兄」。咁啱我都好耐無食過喇，就一於食下，比多次機會佢。
我哋下午一點九去到，以為過咗食飯高峰期，點知都要等位，好彩只係等咗大約十分鐘😊。留意番餐廳係喺門口自行寫人數同攞飛的，自助形式，頗為方便，唔駛開門又閂門。
等位期間，我哋可以先行睇餐牌揀食乜。餐廳主打嘅當然係番茄湯底🍅，大部份湯麵已經預設好哂有乜餸，無得自己加料。不過價錢幾貴下，最平嗰碗都要$44，仲要啲餸料勁頹。
麵食以外，餐廳仲有飲品同小食提供🍢，午餐時段特飲有得以優惠價錢加配。
芝See菇牛番茄濃湯通粉
$49
85 views
0 likes
0 comments
滑一滑番茄濃湯拉麵
$49
79 views
0 likes
0 comments
麻香瑞士汁系雞中翼
$15
48 views
0 likes
0 comments
鮮炸腐皮墨魚蝦條🦑($18/2件)，呢個同事叫嘅，我亦無試，但目測唔太大條。
凍桂圓紅棗桑寄生茶
$20
52 views
0 likes
0 comments
總括嚟講，呢餐令我對番茄師兄有所改觀，我上次食完就一直無回頭嘅衝動。番茄湯比我年幾前食好似進步咗好多，而且份量多、夠男仔食，估唔到餐廳成為排隊店後反而仲好味咗🙈，我哋兩點半食完出番去，人龍仲多過頭先...。可惜嘅係番茄湯麵偏貴，喺深水埗區都要食成$70，性價比低。
最後，佢係一間撐香港人嘅小店嚟💛！
Post
